"ജി.എച്ച്.എസ്. കൂടല്ലൂർ/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം
വരി 269: | വരി 269: | ||
=='''വിനോദ യാത്ര'''== | =='''വിനോദ യാത്ര'''== | ||
ഈ വർഷത്തെ പത്താം ക്ലാസ്സ് വിദ്യാർഥികളുടെ വിനോദയാത്ര ഡിസംബർ 7,8 തീയതികളിൽ മൈസൂരുവിലേക്ക് സംഘടിപ്പിച്ചു. 5,6,7,8,9 ക്ലാസുകളിലെ കുട്ടികൾക്കായി ജനുവരിയിൽ ഊട്ടിയിലേക്ക് മറ്റൊരു വിനോദയാത്ര കൂടി ഈ വർഷം നടത്തി.<gallery> | ഈ വർഷത്തെ പത്താം ക്ലാസ്സ് വിദ്യാർഥികളുടെ വിനോദയാത്ര ഡിസംബർ 7,8 തീയതികളിൽ മൈസൂരുവിലേക്ക് സംഘടിപ്പിച്ചു. 5,6,7,8,9 ക്ലാസുകളിലെ കുട്ടികൾക്കായി ജനുവരിയിൽ ഊട്ടിയിലേക്ക് മറ്റൊരു വിനോദയാത്ര കൂടി ഈ വർഷം നടത്തി. | ||
<gallery widths="480" heights="480"> | |||
പ്രമാണം:20062 vinodayathra2.jpg | പ്രമാണം:20062 vinodayathra2.jpg | ||
പ്രമാണം:20062 vinodayathra.jpg | പ്രമാണം:20062 vinodayathra.jpg | ||
പ്രമാണം:SSLC 2023-24 Batch tour.jpg| | |||
</gallery> | </gallery> | ||
15:06, 26 മാർച്ച് 2024-നു നിലവിലുണ്ടായിരുന്ന രൂപം
പ്രവേശനോത്സവം
നവാഗതരെ സ്കൂൾ ഓഡിറ്റോറിയത്തിൽ സ്വീകരിച്ചു. സംസ്ഥാന തല ഉദ്ഘാടനം കാണാനുള്ള സൗകര്യം ഒരുക്കി. ന്യൂ ഐഡിയൽ ഗോൾഡ് ഒരുക്കിയ സമ്മാനങ്ങളും PTA ഒരുക്കിയ പായസവും കുട്ടികൾക്ക് വിതരണം ചെയ്തു.
-
പ്രവേശനോത്സവം
-
Pravesanolsavam
പരിസ്ഥിതി ദിനാചരണം
പരിസ്ഥിതി ദിനാചരണത്തിന്റെ ഭാഗമായി പ്രസംഗമത്സരം, പരിസ്ഥിതി ദിന ക്വിസ്, മലയാളം , അറബിക് പോസ്റ്റർ രചനയും പ്രദർശനവും, തുണിസഞ്ചി വിതരണം, വിത്ത് എ ഫ്രണ്ട് തുടങ്ങിയ വ്യത്യസ്തമായ പരിപാടികൾ സംഘടിപ്പിച്ചു.
സയൻസ്, സോഷ്യൽ സയൻസ്, അലിഫ് ക്ലബ്ബുകൾ സംയുക്തമായാണ് പരിപാടികൾ നടത്തിയത്. ഓരോ ഐറ്റത്തിലെയും വിജയികൾക്ക് സമ്മാന വിതരണവും നടത്തി. പരിസ്ഥിതി ദിനത്തിൽ സ്കൂളിലെ ഉദ്യാനത്തിൽ ചാമ്പതൈ നടീൽ നടന്നു.
ആമസോൺ - "അമ്മസോൺ" പോസ്റ്റർ രചന മത്സരം
![](/images/thumb/b/bb/20062_ammasone.jpg/300px-20062_ammasone.jpg)
വിമാനം തകർന്ന് ആമസോൺ കാടുകളിൽ അകപ്പെട്ട 4 കുട്ടികളെ നാൽപതാം ദിവസം അത്ഭുതകരമായി രക്ഷപ്പെടുത്തിയ സംഭവത്തെ അടിസ്ഥാനമാക്കി "അമ്മസോണിലെ അത്ഭുതം" പോസ്റ്റർ മത്സരം സഘടിപ്പിച്ചു.
