ഗവൺമെന്റ് എൽ പി എസ്സ് ഐങ്കാമം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
തിരുവനന്തപുരം ജില്ലയിലെ പാറശ്ശാല ഗ്രാമപഞ്ചായത്തിലെ അയിങ്കാമം ഗ്രാമത്തിലെ ചരിത്ര പ്രസിദ്ധമായ ആമ്പാടി ശ്രീകൃഷ്ണ സ്വാമി ക്ഷേത്ര സമീപത്തായിട്ടാണ് ഈ സ്കൂൾ സ്ഥിതി ചെയ്യുന്നത് .കേരള-തമിഴ്‌നാട് അതിർത്തി പങ്കിടുന്ന ന്യൂനപക്ഷ സ്കൂൾ ആണിത് .ഈ സ്കൂൾ 1957 ൽ സ്ഥാപിതമായി .പാഠ്യ പാഠ്യേതര പ്രവർത്തനങ്ങൾക്ക് മുന്നിൽ നിൽക്കുന്ന ഈ സ്കൂൾ ഇപ്പോൾ വികസനത്തിന്റെ പാതയിൽ ആണ്........
| ഗവൺമെന്റ് എൽ പി എസ്സ് ഐങ്കാമം | |
|---|---|
| അവസാനം തിരുത്തിയത് | |
| 14-03-2024 | 44502ayinkamamglps |
ചരിത്രം
കേരളത്തിന്റെ തെക്കേ അറ്റത്തു പ്രശസ്തമായ ആമ്പാടി ഗുഹാക്ഷേത്രത്തിനടുത്താണ് ഈ സ്കൂൾ സ്ഥിതി ചെയ്യുന്നത്. തമിഴ്‌നാടിനോട് ചേർന്ന് കിടക്കുന്ന ഈ സ്കൂൾ ഒരു ഭാഷാ ന്യൂനപക്ഷ സ്കൂൾകൂടി ആണ്.ഈ സ്കൂൾ സ്ഥാപിതമാകുന്നതിനു മുൻപ് ഇവിടത്തെ കുട്ടികൾ പത്തു കിലോമീറ്ററോളം നടന്നാണ് പഠനം നടത്തിയിരുന്നത് .ഇവിടത്തെ ഗ്രാമീണരുടെ ശ്രമഫലമായി നാട്ടുകാരിൽ പലരും സംഭാവന ചെയ്ത സ്ഥലത്താണ് സ്കൂൾ പ്രവർത്തിക്കുന്നത് .ഒരു ഓലപ്പുരയിലാണ് ആദ്യം പഠനം തുടങ്ങിയത് .ആദ്യത്തെ പ്രഥമാധ്യാപകൻ ശ്രീ വേലായുധൻ പിള്ളയും ആദ്യത്തെ വിദ്യാർത്ഥി പനംപഴഞ്ഞിവിള വീട്ടിൽ സുശീലയുമാണ് .
