"സെൻറ്. ആൻറണീസ് എൽ. പി. എസ് കാവല്ലൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തൃശൂർ നഗരത്തിൽ നിന്ന് ഏകദേശം 20കിലോമീറ്റർ അകലെ സ്ഥിതി ചെയ്യുന്ന തൃക്കൂർ ഗ്രാമ പഞ്ചായത്തിൻറെ കിഴക്കേ ഭാഗത്തുള്ള ഒരു പ്രദേശമാണ് കാവല്ലൂർ. തൃക്കൂർ ഗ്രാമ പഞ്ചായത്തിൻറെ അധികാര പരിധിയിൽ പന്ത്രണ്ടാം വാർഡിലാണ് കാവല്ലൂർ സെൻറ്‌ ആന്റണിസ് എൽ പി സ്കൂൾ സ്ഥിതി ചെയ്യുന്നത്. മാവിൻചുവട് സെന്ററിൽ നിന്നും ഒന്നേകാൽ കിലോമീറ്റർ കിഴക്കു ഭാഗത്തായിയിട്ടാണ് സ്കൂളിൻറെ സ്ഥാനം. സ്കൂളിന് സമീപമായി വിശാലമായ കൃഷി സ്ഥലങ്ങളും കൃഷിസ്ഥലങ്ങളുടെ നടുവിലൂടെ കളകളാരവം മുഴക്കിക്കൊണ്ട് ഒരു തോടുമുണ്ട്. ചുറ്റും ഉയർന്ന് നിൽക്കുന്ന കുന്നുകളുടെ സൗന്ദര്യം. കുന്നിന്റെ മുകളിലായി സ്കൂളിന് സമീപം ഒരു ധർമ്മശാസ്താ ക്ഷേത്രം സ്ഥിതി ചെയ്യുന്നു. കൂടാതെ ക്രിസ്ത്യൻ, മുസ്ലിം പള്ളികളും ഇവിടെയുണ്ട്. ഹിന്ദു, ക്രിസ്ത്യൻ, മുസ്ലിം ആരാധനാലയങ്ങൾ ഇങ്ങനെ തൊട്ടുതൊട്ടായി സ്ഥിതി ചെയ്യുന്ന ഈ പ്രദേശം മതസൗഹഹാർദ്ദത്തിന് ഒരു ഉത്തമ ഉദാഹരണമാണ്.