റേഡിയോ കൂടല്ലൂർ
നാടിനഭിമാനമാവുകയാണ് ഗവൺമെന്റ് ഹൈസ്ക്കൂൾ കൂടല്ലൂരിലെ വിദ്യാർത്ഥികളുടെ റേഡിയോ ക്ലബ്ബായ റേഡിയോ കൂടല്ലൂർ . പൊതു വിദ്യാലയ മേഖലയിൽ കഴിഞ്ഞ വർഷം നടപ്പിലാക്കിയ മികച്ച അക്കാദമിക പ്രവർത്തനമായി റേഡിയോ കൂടല്ലൂർ തെരഞ്ഞെടുക്കപ്പെട്ടു. വിവിധ വിഭാഗങ്ങളിലായി സംസ്ഥാനത്തെ മുപ്പതു വിദ്യാലയങ്ങളാണ് മികവ് പുരസ്കാരം നേടിയത്. ഇതിൽ മൂന്ന് വിദ്യാലയങ്ങൾ പാലക്കാട് ജില്ലയിൽ നിന്നാണ്. ജി.എച്ച്.എസ് കൂടല്ലൂർ, ജി.എച്ച്.എസ്.എസ് മാരായമംഗലം, ഗവൺമെൻറ് മോയൻസ് മോഡൽ ഗേൾസ് ഹയർ സെക്കന്ററി സ്കൂൾ പാലക്കാട് എന്നിവയാണ് പാലക്കാട് ജില്ലയിൽ നിന്നും പുരസ്കാരത്തിന് അർഹരായത്. സംസ്ഥാന വിദ്യാഭ്യാസ ഗവേഷണ പരിശീലന സമിതിയാണ് (എസ്.സി.ഇ.ആർ.ടി) പുരസ്കാര ജേതാക്കളെ തെരഞ്ഞെടുത്തത്. മികവ് പുരസ്കാരം സീസൺ നാലിൽ കേരളത്തിലെ അപ്പർ പ്രൈമറി വിദ്യാലയങ്ങളിലെ ഏറ്റവും മികച്ച റേഡിയോ പ്രവർത്തനമാണ് റേഡിയോ കൂടല്ലൂർ. നൂറ്റമ്പതിലധികം വിദ്യാർഥികൾ വാർത്താ അവതാരകരായി എത്തിയതാണ് റേഡിയോ കൂടല്ലൂരിന്റെ സവിശേഷത. കഴിഞ്ഞ വർഷം തുടർച്ചയായി മുന്നൂറു ദിവസം റേഡിയോ കൂടല്ലൂരിൽ വാർത്തകൾ അവതരിപ്പിച്ചു. വിവിധ ഭാഷകളിലുള്ള വാർത്തകൾക്ക് പുറമെ സർഗ്ഗവേള, ഗസ്റ്റ് ടോക്ക്, അമ്മ വായന, ദിനാചരണ സന്ദേശങ്ങൾ തുടങ്ങിയ പരിപാടികൾ റേഡിയോ കൂടല്ലൂർ സംപ്രേഷണം ചെയ്യുന്നുണ്ട്.
വീഡിയോ_കാണാം...
![](/images/thumb/9/91/20062_mikav_season_4.jpg/300px-20062_mikav_season_4.jpg)
സർഗ്ഗ വേള
കുട്ടികളുടെ സർഗ്ഗാത്മകതക്ക് വേദിയൊരുക്കുക എന്ന ലക്ഷ്യത്തോടെ സർഗ്ഗവേള സംഘടിപ്പിക്കുന്നു. ആഴ്ചയിൽ ഒരു പീരിയഡ് ഇതിനായി മാറ്റിവെക്കുന്നു. ഓരോ ക്ലാസുകാരും ഊഴമിട്ട് കഥ, കവിത, നാടൻപാട്ട്, മാപ്പിളപ്പാട്ട്, പുസ്തകപരിചയം തുടങ്ങി നിരവധി പരിപാടികൾ അവതരിപ്പിക്കുകയും പബ്ലിക് അഡ്രെസ്സിങ് സിസ്റ്റം വഴി മറ്റു ക്ലാസ്സിലെ കുട്ടികൾക്ക് ആസ്വദിക്കാനുള്ള സാഹചര്യം ഒരുക്കുകയും ചെയ്യുന്നു.
