എൻ.എസ്.എസ്.എച്ച്.എസ്. മടവൂർ/അക്ഷരവൃക്ഷം/പോരാട്ടം

കാലം പോരാട്ടം പുതുയുഗപ്പിറവി തൻ പുത്തനാം സ്വപ്നങ്ങൾ ഉലകം നെയ്തു- കൂട്ടുന്ന നേരം ദൂരെയൊരു കരിനിഴൽ കണ്ടു, വിചിത്രമാം ഇരുളതിൻ കീഴിൽ മറഞ്ഞിരുന്നു അവിടെയൊതുങ്ങു മെന്നാശിച്ച ഇരുളതിൻ വിത്തുകൾ ഭൂലോകമാകെ പാകി, ഭീതിയിൽപ്പെട്ടു പോയ് ലോകം മുഴുവനാ ദുഷ്ട വൈറസിൻ പിടിയിലായി കരുതലില്ലാതെ നാം ജീവിതചര്യകൾ പതിവുപോൽതന്നെ തുടർന്നീടവേ ഇങ്ങു മഹാവ്യാധി- യേശില്ലെന്നുള്ള ഓമൽ പ്രതീക്ഷകൾ വ്യർത്ഥമായി ലോകത്തിൻ പാതിയും കാൽക്കീഴിലാക്കി കൊറോണ കാണുന്നിടമെല്ലാം കൈക്കലാക്കി ഒരു മഹാവ്യാധിയായി വീശിയടിച്ചതു ഒരുപാട് ജീവൻ കവർന്നീടുന്നു നമ്മുടെ ജീവനും ഭീഷണിയാണിന്ന് കൊലയാളി വൈറസ് നാട്ടിലാകെ ചങ്ങലയ്ക്കാക്കു- വാനാകാത്ത വണ്ണമീ ലോകത്തെ ശ്മശാനമാക്കിടുന്നു കൊവിഡിൻ വ്യാപനം കൊടുമ്പിരി കൊള്ളുന്നു ചികിൽസ നമുക്കൊരു വെല്ലുവിളിയാകവേ, ജീവിതം സേവന- മാക്കിയോർ മാനവജീവനെ കാക്കുവാൻ പോരിടുന്നു ജാതിയും മതവുമായ് തമ്മിലടിച്ചവർ 'മാനവർ ' എന്നൊരു ജാതിയായി പോരാടീടുന്ന വൻ സാമ്രാജ്യശക്തികൾ യോജിച്ചു നീങ്ങുവാൻ നിർണ്ണയിപ്പൂ നാശകഷ്ടങ്ങളേറേ വൈറസിന്റെ വ്യാപനം സൃഷ്ടിച്ചുവെങ്കിൽപ്പോലും മാറ്റങ്ങളേറെ പഠിച്ചു നാം വീണ്ടും മനുഷ്യരായ് മാറിയീ കാലഘട്ടത്തിൽ ഭീതിയെക്കാളതി ജാഗ്രത വേണമെ- ന്നാരിലും ബോധമുണർത്തി മാത്രം ഈ മഹാമാരിയെ കീഴടക്കീടുവാൻ പോരാടീടുക നാമെല്ലാവരും ദേവു .ആർ എസ് 8 ഇ എൻ.എസ്.എസ്.എച്ച്.എസ്. എസ്.മടവൂർ കിളിമാനൂർ ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - sheebasunilraj തീയ്യതി: 17/ 04/ 2020 >> രചനാവിഭാഗം - കവിത