"മാർത്തോമ എൽ.പി.എസ്. വാളകം/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

===2025-2026 അധ്യയന വർഷം ===

  പ്രതീക്ഷകളുടെയും ആശങ്കകളുടെയും പുതിയ അധ്യായന വർഷം സമാഗതമായിരിക്കുന്നു. 2025 ജൂൺ രണ്ടാം തീയതി മാർത്തോമ എൽ പി സ്കൂളിൽ പ്രവേശനോത്സവം സമുചിതമായി ആഘോഷിച്ചു. തുടർന്ന് സംസ്ഥാനതല ഉദ്ഘാടനം ബഹുമാനപ്പെട്ട മുഖ്യമന്ത്രി ശ്രീ പിണറായി വിജയൻ ഉദ്ഘാടനം ചെയ്യുന്ന വീഡിയോ പ്രദർശിപ്പിച്ചു. തുടർന്ന് പ്രവേശനോത്സവ ഗാനം കേൾപ്പിച്ചു. സ്കൂളിന്റെ പ്രധാന അധ്യാപിക ശ്രീമതി മേരി കെ കുഞ്ഞ് എല്ലാവർക്കും സ്വാഗതം ആശംസിച്ചു. ബാലഗം ഗ്രാമപഞ്ചായത്ത് വൈസ് പ്രസിഡന്റ് ശ്രീമതി.മോൾസി എൽദോസ് യോഗം ഉദ്ഘാടനം ചെയ്തു. കുട്ടികൾക്ക് അനുഗ്രഹം സന്ദേശം അറിയിച്ചു ലോക്കൽ മാനേജർ റവ. ക്രിസ്റ്റി തോമസ് ലൂക്ക് സംസാരിച്ചു. പി. ടി. എ അംഗം ശ്രീമതി. ശ്രുതി മനു ആശംസകൾ അറിയിച്ച് സംസാരിക്കുകയുണ്ടായി. സമഗ്ര ഗുണമേന്മ വിദ്യാഭ്യാസത്തെ മുൻനിർത്തി പ്രധാന അധ്യാപിക സംസാരിക്കുകയുണ്ടായി. തുടർന്ന് കുട്ടികൾക്കായി ഡിവൈഎഫ്ഐ വാളകം ഏരിയ കമ്മിറ്റിയുടെ നേതൃത്വത്തിലും മാമല മാർത്തോമ പള്ളിയുടെ നേതൃത്വത്തിലും പഠനോപകരണങ്ങൾ വിതരണം ചെയ്തു. മധുര വിതരണത്തിനും വിഭവസമൃദ്ധമായ ഉച്ചഭക്ഷണത്തിനും ശേഷം കുട്ടികളെ അവരുടെ ക്ലാസുകളിലേക്ക് അധ്യാപിക നയിക്കുകയും അവധിക്കാല വിശേഷങ്ങൾ പങ്കുവെക്കുകയും, പരസ്പര പരിചയപ്പെടുത്തലും നടത്തി.