ഭൗതിക സൗകര്യങ്ങൾ
ഒറ്റ നിലയിലുള്ള രണ്ടു കെട്ടിടങ്ങളും ഓടിട്ട ഒരു കെട്ടിടവും ഉൾപ്പെടെ മൂന്നു കെട്ടിടങ്ങൾ ഉൾപ്പെടുന്നതാണ് സ്കൂൾ. ഓഫീസ് മുറി, ഒരു സ്മാർട്ക്ലാസ്സ്, മൂന്നു ഡിജിറ്റൽ ക്ലാസ്സ്‌ എന്നിവ ഉൾപ്പെടെ 8 ക്ലാസ്സ്മുറികളുണ്ട്.സ്റ്റോർ റൂം, അടുക്കള, ഡൈനിങ്ങ് ഹാൾ എന്നിവയും ഉണ്ട്. ശുദ്ധമായ വെള്ള സൗകര്യം ഉണ്ട്. കുഴൽക്കിണറിൽ നിന്നുമാണ് വെള്ളസൗകര്യം ഒരുക്കിയിട്ടുള്ളത്. മനോഹരമായ ചിൽഡ്രൻസ് പാർക്കും ജൈവ വൈവിധ്യ പാർക്കും ഉണ്ട്. കുട്ടികളുടെ പഠനത്തിന് സഹായിക്കുന്ന നല്ല ചുറ്റുപാടാണ്.കൂടുതൽ അറിയാൻ
പഠ്യേതരപ്രവർത്തനങ്ങൾ
അക്കാദിമിക പ്രവർത്തനങ്ങൾക്കൊപ്പം പാഠ്യേതര പ്രവർത്തനങ്ങളിലും മുൻപന്തിയിൽ നിൽക്കുന്ന വിദ്യാലയമാണിത് .സോപ്പ് നിർമാണം ,ലോഷൻ നിർമാണം ,യോഗ പരിശീലനം ,കരാട്ടെ പരിശീലനം ,ബാലസഭ ,പഠനയാത്രകൾ ,ഫീൽഡ് ട്രിപ്പുകൾ ,വിവിധ ദിനാചരണ പ്രവർത്തനങ്ങൾ ,വിവിധമേളകളിൽ പങ്കാളിത്തം എന്നിവ ഇവിടെ നടത്തുന്ന ചില പഠ്യേതര പ്രവർത്തനങ്ങളാണ്. കൂടുതൽ അറിയാൻ
മാനേജ്മെന്റ്
പാറശ്ശാല ഗ്രാമപഞ്ചായത്തിൽ അയിങ്കാമം വാർഡിലാണ് ഗവ .എൽ പി .എസ് .അയിങ്കാമം സ്ഥിതി ചെയ്യുന്നത് .കേരള സർക്കാരിന്റെ പൊതു വിദ്യാഭ്യാസ വകുപ്പ് നടത്തുന്ന പൊതു വിദ്യാലയമാണിത് .തിരുവനന്തപുരം ജില്ലയുടെ നെയ്യാറ്റിൻകര വിദ്യാഭ്യാസ ജില്ലയിൽ പാറശ്ശാല ഉപജില്ലയുടെ ഭരണ പരിധിക്കുള്ളിലാണ് .
12 മെമ്പര്മാരുള്ള എസ് എം സി യിൽ ശ്രീ .ലിജു പി എസ് ചെയർമാൻ സ്ഥാനം വഹിക്കുന്നു. ശ്രീമതി ഷിബിജ ആർ എം പി ടി എ പ്രസിഡന്റ് സ്ഥാനം വഹിക്കുന്നു
അദ്ധ്യാപകർ
| ലാലി പി | പ്രഥമാധ്യാപിക |
|---|---|
| ജയചന്ദ്രകുമാർ. ടി | പി. ഡി. ടീച്ചർ തമിഴ് |
| രാജൻ. ജെ. വി. | പി. ഡി. ടീച്ചർ തമിഴ് |
| ഓമന. എം. | പി. ഡി. ടീച്ചർ. മലയാളം |
| രാജാംബിക. എ. | പി. ഡി. ടീച്ചർ. മലയാളം |
| രാജു. എൻ. | എൽ പി എസ് എ തമിഴ് |
| മാർവിൻ. പി. | പി. ഡി. ടീച്ചർ തമിഴ് |
| ഷീനാരാജ്‌. ഡി. പി. | എൽ പി എസ് എ മലയാളം |
മുൻസാരഥികൾ
| ക്രമനമ്പർ | പേര് | കാലയളവ് |