-
sarggavela avatharanam
-
Sarggavela
-
Sarggavela 6B
വായന വാരാചരണം
വായനോത്സവം 2023 വിവിധ മത്സരങ്ങളോടെ വളരെ വിപുലമായി സംഘടിപ്പിച്ചു
- ടോട്ടോ ചാൻ സിൻട്രം
- പുസ്തക പ്രദർശനം - ബ്രദേഴ്സ് ലൈബ്രറി പട്ടിത്തറ
- എം. ടി യെ പരിചയപ്പെടാം
- കൈയ്യക്ഷര മത്സരം
- സംവാദം - വായനയുടെ പ്രാധാന്യം ഡിജിറ്റൽ യുഗത്തിൽ
- പ്രസംഗ മത്സരം
- വായന മത്സരം ( മലയാളം,ഇംഗ്ലീഷ്, അറബിക്, ഹിന്ദി )
- വായന ദിന ക്വിസ്
ആ യാത്രയിൽ - ട്രാവലോഗ്
കുട്ടികളുടെ അവധിക്കാല യാത്രകളുടെ ഓർമ്മകൾ അടങ്ങിയ യാത്ര മാഗസിൻ 'ആ യാത്രയിൽ' സാഹിത്യകാരൻ പി. സുരേന്ദ്രൻ പ്രകാശനം ചെയ്തു.
ക്ലാസ്സ് ലൈബ്രറി
ഒഴിവുസമയം വിജ്ഞാനപ്രദവും വിനോദകരവുമാക്കുക എന്ന ലക്ഷ്യത്തോടെ ക്ലാസ്സ് ലൈബ്രറികൾ ആരംഭിച്ചു. കുട്ടികൾക്ക് ഇഷ്ടപ്പെടുന്നതും അവർക്ക് വായിച്ചാൽ മനസ്സിലാകുന്നതുമായ പുസ്തകങ്ങൾ ലഭ്യമാക്കുകയും ക്ലാസ്സ് ലൈബ്രെറിയൻ ഒഴിവു സമയങ്ങളിൽ കുട്ടികൾക്ക് പുസ്തകങ്ങൾ നൽകുകയും ചെയ്യുന്നു.
-
Class Library
-
Class Library -Book Donation
സുരഭിലം
കൂടല്ലൂർ ഗവൺമെന്റ് ഹൈസ്കൂളിലെ ജൂനിയർ റെഡ് ക്രോസ് യൂണിറ്റിന്റെ നേതൃത്വത്തിൽ "ശുചിത്വ ക്യാമ്പസ് - സുരക്ഷിത ക്യാമ്പസ്" എന്ന ലക്ഷ്യം മുൻനിർത്തി 2022 - 23 അക്കാഡമിക് വർഷം മുതൽ നടത്തിവരുന്ന തനത് മാതൃകാ പ്രവർത്തനമാണ് സുരഭിലം.
![](/images/thumb/7/7f/Surabhilam_jrc.jpg/300px-Surabhilam_jrc.jpg)
അച്ചടക്കം, പരിസര ശുചിത്വം, പരിസ്ഥിതി അവബോധം, ഊർജ്ജ സംരക്ഷണം, ലഹരി നിർമ്മാർജ്ജനം എന്നിവയ്ക്ക് പ്രാധാന്യം നൽകിക്കൊണ്ട് നടപ്പിലാക്കുന്ന ഈ പ്രവർത്തനത്തിൽ സ്കൂളിലെ മുഴുവൻ ജെ ആർ സി കേഡറ്റുകളും ഭാഗമാണ്.
സുരഭിലം പ്രവർത്തനങ്ങളുടെ ഭാഗമായി ശുചീകരണ യജ്ഞങ്ങൾ, ലഹരി വിരുദ്ധ ബോധവൽക്കരണങ്ങൾ, ദിനാചരണങ്ങൾ, പ്രഥമ ശുശ്രൂഷ ക്ലാസുകൾ മുതലായ വിവിധ പരിപാടികൾ സംഘടിപ്പിച്ചു വരുന്നു.
സുരഭിലം പ്രവർത്തനങ്ങളുടെ കൃത്യമായ നടത്തിപ്പിനും സ്കൂൾ ക്യാമ്പസിലെ വിദ്യാർത്ഥികളുടെ സുരക്ഷിതത്വം ഉറപ്പാക്കുന്നതിനുമായി ഓരോ ദിവസവും 16 ജെ ആർ സി കേഡറ്റുകൾ ഉൾപ്പെടുന്ന ഗ്രൂപ്പുകൾക്ക് ചുമതലകൾ നൽകിയിട്ടുണ്ട്.
സ്കൂളുമായി ബന്ധപ്പെട്ട് തങ്ങളുടെ ശ്രദ്ധയിൽപ്പെടുന്ന പ്രശ്നങ്ങൾ ഓരോ ഗ്രൂപ്പുകളും കണ്ടെത്തുകയും കൂടിയാലോചനകളിലൂടെ അവ പരിഹരിക്കുകയും ചെയ്യുന്നു. ഇത്തരം പ്രവർത്തനങ്ങളിലൂടെ കുട്ടികളിൽ ഉത്തരവാദിത്വബോധവും അച്ചടക്കവും സാമൂഹിക അവബോധവും സൃഷ്ടിക്കുവാൻ സാധിക്കുന്നു എന്നതാണ് സുരഭിലം പദ്ധതിയുടെ സുപ്രധാന നേട്ടം.
ലഹരിവിരുദ്ധ ദിനം - ബാഡ്ജ് വിതരണം
ലഹരിവിരുദ്ധ ദിനാചരണത്തിന്റെ ഭാഗമായി റേഡിയോ കൂടല്ലൂരും മീഡിയ ക്ലബ്ബും സംയുക്തമായി കുട്ടികൾക്ക് Say No To Drugs ബാഡ്ജ് വിതരണം ചെയ്തു.
മൈലാഞ്ചി മത്സരം
![](/images/thumb/2/29/20062_mehandi.jpg/300px-20062_mehandi.jpg)
സ്കൂളിലെ അറബിക് ക്ലബ്ബായ അലിഫ് ക്ലബ് എച്ച്. എസ്, യു . പി വിദ്യാർത്ഥികൾക്ക് പ്രത്യേകമായി മൈലാഞ്ചിയിടൽ മത്സരം സംഘടിപ്പിച്ചു. പെരുന്നാൾ അനുബന്ധിച്ചു നടന്ന മത്സരം നയനാനന്ദകരം ആയിരുന്നു.
ന്യൂസ് ടാലെന്റ് ക്വിസ്
പത്ര ദൃശ്യ മാധ്യമ വാർത്തകളെ അടിസ്ഥാനമാക്കി ഓരോ മാസവും റേഡിയോ കൂടല്ലൂരിന്റെയും മീഡിയ ക്ലബ്ബിന്റെയും സംയുക്താഭിമുഖ്യത്തിൽ ക്വിസ് മത്സരം സംഘടിപ്പിക്കുന്നു. വർഷാന്ത്യത്തിൽ റേഡിയോ ദിനത്തിൽ ഒരു മെഗാ ന്യൂസ് ടാലെന്റ് ക്വിസും സംഘടിപ്പിച്ചു.
ബഷീർ ദിനാചരണം
പ്രശസ്ത സാഹിത്യകാരൻ വൈക്കം മുഹമ്മദ് ബഷീറിന്റെ ഓർമ്മ ദിവസം അദ്ദേഹത്തിന്റെ കൃതികളെയും കഥാപാത്രങ്ങളെയും കുട്ടികൾക്ക് പരിചയപ്പെടുത്തുന്നതിനുതകുന്ന രീതിയിൽ ബഷീർ കഥാപാത്രങ്ങളെ വരച്ചും അദ്ദേഹത്തിനെ കുറിച്ചുള്ള അറിവ് ക്വിസ് രൂപത്തിൽ പരീക്ഷിച്ചും വിപുലമാക്കി.
ജനസംഖ്യ ദിനാചരണം
ജനസംഖ്യ ദിനാചരണത്തിന്റെ ഭാഗമായി എന്ന വിഷയത്തിൽ പ്രസംഗ മത്സരവും പോസ്റ്റർ നിർമ്മാണ മത്സരവും സംഘടിപ്പിച്ചു.
![](/images/thumb/d/db/20062_National_Population_Day.jpg/300px-20062_National_Population_Day.jpg)
ഫിനാൻഷ്യൽ ലിറ്ററസി ക്വിസ്
റിസർവ് ബാങ്ക് ഓഫ് ഇന്ത്യ യുടെ ആഭിമുഖ്യത്തിൽ സംഘടിപ്പിച്ച സാമ്പത്തിക സാക്ഷരത പ്രശ്നോത്തരി - സബ് ജില്ലാതല മത്സരത്തിൽ കൂടല്ലൂർ ഗവൺമെന്റ് ഹൈസ്കൂൾ ജേതാക്കളായി.
എട്ടാം ക്ലാസിലെ വൈഗ മനോജ് ,ഒൻപതാം ക്ലാസിലെ ആര്യനന്ദ എം പി എന്നിവർ മത്സരത്തിൽ ഒന്നാം സ്ഥാനം നേടി.
