ഗവ എച്ച് എസ് എസ് , കലവൂർ/പ്രവർത്തനങ്ങൾ/2024-25
പഠനോത്സവം 2024_25
കലവൂർ ഗവൺമെന്റ് ഹയർ സെക്കന്ററി സ്ക്കൂളിന്റെ 2024_25 അധ്യയന വർഷത്തെ പഠനോത്സവം 2025 മാർച്ച് 14 വെള്ളിയാഴ്ച രാവിലെ 10 മണി മുതൽ ഉച്ചകഴിഞ്ഞ് 2.30 വരെ സ്ക്കൂൾ ഓഡിറ്റോറിയത്തിൽ വെച്ച് നടത്തപ്പെട്ടു. ഈ അധ്യയനവർഷം ക്ലാസ്സ് മുറികളിൽ നടത്തപ്പെട്ട വിവിധ പഠനപ്രവർത്തനങ്ങളിൽ മികച്ചവ തിരഞ്ഞെടുത്താണ് പഠനോത്സവത്തിൽ അവതരിപ്പിച്ചത്. ഈശ്വരപ്രാർത്ഥനയോടെ ഉദ്ഘാടന സമ്മേളനം ആരംഭിച്ചു.സ്ക്കൂൾ പി.റ്റി.എ പ്രസിഡണ്ട് വി.വി. മോഹനദാസിന്റെ അധ്യക്ഷതയിൽ ചേർന്ന ഉദ്ഘാടന സമ്മേളനത്തിന് സ്ക്കൂൾ ഹെഡ്മിസ്ട്രസ് മേരി ആഗ്നസ് സ്വാഗതം ആശംസിച്ചു.ആലപ്പുഴ ജില്ലാ പഞ്ചായത്ത് അംഗം അഡ്വ. ആർ.റിയാസ് പഠനോത്സവം ഉദ്ഘാടനം ചെയ്തു. ആര്യാട് ബ്ലോക്ക് പഞ്ചായത്ത് അംഗം തിലകമ്മ വാസുദേവൻ, സ്ക്കൂൾ പ്രിൻസിപ്പൽ മഞ്ജു.എൻ, എന്നിവർ ആശംസകൾ നേർന്നു. മലയാളം അധ്യാപിക രൂപരേഖ മികവുകളുടെ അവതരണം പ്രസന്റേഷൻ സോഫ്റ്റ് വെയറിന്റെ സഹായത്തോടെ നിർവഹിച്ചു. ഗണിതാധ്യാപിക കെ.ഷീബ നന്ദി പ്രകാശിപ്പിച്ചു. ഉദ്ഘാടന സമ്മേളനത്തെത്തുടർന്ന് മികവുകളുടെ പ്രദർശനം നടത്തി
