എച്ച്. എസ്സ്. എസ്സ്. കൂത്താട്ടുകുളം/ഗ്രന്ഥശാല

ഏ. കെ. കേശവൻ നമ്പൂതിരി സ്മാരക ലൈബ്രറി

സ്ക്കൂൾ ലൈബ്രേറിയൻ  :  ശ്യാംലാൽ വി. എസ്. ( മലയാളം അദ്ധ്യാപകൻ)

ഏ. കെ. കേശവൻ നമ്പൂതിരി സ്മാരക ലൈബ്രറി

ഏ. കെ. കേശവൻ നമ്പൂതിരി സ്മാരക ലൈബ്രറി

കൂത്താട്ടുകുളം ഹയർ സെക്കന്ററി സ്ക്കൂൾ ലൈബ്രറി സ്ക്കൂളിന്റെ സ്ഥാപകനും ആദ്യ മാനേജരുമായിരുന്ന ഏ. കെ. കേശവൻ നമ്പൂതിരിയുടെ ഓർമ്മയ്ക്കായി ഏ. കെ. കേശവൻ നമ്പൂതിരി സ്മാരക ലൈബ്രറി എന്ന് പുനർ നാമകരണം ചെയ്യപ്പെട്ടു.

ലൈബ്രറിയുടെ നവീകരണം

2003-04 അദ്ധ്യയന വർഷത്തെ പി. റ്റി. എ.യുടെ നേതൃത്വത്തിലാണ് ലൈബ്രറിയുടെ നവീകരണം നടന്നത്. പി. റ്റി. എ. പ്രസിഡന്റായിരുന്ന ശ്രീ. വി. എ. രവി വള്ളിയാങ്കലിന്റെ പ്രത്യേക താല്പര്യവും നിരന്തര പരിശ്രമവുമാണ് ഇതിന് വഴിയൊരുക്കിയത്. വിദ്യാർത്ഥികൾ സംഘമായി അദ്ധ്യാപകരുടെ നേതൃത്വത്തിൽ സമീപ പ്രദേശത്തെ ഭവനങ്ങളെല്ലാം സന്ദർശിക്കുകയുംപുസ്തകങ്ങളും പണവും സമാഹരിക്കുകയും ചെയ്തു. പൂർവ്വവിദ്യാർത്ഥികളും പൂർവ്വാദ്ധ്യാപകരും ആകമഴിഞ്ഞ സഹായങ്ങൾ നൽകി. സംസ്ഥാന ബാലസാഹിത്യ ഇൻസ്റ്റിട്യൂട്ടിന്റെ പുസ്തകനിധി പദ്ധതിയും പ്രയോജനപ്പെടുത്തി.

ഉദ്ഘാടനം

കവി ശ്രീ കടമ്മനിട്ട രാമകൃഷ്ണൻ കൈയ്യൊപ്പുചാർത്തിയ 'കട്ടമമ്മനിട്ടയുടെ കവിതകൾ'

മലയാളത്തിലെ പ്രശസ്തകവിയും സ്റ്റേറ്റ് ലൈബ്രറി കൗൺസിൽ പ്രസിഡന്റുമായിരുന്ന ശ്രീ കടമ്മനിട്ട രാമകൃഷ്ണനാണ് നവീകരിച്ച ലൈബ്രറിയുടെ ഉദ്ഘാടനം നിർവ്വഹിച്ചത്‍. അദ്ദേഹം കൈയ്യൊപ്പുചാർത്തിയ ഒരു കവിതാസമാഹാരം സ്ക്കൂൾ ലൈബ്രറിക്ക് സമ്മാനിക്കുകയും ചെയ്തു. ഉദ്ഘാടനയോഗത്തിൽ ഈ സ്ക്കൂളിലെ പൂർവ്വാദ്ധ്യാപകനും ദേശീയ അദ്ധ്യാപക അവാർഡുജേതാവുമായ ശ്രീ സി. എൻ. കുട്ടപ്പൻ, പൂർവ്വവിദ്യാർത്ഥിയും ശ്രീധരീയം മാനേജിംഗ് ഡയറക്ടറുമായ ശ്രീ. എൻ. പി. പി. പി. നമ്പൂതിരി, പഞ്ചായത്ത് പ്രസിഡന്റ് ശ്രീ പി. എം. സ്കറിയ, എറണാകുളം ജില്ലാ പഞ്ചായത്ത് അംഗം ശ്രീ ജോസഫ് ബാബു എന്നിവരും വിശിഷ്ടാതിഥികളായി പങ്കെടുത്തു.

