സെന്റ് ജോസഫ്സ് ബോയ്സ് എച്ച്. എസ്. എസ്/പ്രവർത്തനങ്ങൾ/2025-26

Home

2026-27

Archive 2022-23 2023-24 2024-25 2025-26

സ്കൂൾ പ്രവേശനോത്സവം -2025

ഈ വർഷത്തെ സ്കൂൾ പ്രവേശനോത്സവം വളരെ ആഘോഷപൂർവ്വം സെന്റ് ജോസഫ് സ് ബോയ്സ് സ്കൂളിൽ നടന്നു. പ്രാർത്ഥനയോടെ ആരംഭിച്ച പ്രവേശനോത്സവത്തിൽ സ്റ്റാഫ് സെക്രട്ടറി സ്വാഗതം പറഞ്ഞു. തുടർന്ന് സ്കൂൾ പ്രിൻസിപ്പൽ അധ്യക്ഷ പ്രസംഗം നടത്തി.പ്രമുഖ സാഹിത്യകാരനും നിരുപകനും ആയ ശ്രീ അശോകൻ നെച്ചാട് ഉദ്ഘാടനം നടത്തി. മുഖ്യാതിഥിയായി വാർഡ് കൗൺസിലർ. കുട്ടികളുടെ കാലാപരിപാടികളും ചടങ്ങിന് മാറ്റ് കൂട്ടി. പുതിയ കുട്ടികൾക്ക് ഹെഡ്മാസ്റ്റർ വിദ്യാലയത്തെ പരിചയപെടുത്തി. സ്കൂൾ മാനേജർ ഫാ. പയസ് വാച്ചാപറമ്പിൽ, പിടിഎ പ്രസിഡന്റ്, സ്റ്റാഫ് സെക്രട്ടറി എന്നിവർ ആശംസ അറിയിച്ചു.12 മണിയോടെ ചടങ്ങ് അവസാനിച്ചു.

• 
• 
• 

ലോക പരിസ്ഥിതി ദിനം

ജൂൺ 5 ലോക പരിസ്ഥിതി ദിനം. പ്രകൃതി സംരക്ഷണം മനുഷ്യന്റെ നിത്യമായ നിലനിൽപ്പിന് വളരെ അത്യാവശ്യമാണ് എന്ന് വിളിച്ചോതുന്ന മറ്റൊരു ദിവസം കൂടി. ലോകമെമ്പാടും ഇന്ന് പരിസ്ഥിതി ദിനം കൊണ്ടാടുന്ന ഈ ഒരു വേളയിൽ കേരളത്തിലെ ഏറ്റവും പഴക്കമേറിയ വിദ്യാലയം എന്ന തലയിടിപ്പുള്ള കോഴിക്കോട് സെന്റ് ജോസഫ് സ് ബോയ്സ് ഹയർസെക്കൻഡറി സ്കൂളിൽ അതിവിപുലമായി പരിസ്ഥിതി ദിനം ആചരിച്ചു. സ്കൂളിലെ പരിസ്ഥിതി ക്ലബ്ബ്, സയൻസ് ക്ലബ്ബ്, എൻ സി സി, എസ് പി സി, ലിറ്റിൽ കൈറ്റ്സ് എന്നീ യൂണിറ്റുകളുടെ സമ്മിശ്രമായ പ്രവർത്തനഫലമായി നടന്ന പരിസ്ഥിതി ദിനാചരണം ഏറെ പ്രശംസ നേടി. സ്കൂൾ ഓഡിറ്റോറിയത്തിൽ വച്ച് നടന്ന പരിപാടിയിൽ സ്റ്റാഫ് സെക്രട്ടറി അധ്യക്ഷ പ്രസംഗം നടത്തി. തുടർന്ന് സ്കൂൾ ഹെഡ്മാസ്റ്റർ മുഖ്യപ്രഭാഷണം നടത്തി. ഗ്രീൻ മൂവ്മെന്റിന്റെ ജനറൽ സെക്രട്ടറി ശ്രീ ടിവി രാജൻ സ്കൂൾ ലീഡർക്ക് വൃക്ഷത്തൈ നൽകിക്കൊണ്ട് പരിസ്ഥിതി ദിനാചരണം ഉദ്ഘാടനം ചെയ്തു. ഹൈസ്കൂൾ യുപി വിഭാഗത്തിലെ നാച്ചുറൽ ക്ലബ്ബ് കോർഡിനേറ്റർ, താലൂക്ക് ലീഗൽ സർവീസ് കമ്മിറ്റി സെക്രട്ടറി ശ്രീ പ്രദീപ് ഗോപിനാഥ്, സ്കൂൾ പിടിഎ പ്രസിഡണ്ട് എന്നിവരുടെ സാന്നിധ്യവും ഉണ്ടായിരുന്നു. തുടർന്ന് സ്കൂളിൽ പ്രവർത്തിക്കുന്ന എല്ലാ യൂണിറ്റിലെ അംഗങ്ങളും ചേർന്ന് ഒരു ബോധവൽക്കരണ റാലി കൂടി സംഘടിപ്പിച്ചത് വളരെ ശ്രദ്ധേയമായി. തെരഞ്ഞെടുത്ത കുട്ടികൾക്ക് ആയി പ്രകൃതി സംരക്ഷണവുമായി ബന്ധപ്പെട്ട് ശ്രീ ടിവി രാജൻ സാറിന്റെ ക്ലാസ് ഉണ്ടായിരുന്നു. തുടർന്ന് പല യൂണിറ്റുകളായി തിരിഞ്ഞ് യൂണിറ്റിലെ അംഗങ്ങൾക്ക് വൃക്ഷത്തൈ നൽകുകയും സ്കൂൾ ക്യാമ്പസിൽ തന്നെ അവ വച്ചു പിടിപ്പിക്കാനുള്ള അവസരവും നൽകി. യുപി ഹൈസ്കൂൾ വിദ്യാർത്ഥികൾക്കായി ക്വിസ് കോമ്പറ്റീഷൻ പോസ്റ്റർ രചന മത്സരം, പ്ലക്കാർഡ് നിർമ്മാണം എന്നിവ ഉണ്ടായിരുന്നു.

