"ജി.ഡബ്ളു.യു.പി.എസ്.ഒറ്റക്കൽ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കൊല്ലം ജില്ലയിലെ പുനലൂർ സബ് ജില്ലയിൽ സ്ഥിതി ചെയ്യുന്ന ഒരു ഗ്രാമം ആണ് ഒറ്റക്കൽ. ഒറ്റക്കൽ സ്കൂളിന്റെ അവിടെ നിന്ന് ഒരു അഞ്ചു മിനിറ്റ് നടന്നാൽ ഒറ്റക്കൽ റെയിൽവേ സ്റ്റേഷൻ ആണ്. സ്കൂളിന്റെ ഗ്രൗണ്ടിൽ നിന്ന് നോക്കിയാൽ മനോഹരമായ മലകളും കുന്നുകളും കാണാൻ കഴിയും. സ്കൂളിൽ നിന്ന് ഒരു അര മണിക്കൂർ നടന്നാൽ പാണ്ഡവൻ പാറ കാണാൻ കഴിയും. അതു പോലെ തന്നെ അവിടെ ശിവന്റെ അമ്പലം കൂടി കാണാൻ കഴിയും. അതുകൂടാതെ കുരിശ് മല കൂടി കാണാം. പാണ്ഡവൻപാറയുടെ മുകളിൽ കയറിയാൽ തെന്മല ഡാം അതു പോലെ തന്നെ സമീപ സ്ഥലങ്ങളും കാണാം. പാണ്ഡവൻ പാറയുടെ മുകളിൽ നിന്നുള്ള കാഴ്ചകൾ അതി മനോഹരമാണ്. ഒറ്റക്കൽ റയിൽവേ സ്റ്റേഷൻ റോഡിൽ നിന്നും ചെങ്കുത്തായ കൽ പടവുകളിലൂടെ കാൽനടയായിട്ടാണ് പാണ്ഡവൻ പാറയിലേക്കുള്ള യാത്ര തെൻമലയുടെ വിവിധ ഭാഗങ്ങൾ, ചുറ്റുമുള്ള കാടുകൾ, കല്ലട അണക്കെട്ട്, കൊല്ലം-ചെങ്കോട്ട റെയിൽപാത, ഇടമൺ പവർ സ്റ്റേഷൻ, മൂന്നു ജില്ലകളുടെ ജലസ്രോതസ്സായ കല്ലട ജലസേചന പദ്ധതിയുടെ ഉത്ഭവ സ്ഥാനമായ ഒറ്റക്കൽ തടയണ തുടങ്ങി നിരവധി കാഴ്ചകൾ ഈ മലമുകളിൽനിന്നും കാണാം. കൊടും ചൂടിലും അനുഭവപ്പെടുന്ന കുളിർകാറ്റ് പ്രത്യേക അനുഭൂതിയാണ് നൽകുന്നത്! ഈ കുന്നിൻറെ മുകളിൽ നിന്നും പുറത്തേയ്ക്ക് തള്ളി നിൽക്കുന്ന കൂറ്റൻ പാറകൾ പ്രത്യേക കാഴ്ചയാണ്. കൂടാതെ ഒരു ശിവ-പാർവ്വതി ക്ഷേത്രവും സ്ഥിതി ചെയ്യുന്നു. ഇതിനോട് ചേർന്ന് നിരവധി ഗുഹകളും കാണാം. ഈ ഗുഹകളിലാണ് പാണ്ഡവർ താമസിച്ചിരുന്നത് എന്നാണ് വിശ്വാസം.