|---|---|---|
| 1 | ലാലി പി | July2022- |
| 2 | അനിത ആർ എസ് | Oct.2021-Jun.2022 |
| 3 | ജയചന്ദ്രകുമാർ ടി | 2020-Oct.2021 |
| 4 | നളിനി വി | 2019-20 |
| 5 | പ്രഭ എസ് | 2017-19 |
| 6 | ഉഷാകുമാരി വി | 2010-17 |
| 7 | നേശയ്യൻ എസ് | 2005-10 |
| 8 | സുശീല | 2004-05 |
| 9 | കുട്ടപ്പൻ എൻ | 2003-04 |
| 10 | കെ വേലപ്പൻ നാടാർ | 2002-03 |
പ്രശസ്തരായ പൂർവ്വവിദ്യാർത്ഥികൾ
| ക്രമനമ്പർ | പേര് | പ്രവർത്തന മേഖല |
|---|---|---|
| 1 | നളിന കുമാർ എൻ | സമൂഹപ്രവർത്തകൻ |
| 2 | രംഗനാഥൻ | റിട്ട .പോലീസ് |
| 3 | ജ്യോതി സുധൻ .എം | റിട്ട .ചെക്കിങ് ഇൻസ്‌പെക്ടർ |
| 4 | ശശി | റിട്ട .അധ്യാപകൻ |
| 5 | രഘുവരൻ | റിട്ട .പോലീസ് |
| 6 | സേതു | വില്ലേജ് ഓഫീസർ |
| 7 | രാജു | സാഹിത്യകാരൻ |
| 8 | എച്ച് രവികുമാർ | റിട്ട .ലേബർ കമ്മീഷൻ ഓഫീസർ |
| 9 | ജഗദീശൻ | സി ആർ പി എഫ് |
| 10 | അപർണ അനിൽ | ക്ലാർക്ക് |
അംഗീകാരങ്ങൾ
പാറശ്ശാല ഗ്രാമപഞ്ചായത്തിന്റെ 2016 മികവ് അവതരണത്തിൽ ഒന്നാം സ്ഥാനം കരസ്ഥമാക്കി മികച്ച സ്കൂൾ എന്ന അംഗീകാരത്തിന് അർഹമായി .എൽ എസ് എസ് പരീക്ഷയിൽ തുടർച്ചയായി തിളക്കമാർന്ന വിജയം കൈവരിക്കാൻ കഴിഞ്ഞു .2022-23 ഇൽ പാറശ്ശാല ഉപജില്ലാ ശാസ്ത്രമേളയിൽ സയൻസിനു എല്ലാ വിഭാഗത്തിലും എ ഗ്രേഡ് നേടി ഓവറോൾ ഫസ്റ്റ് കരസ്ഥമാക്കി .2023-24 ഇലും ശാസ്ത്ര മേളയിൽ സയൻസിനു ഓവറോൾ സെക്കന്റ് ട്രോഫി നേടി. അപ്പുപ്പൻ താടികൾ എന്ന യുട്യൂബ് ചാനലിൽ കുട്ടികളുടെ പ്രോഗ്രാം വന്നു. യൂനിസ് അക്കാദമിയുടെ ഐ റ്റി ജി കെ പരീക്ഷയിൽ രണ്ടു നാലു റാങ്കുകൾ മൂന്നു കുട്ടികൾക്ക് ലഭിച്ചു. ടോപ്പേർ സ്കൂൾ അവാർഡും തുടർന്ന് ലഭിച്ചു കൊണ്ടിരിക്കുന്നു.
വഴികാട്ടി
- കളിയിക്കാവിള യിൽ നിന്നും 2 കിലോമീറ്റർ തെക്കോട്ടു നാഗർകോവിൽ റൂട്ടിൽ N H റോഡിലൂടെ യാത്ര ചെയ്തു പാടന്തലുമൂട് എത്തി അവിടെ നിന്നും വലതു വശം താഴോട്ട് ഇറങ്ങി ആമ്പാടി ഗുഹാക്ഷേത്രത്തിനടുത്താണ് ഈ സ്കൂൾ
{{#multimaps:|8.323888686595788,77.17743524468042|zoom=18}}