ഗവൺമെന്റ് വി. എച്ച്. എസ്. എസ് & എച്ച്. എസ്. എസ്. പാറശാല/പ്രവർത്തനങ്ങൾ
| സ്കൂൾ | സൗകര്യം | പ്രവർത്തനം | പ്രൈമറി | എച്ച്.എസ് | എച്ച്.എസ്.എസ്. | വി.എച്ച്.എസ് | ചരിത്രം | അംഗീകാരം |
*GOTEC_2022-23. ''ഗ്ലോബർ ഓപ്പർച്ചൂണിറ്റീസ് ത്രൂ ഇംഗ്ലീഷ് കമ്മ്യൂണിക്കേഷൻ ''- ഇംഗ്ലീഷ് ഭാഷ നന്നായി കൈകാര്യം ചെയ്യുന്നതിലേക്കും സന്ദേഹം കൂടാതെ ഭാഷ സംസാരിക്കുന്നതിനും വേണ്ടി തി രു വ ന ന്തപുരം ജില്ലാ പഞ്ചായത്തും ഡിസ്ട്രിക്റ്റ് സെൻ്റർ ഫോർ ഇംഗ്ലീഷും കൂടി നടത്തുന്ന പ്രത്യേക പരിശീലനക്കളരിയാണിത്.സാധാരണ ക്ലാസ് സമയത്തിനു പുറമേ അധികം 50 മണിക്കൂർ കണ്ടെത്തി നടത്തുന്നതാണ്. ഡിസ്ട്രിക്ട് പഞ്ചായത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ ശ്രീമതി സലൂജ മാഡം ആണിതിൻ്റെ ഉദ്ഘാടനം നിർവഹിച്ചത്.നെയ്യാറ്റിൻകര ഗവ.ഹയർ സെക്കൻ്ററി സ്ക്കൂൾ അധ്യാപകൻ ശ്രീ.കെ.ഹരിദാസ് മുഖ്യ പ്രഭാഷണം നടത്തുകയും ഇംഗ്ലീഷ് ഭാഷയുടെ ആവശ്യകതയെക്കുറിച്ച് ബോധവത്ക്കരിക്കുകയും ചെയ്തു. ശുദ്ധമായി, സരളമായി, അനായാസേന ഇംഗ്ലീഷ്ഭാഷ കൈകാര്യം ചെയ്യാനായി കുട്ടികളെ സജ്ജരാക്കുക എന്നതാണ് ഈ പദ്ധതി കൊണ്ട് ലക്ഷ്യമാക്കുന്നത്. 7, 8 ക്ലാസുകളിൽ നിന്നുമുള്ള 50 കുട്ടികളെയാണ് ഈ പദ്ധതിക്ക് തെരഞ്ഞെടുത്തത്.GOTEC കൺവീനർമാരായ റീന വി.എസ് (എച്ച്.എസ്), റീജ.ഡി(യു.പി) എന്നിവർ കുട്ടികൾക്ക് മാർഗനിർദ്ദേശം നൽകുന്നു.
*വിജയ വീഥി
ഈ വർഷത്തെ എസ് എസ് എൽ സി കുട്ടികളുടെ വിജയശതമാനം വർധിപ്പിക്കാൻ കുട്ടികളെ ഗ്രേഡ് തിരിച്ചു ക്ലാസ്സ്‌ നൽകി 30പരീക്ഷ നടത്തി എ, ബി സെറ്റ് ചോദ്യങ്ങൾ. രാവിലെ 9മണിമുതൽ വൈകുന്നേരം 5മണിവരെയുള്ള സമയം അധ്യാപകരുടെ കൂട്ടായ പരിശ്രമം. കുട്ടികൾക്കു ഇടയ്ക്കു ലഘു ഭക്ഷണവും കൊടുത്തു. വിവിധ തരക്കാരായ വിദ്യാർഥികളുട പഠനത്തിൽ ഉത്സാഹം കൈവരുന്നതായി കണ്ടു.
പ്രധാനാധ്യാപിക ജാളി ടീച്ചറുടെ മേൽനോട്ടത്തിൽ ഡോ രമേശ്‌കുമാർ എന്ന എസ് പി സി മേൽനോട്ടം വഹിക്കുന്ന അധ്യാപകന്റെ നിരന്തരമായ ഇടപെടൽ ഈ പദ്ധതിയുടെ വിജയത്തിന് കണ്ണിയാകുന്നു. ഹാജരാകാത്ത കുട്ടിയുടെ വീട്ടിലേക്ക് ഫോൺ ചെയ്ത് കുട്ടിയുടെ വിവരങ്ങൾ അറിഞ്ഞു വേണ്ട ഇടപെടൽ നടത്തുന്ന ഈ അദ്ധ്യാപകൻ സ്കൂളിന്റെ ഒരു മുതൽക്കൂട്ടാണ്. സീനിയർ അസിസ്റ്റന്റ് ഷൈനി ടീച്ചറും സ്റ്റാഫ്‌ സെക്രട്ടറി അബ്ദുൾ കരീം സറും ഈ പദ്ധതിക്ക് കൈത്തങ്ങേകുന്നു. നിരന്തരമായ എസ് ആർ ജി മീറ്റിങ്ങിൽ കുട്ടികളുടെ പഠന അവലോകനം നടത്തി. ഹൈസ്കൂൾ എന്നോ യൂ പി എന്നോ വേർതിരിവില്ലാതെയുള്ള എല്ലാ അധ്യാപകരുടെയും സഹകരണ ത്തോടെയുള്ള ഇടപെടലാണ് ഈ പദ്ധതിയെ വിജയിപ്പിച്ചത്.