• 
• 
• 

വായനദിനം ആചരിച്ചു.

സെൻ്റ്ജോസഫ് ബോയ്സ് ഹയർ സെക്കൻഡറി സ്കൂളിൽ ഈ വർഷത്തെ വായനദിനം വിപുലമായ രീതിയിൽ ആചരിച്ചു.ഒരാഴ്ചക്കാലം നീണ്ടുനിൽക്കുന്ന വിവിധ പരിപാടികളുടെ ഉദ്ഘാടനം പ്രശസ്ത കവി വീരാൻകുട്ടി നിർവ്വഹിച്ചു.വായന വാരവുമായി ബന്ധപ്പെട്ട് പുസ്തകമേള പ്രശസ്ത സാഹിത്യകാരൻ ജീവൻ ജോബ്തോമസ് ഉദ്ഘാടനം ചെയ്യും.കുട്ടികളുടെ വിവിധ പുസ്തക നിരൂപണം പ്രകാശനം . ക്ലാസ് ലൈബ്രറികളുടെ നവീകരണം, പുസ്തകങ്ങളുടെ ഇൻസ്റ്റലേഷൻ, പുസ്തകമരം,ഹ്യൂമൺ ലിറ്ററേച്ചർ തുടങ്ങിയ അനവധി പരിപാടികളാണ്ആസൂത്രണം ചെയ്തിട്ടുള്ളത്. വിവിധ പരിപാടികളുടെ ഉദ്ഘാടനം ഹെഡ്മാസ്റ്റർ ഫാ. തദേയൂസും, പ്രിൻസിപ്പാൾ ശ്രീ. ഷാജി ആൻ്റണിയും, മാനേജർ ഫാ. പയസ് വാച്ചാ പറമ്പിലും നിർവ്വഹിച്ചു. ഡെ.ഹെഡ് മാസ്റ്റർ ജോജോമോൻ , വിദ്യാരംഗം കൺവീനർ ശ്രീ. പി.ജോൺസൺ ശ്രീമതി ബിനു ജോസ് എന്നിവർ പരിപാടികൾക്ക് നേതൃത്വം വഹിക്കുകയും ചെയ്തു.