നേട്ടങ്ങൾ

പി. ടി. എ. യുടെ ശ്രമഫലമായി നവീകരിച്ച ഏ. കെ. കേശവൻ നമ്പൂതിരി സ്മാരക ലൈബ്രറി കൂത്താട്ടുകുളം ഉപജില്ലയിലെ മികച്ച സ്‌ക്കൂൾ ലൈബ്രറിയായി തെരഞ്ഞെടുക്കപ്പെട്ടിട്ടുണ്ട്‌ (2004). സംസ്ഥാന ലൈബ്രറി കൗൺസിൽ വായനാ ദിനത്തോടനുബന്ധിച്ച് നടത്തി വരുന്ന വായനാമത്സരത്തിൽ ഈ സ്ക്കൂളിലെ വിദ്യാർത്ഥികൾ എല്ലാ വർഷവും റവന്യൂ ജില്ലാതലം വരെ എത്തുന്നുണ്ട്.

പ്രവർത്തന രീതി

കുട്ടികൾക്ക് നേരിട്ട് പുസ്തകങ്ങൾ വിതരണം ചെയ്യുന്ന രീതിയാണ് അവലംബിച്ചുപോരുന്നത്. വിതരണം ചെയ്ത പുസ്തകളങ്ങലൾ തിരികെ വാങ്ങുന്നതിന് ഓരോ ക്സാസ്സിലും ഓരോ കുട്ടി ലൈബ്രേറിയനെ ചുമതലപ്പെടുത്തിയിട്ടുണ്ട്. വായനാമാസാഘോഷവും മലയാളഭാഷാപക്ഷാഘോഷവും ലൈബ്രറിയുടെ കൂടി ആഭിമുഖ്യത്തിലാണ് ആഘോഷിച്ചുവരുന്നത്.

ക്ലാസ്സ് ലൈബ്രറി

ഉടമസ്ഥരുടെ ഉപയോഗം കഴfഞ്ഞ ആനുകാലികങ്ങളും ചെറു പുസ്തകങ്ങളും ശേഖരിച്ച് ക്ലാസ്സ് റൂം ലൈബ്രറിയും പ്രവർത്തിക്കുന്നുണ്ട്. എല്ലാ ക്ലാസ്സിലും മാതൃഭൂമി, മലയാളമനോരമ, കേരളകൗമുദി, ദീപിക എന്നീ പത്രങ്ങളും കുട്ടികളുടെ വായനയ്ക്കായി ലഭ്യമാക്കുന്നുണ്ട്.

പുസ്തകസമാഹരണം

വായനാ വാരത്തോടനുബന്ധിച്ച് എല്ലാ വർഷവും വിദ്യാർത്ഥികളിൽ നിന്നും അദ്ധ്യാപകരിൽ നിന്നും പൊതുജനങ്ങളിൽ നിന്നും പുസ്തകങ്ങൾ സമാഹരിച്ചുവരുന്നു. എസ്.എസ്. എസ്. എ., ആർ. എം. എസ്. എ. പ്രോജക്ടുകളിൽ നിന്നും ലഭിക്കുന്ന സ്ക്കൂൾ ഗ്രാന്റ് പുതിയ പുസ്തകങ്ങൾ വാങ്ങാൻ ഉപയോഗിക്കുന്നു. പൂർവ്വവ വിദ്യാർത്ഥികളും വിദ്യാർത്ഥികളും പൂർവ്വാദ്ധ്യാപകരും പുസ്തകങ്ങൾ സംഭാവനയായി നൽകുന്നുണ്ട്.

കവി ശ്രീ കടമ്മനിട്ട രാമകൃഷ്ണൻ ഏ. കെ. കേശവൻ നമ്പൂതിരി സ്മാരക ലൈബ്രറി ഉദ്ഘാടനം ചെയ്യുന്നു. (07/01/2004)	പുതിയ പുസ്തകങ്ങളുടെ പ്രദർശനം	പുതിയ പുസ്തകങ്ങളുടെ പ്രദർശനം
പുസ്തകപ്രദർശനം കൂത്താട്ടുകുളം ഗ്രാമപഞ്ചായത്ത് പ്രസിഡന്റ് ശ്രീമതി എൽ. വസുമതി അമ്മ ഉദ്ഘാടനം ചെയ്യുന്നു.