ബോധവൽകരണ ക്ലാസ്
3ജൂൺ 2024
പ്രവേശനോൽസവവുമായി ബന്ധപ്പെട്ട് കുട്ടിയെ അറിയുക, കുട്ടികളുടെ അവകാശം എന്നീ വിഷയത്തെ ആസ്പദമാക്കി രക്ഷിതാക്കൾക്ക് സ്കൂൾ കൗൺസിലർ പ്രീത ടീച്ചറുടെ നേതൃത്വത്തിൽ ഒരു ബോധവൽകരണ ക്ലാസ് സംഘടിപ്പിച്ചു.
പരിസ്ഥിതി ദിനം 2024
2024-25 അധ്യയന വർഷത്തെ പരിസ്ഥിതി ദിന പരിപാടികൾ ഇക്കോ ക്ലബിൻ്റെ നേതൃത്വത്തിലും സയൻസ് ക്ലബിന്റെ നേതൃത്വത്തിലും വിപുലമായി സംഘടിപ്പിച്ചു. NSS യൂണിറ്റ് നേതൃത്വം നൽകിയ പരിസ്ഥിതി അവബോധ ക്ലാസ് HM ലിനി ടീച്ചർ ഉദ്ഘാടനം ചെയ്യുകയും ഇക്കോ ക്ലബ്ബ് അംഗങ്ങൾ പങ്കെടുക്കുകയും ചെയ്തു . തുടർന്ന് ഇക്കോ ക്ലബ് അംഗങ്ങൾക്ക് വൃക്ഷ തൈകൾ വിതരണം ചെയ്തു . ഇക്കോ ക്ലബ് അംഗങ്ങളുടെ നേതൃത്വത്തിൽ സ്കൂളിന് മുൻവശത്ത് പൂന്തോട്ടം നിർമ്മിച്ചു. പരിസ്ഥിതി ദിന സന്ദേശം നൽകുന്ന പോസ്റ്റർ നിർമ്മാണത്തിൽ UP, HS വിഭാഗങ്ങളിലെ എല്ലാ കുട്ടികളും പങ്കാളികളായി. സ്കൂൾ ആഡിറ്റോറിയത്തിൽ പോസ്റ്ററുകൾ പ്രദർശിപ്പിക്കുകയും ഗാലറി വാക്ക് സംഘടിപ്പിക്കുകയും ചെയ്തു. സയൻസ് ക്ലബിന്റെ ആഭിമുഖ്യത്തിൽ UP, HS വിഭാഗത്തിൽ ആദ്യ പീരീസിൽത്തന്നെ ക്ലാസ് തല ക്വിസ് മൽസരം നടത്തുകയും വിജയികൾക്ക് അന്നേദിവസം തന്നെ സ്കൂൾ ഓഡിറ്റോറിയത്തിൽ വച്ച് സ്കൂൾ തല ക്വിസ് മൽസരം നടത്തി UP വിഭാഗത്തിൽ നിന്നും HS വിഭാഗത്തിൽ നിന്നും first, Second സ്ഥാനക്കാരെ കണ്ടെത്തി.
അന്താരാഷ്ട്ര ബാലവേല വിരുദ്ധ ദിനം
12 ജൂൺ 2024
നമ്മുടെ സ്കൂളിൽ 5 മുതൽ 8 വരെയുള്ള കുട്ടികൾക്ക് അന്താരാഷ്ട്ര ബാലവേലദിനത്തോടനുബന്ധിച്ച് Special assembly നടത്തുകയും ബാലവേല വിരുദ്ധ ദിനത്തിന്റെ പ്രാധാന്യത്തെക്കുറിച്ച് HM ലിനി ടീച്ചർ സംസാരിക്കുകയും കുട്ടികൾക്ക് മുഖ്യ സന്ദേശം നൽകുകയും ചെയ്തു. തുടർന്ന് സ്കൂൾ കൗൺസിലർ ശ്രീമതി പ്രീത ടീച്ചർ കുട്ടികളുടെ അവകാശങ്ങളെക്കുറിച്ച് ബോധവാൻമാരാക്കുകയും തുടർന്ന് ബാലവേല വിരുദ്ധ ദിന പ്രതിജ്ഞ എടുപ്പിക്കുകയും ചെയ്തു.