• 
• 
• 
• 

അവാർഡ് ഡേ

സെൻ്റ്ജോസഫ് ബോയ്സ് ഹയർ സെക്കൻഡറി സ്കൂളിൽ ഈ വർഷത്തെ അവാർഡ് ഡേ 20.06.2025 (വെള്ളിയാഴ്ച) അതിവിപുലമായ രീതിയിൽ ആചരിച്ചു.മുൻ വർഷത്തിൽ എസ് എസ് എൽ സി , പ്ലസ് ടു പൊതു പരീക്ഷയിൽ ഉന്നത നിലവാരം കാഴ്ചവെച്ച മിടുക്കന്മാരെയും രക്ഷിതാക്കളെയും ആദരിച്ചു . ഈ പരിപാടികളുടെ ഉദ്ഘാടനം സ്കൂൾ പൂർവ വിദ്യാർത്ഥിയും ഇൻകം ടാക്സ് കമ്മീഷ്ണറുമായ വിഷ്ണു എസ് പ്രസാദ് ഐ ആർ എസ് നിർവ്വഹിച്ചു. സ്കൂൾ ഡെപ്യൂട്ടി ഹെഡ്മാസ്റ്റർ ശ്രീ.ജോജോമൻ ജോസ് സ്വാഗതവും പ്രിൻസിപ്പാൾ ശ്രീ. ഷാജി ആൻ്റണി അധ്യക്ഷപ്രസംഗവും നടത്തി . സ്കൂൾ ഹെഡ്മാസ്റ്റർ ഫാ. തദേയൂസും, മാനേജർ ഫാ. പയസ് വാച്ചാ പറമ്പിലും ആശംസപ്രസംഗം നടത്തി. സ്കൂൾ സ്റ്റാഫ് സെക്രട്ടറി , പി ടി എ പ്രസിഡണ്ട് , മദർ പി ടി എ പ്രസിഡണ്ട് എന്നിവരും ആശംസ അറിയിച്ചു . മുഖ്യ അതിഥി കുട്ടികൾക്കുള്ള സമ്മാനം വിതരണം നടത്തി. സ്കൂൾ അദ്ധ്യാപകർ പരിപാടികൾക്ക് നേതൃത്വം വഹിക്കുകയും ചെയ്തു.

• 
• 
• 
• 
• 

വിദ്യാരംഗം കലാസാഹിത്യ വേദി-ഉദ്ഘടനം

വിദ്യാരംഗം കലാസാഹിത്യ വേദിയുടെ 2025- 26 വർഷത്തെ പ്രവർത്തന ഉദ്ഘാടനവും,DC ബുക്സുമായി ചേർന്ന് നടത്തുന്ന പുസ്തക പ്രദർശനവും, 24/06/25ന് രാവിലെ 10 മണിക്ക് പ്രശസ്ത ശാസ്ത്ര എഴുത്തുകാരൻ ശ്രീ ജീവൻ ജോബ് തോമസ് നിർവഹിച്ചു. വിദ്യാരംഗം പ്രവർത്തകരും ശാസ്ത്ര കുതുകികളായ വിദ്യാർത്ഥികളും ഒത്തുചേർന്ന പരിപാടിയിൽ ശ്രീ ഡെറിക് റോഷൻ, സ്വാഗത ഭാഷണം നടത്തി. ബഹുമാനപ്പെട്ട ഹെഡ്മാസ്റ്റർ, ഫാദർ തദേവൂസ് എസ്. ജെ. അധ്യക്ഷത വഹിച്ചു. സ്കൂൾ മാനേജർ ഫാദർ പയസ് സി വാച്ചാപറമ്പിൽ, മുഖ്യ പ്രഭാഷണം നടത്തി. തുടർന്ന് നടന്ന വിദ്യാർത്ഥികളുമായ സംവാദത്തിൽ, ശാസ്ത്ര സംബന്ധമായ വിദ്യാർത്ഥികളുടെ സംശയങ്ങൾക്ക് മുഖ്യാതിഥി ശാസ്ത്രീയമായ വിശദീകരണങ്ങൾ നൽകി. ശ്രീ ദേവനന്ദൻ ചടങ്ങിന് പങ്കെടുത്ത എല്ലാവർക്കും നന്ദി രേഖപ്പെടുത്തി. തുടർന്ന് ഡിസി ബുക്സിന്റെ പുസ്തക പ്രദർശനം ഉദ്ഘാടനം ചെയ്യപ്പെട്ടു.

