ബി.വി.യു.പി.എസ്.ചുണ്ടമ്പറ്റ/ചരിത്രം
ചുണ്ടമ്പറ്റ -നാട്യമംഗലം പ്രദേശത്ത് പ്രാഥമിക വിദ്യാഭ്യാസത്തിനായി അഞ്ചാം തരം കൂടിയുള്ള രണ്ട് സ്കൂളുകൾ മാത്രമാണ് 1951വരെ ഉണ്ടായിരുന്നത് .അഞ്ചാം തരം ജയിച്ചാൽ സമീപ പ്രദേശത്തൊന്നും സ്കൂളുകൾ ഇല്ലാത്തതിനാൽ തുടർ പഠനത്തിന് അവസരം ലഭിച്ചിരുന്നില്ല .അതുകൊണ്ടുതന്നെ ഭൂരിഭാഗം കുട്ടികളും ,പ്രത്യേകിച്ച് സാമ്പത്തികമായി പിന്നാക്കം നിൽക്കുന്നവരും പെൺകുട്ടികളും അഞ്ചാം തരം കഴിഞ്ഞാൽ പഠനം നിർത്തുകയായിരുന്നു പതിവ് .ചുണ്ടമ്പറ്റ ,നാട്യമംഗലം ,പ്രഭാപുരം ,തത്തനംപുള്ളി ,കരിങ്ങനാട് പ്രദേശത്തെ പഠനത്തിൽ താല്പര്യമുള്ളവരും അതേ സമയം സാമ്പത്തികമായി പിന്നാക്കം നിൽക്കുന്നവരുമായ കുട്ടികളുടെ വിദ്യാഭ്യാസ പുരോഗതി ലക്ഷ്യമാക്കി 1951ലാണ് കുട്ടണാം കുഴിയിൽ ശ്രീ .രാമച്ചൻ തിരുമുൽപ്പാട് ''ഭാരതി വിലാസം ഹയർ എലിമെന്ററി സ്കൂൾ "എന്ന പേരിൽ ഈ വിദ്യാലയം സ്ഥാപിച്ചത് 1951ൽ ആരംഭിക്കുമ്പോൾ ആറ് ,1952ൽ ഏഴ് 1953ൽ എട്ട് ക്ലാസ്സുകൾ ആരംഭിച്ചതോടുകൂടി ഒരു പൂർണ്ണ യു .പി സ്കൂളായി മാറി .ഇന്ന് ഈ സ്കൂൾ ഭാരതി വിലാസം അപ്പർ പ്രൈമറി സ്കൂൾ ചുണ്ടമ്പറ്റ എന്ന പേരിൽ അറിയപ്പെടുന്നു .
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |