സെൻറ് ജോസഫ്‌സ് ജി .എച്‌.എസ് കറുകുറ്റി/അക്ഷരവൃക്ഷം/കാലം സാക്ഷി

കാലം സാക്ഷി ഉലകാകെ കൊട്ടിയടയ്ക്കപ്പെടുമ്പോഴും ഒറ്റപ്പെടലെന്തെന്നു ഞാനറിഞ്ഞീലാ കളിക്കാനും ചിരിച്ചുല്ലസിക്കാനുമീ കുട്ടിക്കടലാസുതോണിയിലാളുകൾക്കു പഞ്ഞമുണ്ടായീല എന്നാലീ നിമിഷം ഹൃദയത്തിലേതോ സിരയിൽ നിന്നു ഞാനറിയുന്നു അതി ക്രൂരമായൊരു വിങ്ങലോടെ ഏകാന്തത വെറുമൊരു വാക്കല്ല അനിർവ്വചനീയം വ്യാഖ്യാനതീതം കാതിൽ ആയിരമാരവമുയരുമ്പോഴും ഒന്നും കേൾക്കാനാവാതെ മിഴിയിമകൾക്കു മുന്നിലിതാ ശതകോടിവര്ണങ്ങള് മിന്നി മറയുമ്പോഴും. ഒന്നും കാണാനാവാതെ ചുറ്റുമെമ്പാടും കമ്പി പൊട്ടി തെങ്ങുമൊരു വീണ തൻ അപശ്രുതി മാത്രം. അറിയില്ല ഹൃദയമെവിടെയോ വീണുടഞ്ഞു പോയി ഓർമ്മകൾ മസ്തിഷ്കമപ്പാടെ കാർന്നു തുടങ്ങിയിരിക്കുന്നു . ചുടുരക്തം സിരകളെയും തുളച്ചു കയറി വെളിച്ചം കണ്ണുകളെ കുത്തികീറും പോലെ അട്ടഹാസമാസകലം പ്രഹരങ്ങളേല്പിക്കുന്നു ഒത്തിരി പ്രണയിച്ചൊരാ നാദങ്ങൾ പോലും മിഴിയിണകളിൽ നീർച്ചാലുകൾ നിർമ്മിക്കുന്നു . ഇല്ല ...................... അതിനു മാത്രമൊരനുവാദപത്രം എന്നാൽ പാസ്സാക്കപ്പെടുകയില്ല . എന്തെന്നാൽ ഇവരിരുവരെയും ഒരിക്കലുമീ കടൽ തിരയിലെഈറനണിയ്ക്കില്ലെ- ന്നെന്നോ ഞാൻ വാക്കു നൽകിയിരിക്കുന്നു. അതിനായ് ഞാനിതാ മൗനത്താൽ ഇരുളിലൊരുടമ്പടി എഴുതുന്നു . എന്നെന്നേക്കുമായി ... കാലത്തെ സാക്ഷിയാക്കി. ആ മഹാ വൈദ്യനെ മാത്രം സാക്ഷിയാക്കി ....   ലക്ഷ്മി അനിൽകുമാർ 11 Biomaths സെന്റ് ജോസഫ്‌സ് ജി എച്എസ് എസ് കറുകുറ്റി അങ്കമാലി ഉപജില്ല എറണാകുളം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Kannankollam തീയ്യതി: 18/ 04/ 2020 >> രചനാവിഭാഗം - കവിത സെൻറ് ജോസഫ്‌സ് ജി .എച്‌.എസ് കറുകുറ്റി/അക്ഷരവൃക്ഷം/കാലം സാക്ഷി/പ്രകൃതിയെ നീയെവിടെ പ്രകൃതിയെ നീയെവിടെ പ്രകൃതിയെ നീയെവിടെ അമ്മേ.. നിൻ സ്നേഹത്തിനായി ഞാന- ലയന്നു, നീ തിരിച്ചു വരുവിൻ ആയിരങ്ങൾക്ക് ഒരിളം കാറ്റുപോൽ എൻ നൊമ്പരങ്ങൾക്ക് ആശ്വാസമായ് നീ വരുവിൻ പച്ചപ്പെല്ലാം മടക്കി വച്ച് നീയെങ്ങ് പോയ്‌? പച്ചപ്പായ വിരിച് ഭൂമിക്ക് ഐശ്വര്യമായ് നീ വരുവിൻ കുഞ്ഞുമനസ്സുകൾ ഇന്ന് നിന്നെ തേടുന്നു. നിന്റെ ജീവസ്പന്ദനങ്ങളറിയാനവർതൻ മനസ്സ് തുടിക്കുന്നു, ഇന്ന് നിന്നോട് തെറ്റ് ചെയ്തവരി മനുഷ്യരോട് നീ ക്ഷമിക്കുവിൻ രൗദ്രഭാവത്തിലുള്ള നിൻ ഘോരതാണ്ടവം വെടിഞ്ഞു നീ വരുവിൻ മനുഷ്യരോടുള്ള നിൻ പ്രതികാരദാഹമടക്കുവിൻ അവർ ഇന്നിതാ കൂപ്പുന്നു കൈ നിൻമുൻപിൽ എല്ലാം ക്ഷമിച്ചു നീ വരുവിൻ നിന്റെ മനോഹരമായ പച്ചപ്പട്ടുടുത്തുള്ള വരവിനെ കാത്തിതാ സൂര്യനും ചന്ദ്രനും ഒന്നുപോൽ നിൽക്കുന്നു. അവർക്കുത്തരമായ് നീ വരുവിൻ നിന്റെ വരവിനായിതാ, ഞങ്ങൾ നിറമിഴികളോടെ കാത്തിരിക്കുന്നു പ്രകൃതിയെ... നീയെവിടെ !!   അക്ഷയ ചന്ദ്രൻ 9C സെന്റ് ജോസഫ്‌സ് ജി എച്എസ് എസ് കറുകുറ്റി അങ്കമാലി ഉപജില്ല എറണാകുളം അക്ഷരവൃക്ഷം പദ്ധതി, 2020 കവിത