"എ.എസ്.എം.എൻ.എസ്.എസ്.യു.പി.എസ് മുള്ളൂർക്കര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സംസ്‌കൃത  പണ്ഡിതന്‍  അയ്യാശാസ്ത്രികളുടെ  ഓര്‍മ്മയ്ക്കായി  പുത്രന്‍  വിശ്വനാഥഅയ്യര്‍    സ്ഥാപിച്ചതാണ്  ഈ  സ്കൂള്‍. 1123  ഇടവം16-ന്  സ്കൂള്‍  പ്രവര്‍ത്തനം  ആരംഭിച്ചതായി  രേഖകള്‍  വ്യക്തമാക്കുന്നു.  അയ്യാശാസ്ത്രികളുടെ  സ്മരണാര്‍ത്ഥം  സ്കൂള്‍  തുടങ്ങുന്നതിന്  അനുവാദം  നല്‍കി  അന്ന്  തിരുകൊച്ചിയുടെ  വിദ്യാഭ്യാസ  മന്ത്രി    കൊടയ്ക്കടത്ത്  ബാലകൃഷ്ണമേനോന്‍  കൊടുത്ത  രേഖ  ഇപ്പോഴും  ഇവിടെയുണ്ട്.. സ്കൂള്‍  തുടങ്ങുന്നതിനാവശ്യമായ  ഭൂമി  വിശ്വനാഥഅയ്യര്‍ക്ക്  നല്‍കിയത്  പാലിയത്തുകാരായിരുന്നു. സ്കൂള്‍  ആരംഭിക്കുമ്പോള്‍  54  വിദ്യാര്‍ത്ഥികളും  5 അധ്യാപകരും  2 അനധ്യാപകരും ഇവിടെയുണ്ടായിരുന്നു. കുഴിയത്ത്  മുകുന്ദനാണ്  ആദ്യവിദ്യാര്‍ത്ഥി. അന്നുണ്ടായിരുന്ന  വിദ്യാര്‍ത്ഥികളില്‍  വിരലിലെണ്ണാവുന്ന ഈഴവ വിദ്യാർത്ഥികളൊഴിച്ച് ബാക്കിയുള്ളവരെല്ലാം ബ്രാഹ്മണ നായര്‍ വിദ്യാര്‍ത്ഥികള്‍ ആയിരുന്നു .പെണ്‍കുട്ടികള്‍ എല്ലാം മുന്നോക്ക വിഭാഗത്തില്‍ പെട്ടവരായിരുന്നു.സ്ഥാപകനായ മാനേജര്‍ വിശ്വനാഥഅയ്യര്‍ 1966 ലാണ് സ്‌കൂള്‍ നായര്‍ സര്‍വീസ് സൊസൈറ്റിയെ ഏല്പിക്കുന്നത്.ഇതിനു വേണ്ടി അദ്ദേഹത്തെ എന്‍ എസ്‌ എസുമായി ബന്ധിപ്പിച്ചത് തിയ്യന്നൂര്‍ അച്യുതന്‍ നായര്‍ ആണ്.1966 മുതല്‍ സ്കൂള്‍ എന്‍ എസ് എസ് ഏറ്റെടുത്തു.