മാവിച്ചേരി എൽ പി സ്കൂൾ/എന്റെ ഗ്രാമം

മാവിച്ചേരി

മാവിച്ചേരി ഗ്രാമം

പരിയാരം ഗ്രാമപഞ്ചായത്തിലെ കുറ്റ്യേരി വില്ലേജിൽ ഉൾപ്പെട്ട പ്രദേശമാണ് മാവിച്ചേരി .

കർഷകത്തൊഴിലാളികളും നിർമാണമേഖലയിൽ പണിയെടുക്കുന്നവരുമാണ് ഗ്രാമവാസികളിലേറെയും .വിശാലമായ വയലുകളും കുന്നിൻ പ്രദേശങ്ങളും ഈ ഗ്രാമത്തെ

മനോഹരമാക്കുന്നു .വിദ്യാഭ്യാസ മേഖലയിൽ മികച്ച സംഭാവനകൾ നൽകിയ ധാരാളം വിദ്യാഭ്യാസ

സ്ഥാപനങ്ങൾ മാവിച്ചേരിയിലും പരിസരപ്രദേശങ്ങളിലുമായി തലയുയർത്തി നിൽക്കുന്നു .

തളിപ്പറമ്പ് നഗരത്തിൽ നിന്ന് ഏറെ അകലെയല്ലാതെ നിലകൊള്ളുന്ന ഈ പ്രദേശം വിദ്യാഭ്യാസ വാണിജ്യ തൊഴിൽ മേഖലകളിൽ മികവ് കൈവരിച്ചു കൊണ്ടിരിക്കുകയാണ് .

ഭൂമി ശാസ്ത്രം

കണ്ണൂർ ജില്ലയിലെ പരിയാരം പഞ്ചായത്തിലെ കുറ്റ്യേരി വില്ലേജിൽ ഉൾപ്പെട്ട പ്രദേശമാണ് മാവിച്ചേരി.കുന്നിൻപ്രദേശങ്ങളും വിശാലമായ വയലുകളും തോടുകളും ഉൾപ്പെട്ട ഭൂപ്രകൃതിയാണ് ഇവിടുത്തെ പ്രധാന സവിശേഷത.തികച്ചും ഗ്രാമീണാന്തരീക്ഷം ഉള്ള പ്രദേശമാണിത്.പരിയാരം ഗ്രാമപഞ്ചായത്തിൽ ഏഴാം വാർഡിലെ പ്രദേശത്തിലാണ് സ്കൂൾ സ്ഥിതി ചെയ്യുന്നത്.നെല്ലിപ്പറമ്പ്,കാഞ്ഞിരങ്ങാട്,ചെനയന്നൂർ ,കുറ്റ്യേരി എന്നിവ സമീപ പ്രദേശങ്ങളാണ്