എസ്.ഒ.എച്ച്.എസ്. അരീക്കോട്/ഹൈസ്കൂൾ

8 മുതൽ പത്താം ക്‌ളാസ് വരെ 28 ഡിവിഷനുകളിലായി 1640 കുട്ടികൾ ഹൈസ്‌കൂളിൽ പഠിക്കുന്നുണ്ട്. 50 അദ്ധ്യാപകരും ഹൈസ്‌കൂൾ വിഭാഗത്തിൽ ഉണ്ട് . 2021 - 22 വർഷത്തിൽ 553 വിദ്യാർത്ഥികളാണ് എസ് എസ് എൽ സി പരീക്ഷ എഴുതാൻ പോകുന്നത്. കഴിഞ്ഞ വര്ഷം സംസ്ഥാനത്ത തന്നെ എസ് എസ് എൽ സി , യു എസ് എസ് പരീക്ഷകൾക്ക് മികച്ച വിജയം കരസ്ഥമാക്കാൻ സ്‌കൂളിന് സാധിച്ചിട്ടുണ്ട് .

പ്രവേശനോത്സവം

പ്രവേശനോത്സവം 2021-22

ഒട്ടും പകിട്ട് കുറയാതെ ഇത്തവണയും പ്രവേശനോത്സവം സംഘടിപ്പിച്ചു . സ്‌കൂൾ അങ്കണങ്ങളിൽ ഇത്തവണ കളിചിരികളും കൊച്ചുവർത്തമാനങ്ങളും ഇല്ലെങ്കിലും വീടുകളിലിരുന്ന് കുരുന്നുകൾ ഇത്തവണ പ്രവേശനോത്സവത്തിൽ പങ്കെടുത്തു . വെർച്വലായാണ് ഇത്തവണത്തെ പ്രവേശനോത്സവം നടത്തിയത് .

ജൂൺ ഒന്നിന് ഉച്ചക്ക് 2 മണിക്ക് പ്രവേശനോത്സവത്തിന്റെ ഉദ്ഘാടനം ഏറനാട് എം എൽ എ ബഹു :പി കെ ബഷീർ നിർവഹിച്ചു. തുടർന്ന് പ്രശസ്ത പിന്നണി ഗായികമാരായ സിതാര കൃഷ്ണകുമാർ ,കെ സ് രഹ്‌ന , പ്രശസ്ത മാപ്പിളപ്പാട്ട് വിധികർത്താവ് ഫൈസൽ എളേറ്റിൽ എന്നിവർ കുട്ടികളുമായി സംവന്ദിച്ചു. (കൂടുതൽ വായിക്കാൻ)

നേട്ടങ്ങൾ

ഇന്റേണൽ സപ്പോട്ടിങ് മിഷൻ(ഐ എസ് എം )പദ്ധതിക്ക് കീഴിൽ ഹൈസ്കൂൾ വിഭാഗത്തിൽ ഏറ്റവും മികച്ച അക്കാദമിക പ്രവർത്തനങ്ങൾ നടപ്പിലാക്കിയ സ്‌കൂളുകളിൽ മലപ്പുറം ജില്ലയിൽ ഒന്നാം സ്ഥാനം ലഭിക്കുകയും തൃശ്ശൂരിൽ വെച്ച് നടന്ന സംസ്ഥാന സെമിനാറിൽ അംഗീകാരം ലഭിക്കുകയും ചെയ്തു.രാഷ്ട്രീയ മാധ്യമിക് ശിക്ഷ അഭിയാൻ(ആർ എം എസ് എ)ജില്ലാതല ബെസ്റ്റ് സ്കൂൾ അവാർഡ് സ്കൂളിന് ലഭിച്ചു. മികച്ച എസ്എസ്എൽസി വിജയത്തിന് പി എം ഫൗണ്ടേഷൻ,മലപ്പുറം ജില്ലാ പഞ്ചായത്ത് എന്നിവയുടെ അംഗീകാരങ്ങൾ ലഭിച്ചു.

കൂടുതൽ നേട്ടങ്ങൾ അറിയാൻ ഇവിടെ ക്ലിക്ക് ചെയ്യുക