ഡബ്ല്യുഒഎച്ച്എസ്എസ് പിണങ്ങോട്/അക്ഷരവൃക്ഷം/ മഹാമാരി

മഹാമാരി മഹാമാരി ഒരുപക്ഷെ എഴുത്തുകാർക്ക് മാത്രം തോന്നാറുള്ള ഒരു വികാരമാവാം എന്നെ വേട്ടയാടുന്നത് ഒതുങ്ങി കൂടാൻ മെരുക്കിയെടുക്കേണ്ടി വന്ന മനസ്സ് പലതും കാണുകയും കേൾക്കുകയും ചെയ്യുന്നു. ഒരു വശത്തു നിന്നും വെളിച്ചം പുറകോട്ട് വലിയുകയാണ് സന്ധ്യയായെന്ന് തോന്നാം പക്ഷെ , ' ഇരുൾ ' ആക്രമണത്തിന് ഒരുങ്ങുകയാണ് വെള്ള വസ്ത്രത്തിൻ്റെ നിഴൽ അങ്ങിങ്ങായി ഇരുട്ടിനെ വിഴുങ്ങാൻ കഷ്ടപ്പെടുന്നു കരിഞ്ചന്തകൾ വിശപ്പിനെ പ്രസവിക്കുമ്പോൾ ചില വിശാല മനസ്സുകൾ അതകറ്റുന്നു കൊന്തയും , പൂണൂലും, ഹിജാബും അരങ്ങൊഴിഞ്ഞിട്ടും ചില ' കൊടികൾ ' ഇന്നും വാശിയിലാണ് . ഓർക്കുക , ചങ്ങല പൊട്ടിക്കൽ കാലത്തിന് വലിയ ഇഷ്ടമാണെങ്കിലും കണ്ണി തീർത്തവരെ അതങ്ങനെ വെറുതെ വിടാറില്ല .   ആനന്തിക എസ് 10 A ഡബ്ളിയു.എച്ച്.എസ്.എസ് പിണങ്ങോട് വൈത്തിരി ഉപജില്ല വയനാട് അക്ഷരവൃക്ഷം പദ്ധതി, 2020 കവിത