• 
• 
• 
• 
• 

ലോക ലഹരി വിരുദ്ധ ദിനം

ഇന്ന് ജൂൺ 26 ലോക ലഹരി വിരുദ്ധ ദിനം. കോഴിക്കോട് സെന്റ് ജോസഫ് സ് ബോയ്സ് ഹയർ സെക്കൻഡറി സ്കൂളിൽ ലഹരി വിരുദ്ധ ദിനം ആചരിച്ചു. രാവിലെ 9 30 ന് ഹൈസ്കൂൾ വിഭാഗത്തിന് അസംബ്ലിയിലൂടെ ലഹരി വിരുദ്ധ ദിന സന്ദേശം സ്കൂൾ ഹെഡ്മാസ്റ്റർ ഫാദർ തഥേയൂസ് എസ് ജെ നൽകി. തുടർന്ന് കുട്ടികളുടെ അസംബ്ലി നടന്നു. എസ് എസ് എൽ സി വിദ്യാർഥികളാണ് സ്കൂൾ അസംബ്ലിക്ക് നേതൃത്വം നൽകിയത്. ശേഷം ലഹരി വിരുദ്ധ പ്രതിജ്ഞ പ്രധാന അധ്യാപകനിൽ നിന്നും മറ്റു കുട്ടികൾ ഏറ്റുചൊല്ലി. ലഹരി വിരുദ്ധ ദിനത്തോടനുബന്ധിച്ച് സ്കൂളിൽ പ്രവർത്തിക്കുന്ന വിവിധ ക്ലബ്ബുകളായ എൻ സി സി, എസ് പി സി, ലിറ്റിൽ കൈറ്റ്സ് , സ്കൗട്ട്, ജെ ആർ സി എന്നിവരുടെ നേതൃത്വത്തിലുള്ള ലഹരി വിരുദ്ധ ദിന റാലി പരിസര നിവാസികളുടെ ശ്രദ്ധ പിടിച്ചുപറ്റി. ഈ ദിനത്തോടനുബന്ധിച്ച് ലഹരി വിരുദ്ധ പോസ്റ്റർ രചന മത്സരം, ലഹരി വിരുദ്ധ ചിത്രരചന മത്സരം, ക്ലാസ് തല സ്കൂൾ തല ക്വിസ് മത്സരങ്ങൾ എന്നിവ ഉണ്ടായിരുന്നു. ഹയർസെക്കൻഡറി വിഭാഗം ജീവശാസ്ത്ര അധ്യാപകനായ ശ്രീ ടോമി മാത്യു കുട്ടികൾക്കായി ലഹരിവിരുദ്ധ ക്ലാസ് നടത്തി. കുട്ടികളുമായുള്ള സംവാദം വളരെ ആവേശജനകമായിരുന്നു. സ്കൂളിലെ പത്താം ക്ലാസിലെ എല്ലാ ക്ലാസ് അധ്യാപകരും ഈ പരിപാടിക്ക് നേതൃത്വം നൽകി.

• 
• 
• 

ലഹരിവിരുദ്ധ ബോധവൽക്കരണ ക്ലാസ്സ്‌ 2025

കോഴിക്കോട് സെന്റ് ജോസഫ് ഹയർസെക്കൻഡറി സ്കൂളിൽ ലഹരി വിരുദ്ധ ദിനവുമായി ബന്ധപ്പെട്ട് ബോധവൽക്കരണ ക്ലാസ് നടത്തി. പ്രശസ്ത മോട്ടിവേഷൻ സ്പീക്കർ രംഗീഷ് കടവത്ത്  ഹൈസ്കൂൾ വിഭാഗത്തിലെ കുട്ടികൾക്കായി ക്ലാസ് നടത്തി. ഉച്ചയ്ക്ക് ആരംഭിച്ച ക്ലാസ് സ്കൂൾ പ്രധാന അധ്യാപകൻ ഫാദർ തദയൂസ് എസ് ജെ ഉദ്ഘാടനം ചെയ്തു. തുടർന്ന് മുഖ്യാതിഥി ക്ലാസ് നടത്തി. വളരെ ആവേശോജ്ജ്യലമായിരുന്നു ക്ലാസ്. കുട്ടികളുടെ സജീവ പങ്കാളിത്തം ക്ലാസിന് മാറ്റുകൂട്ടി. അധ്യാപകരുടെ പങ്കാളിത്തം എടുത്തു പറയേണ്ട മറ്റൊരു കാര്യം തന്നെയാണ്. സ്റ്റാഫ് സെക്രട്ടറിയുടെ നന്ദിയോടുകൂടി പ്രോഗ്രാം അവസാനിച്ചു.

വയനായനം- 2025. വായന വാരത്തോട് അനുബന്ധിച്ച് നടത്തപ്പെട്ട പുസ്തക നിരൂപണ പതിപ്പ് തയ്യാറാക്കൽ കുട്ടികളുടെ ആവേശകരമായ പങ്കാളിത്തത്തോടുകൂടി പൂർത്തിയായി. ക്ലാസ് തല പതിപ്പുകളുടെ പ്രകാശനം ബഹു. ഹെഡ്മാസ്റ്റർ ഫാദർ തദേയൂസ്എസ്. ജെ നിർവഹിച്ചു. എല്ലാ ക്ലാസിലും ഓരോ ലൈബ്രറി എന്ന ലക്ഷ്യം വിജയകരമായി പൂർത്തിയായി. ക്ലാസ് തല ലൈബ്രറികളുടെ ഉദ്ഘാടനവും നടത്തപ്പെട്ടു.

• 
• 
•