Hijupsulunthy/പരമാർത്ഥം

പരമാർത്ഥം ടീച്ചർ ടീച്ചർ ഞങ്ങളെയിനിമേൽ ചീത്ത വിളിക്കാൻ‍ നോക്കേണ്ട മൂക്കിൽക്കണ്ണട മീതെക്കൂടി നോക്കിപ്പേടിപ്പിക്കേണ്ട ടീച്ചർ ക്ലാസിൽ- പ്പറഞ്ഞ നുണകൾ നാട്ടിൽ മുഴുവൻ പാട്ടായി നദിയിൽ ജലമൊഴു- കാറുണ്ടത്രേ മലകളിലെങ്ങും കാടത്രേ! ഇടവപ്പാതിയി- ലെല്ലാടത്തും ഇടതടവില്ലാമഴയത്രേ! കൃഷിചെയ്തീടാ- നത്രേ വയലുകൾ കുടിവെച്ചീടാനല്ലത്രേ! കേരളമെന്നാൽ ദൈവംതന്നുടെ കേളിപ്പെട്ടൊരു നാടത്രേ! ഇതുപോൽ മുട്ടൻ നുണകൾ പറഞ്ഞി- ട്ടിനിയും വിഡ്ഢികളാക്കേണ്ട ഇരുകണ്ണാലേ ഞങ്ങൾ കാണും പരിസരമാണേ പരമാർത്ഥം.   അഭിനവ് ജി.എസ് 7 എച്ച്.ഐ.ജെ.യു.പി.സ്കൂൾ ഉളുന്തി ചെങ്ങന്നൂർ ഉപജില്ല ആലപ്പുഴ അക്ഷരവൃക്ഷം പദ്ധതി, 2020 കവിത