മത്സരത്തിന്റെ രണ്ടാംഘട്ടമായ ജില്ലാതല മത്സരത്തിൽ പങ്കെടുക്കാനുള്ള യോഗ്യത നേടുന്നതിനോടൊപ്പം 5000 രൂപ ക്യാഷ് പ്രൈസും സർട്ടിഫിക്കറ്റും ഇവർക്ക് ലഭിക്കും.ജൂൺ 26ന് ഓൺലൈനായാണ് സബ്ജില്ലാതല മത്സരം നടന്നത്
![](/images/thumb/8/80/20062_reseve_bank_quiz.jpg/300px-20062_reseve_bank_quiz.jpg)
ചാന്ദ്രദിനം
ഡിജിറ്റൽ ക്വിസ്, ഡോക്യൂമെന്ററി പ്രദർശനം, ചാർട്ട് നിർമ്മാണവും പ്രദർശനവും തുടങ്ങി വിവിധ പരിപാടികളോടെ വിപുലമായി ആചരിച്ചു.
-
Chandra Dina Digital Quiz
-
Moon Day Chart Presentation
-
Moon Day Digital Quiz
ഇംഗ്ലീഷ് ശ്രദ്ധ ക്ലാസുകൾ
ഡിസ്ട്രിക് സെന്റർ ഫോർ ഇംഗ്ലീഷുമായി സഹകരിച്ച് ഇംഗ്ലീഷ് ഭാഷയിൽ വെല്ലുവിളി നേരിടുന്ന ആറാം ക്ലാസ്സിലെ കുട്ടികൾക്ക് കൈത്താങ്ങ് നൽകുന്നതിനായി ശ്രദ്ധ ക്ലാസ്സ് സജ്ജീകരിക്കുകയും പഠനോപകരണങ്ങൾ വിതരണം നടത്തുകയും ചെയ്തു.
പ്രേംചന്ദ് ദിനാചരണം
![](/images/thumb/9/9f/20062_premchand_dinam.jpg/300px-20062_premchand_dinam.jpg)
ആധുനിക ഹിന്ദി ഉർദു സാഹിത്യത്തിലെ മഹാനായ സാഹിത്യകാരനായ പ്രേംചന്ദ് ന്റെ ജന്മദിനം ഹിന്ദി അസംബ്ലി, പോസ്റ്റർ രചന, ക്വിസ് മത്സരം എന്നിങ്ങനെ വിവിധ പരിപാടികളോടെ സമുചിതമായി ആചരിച്ചു.
സാഡാക്കോ കൊക്കുകളുടെ നിർമ്മാണ പരിശീലനം
നാഗസാക്കി ദിനത്തിൽ കുട്ടികൾ സഡാക്കോ കൊക്കുകളെ നിർമ്മിക്കുകയും പരിശീലിപ്പിക്കുകയും ചെയ്തു.
-
sadakko kokku nirmmanam@ Nagasakki Day
-
documentary show @Nagasakki Day
സ്വാതന്ത്ര്യ ദിനാഘോഷം
2023- 24 അധ്യയന വർഷത്തെ സ്വാതന്ത്ര്യ ദിനാഘോഷം PTA യുടെയും പൊതുജനങ്ങളുടെയും പങ്കാളിത്തത്തോടെ വളരെ സമുചിതമായി ആഘോഷിച്ചു. ആഘോഷത്തിന് മുന്നോടിയായി പതാക നിർമ്മാണം, ദേശഭക്തിഗാന മത്സരം എന്നിവ സംഘടിപ്പിച്ചു.
-
-
-
-
Independence Day Flag Making
-
Independence Day Assembly
-
Freedom fest special assembly
ഓണാഘോഷം
ഈ വർഷത്തെ ഓണാഘോഷം പൂക്കള മത്സരം, സദ്യ, ഒണക്കളികൾ, തുടങ്ങിയ പരിപാടികളോടെ വളരെ വിപുലമായ രീതിയിൽ നടത്തി.
-
-
-
-
musical chair competition @onam celebration
ശാസ്ത്ര-പ്രവൃത്തി പരിചയ മേളകൾ
സ്കൂൾതല ശാസ്ത്ര പ്രവൃത്തി പരിചയ മേളകൾ ഓഗസ്റ്റ് സെപ്റ്റംബർ മാസങ്ങളിലായി നടത്തി. സബ്ജില്ലാ മേളകളിൽ കുട്ടികൾ മികച്ച പ്രകടനങ്ങൾ കാഴ്ച വച്ചു.പനയോല കൊണ്ടുള്ള നിർമിതിയിൽ ഏഴാം ക്ലാസ്സിലെ ശ്രേയ രാജ് ഒന്നാം സ്ഥാനം കരസ്ഥമാക്കി. ഏഴാം ക്ലാസിലെ മുഹമ്മദ് ഷിബിലി thread പാറ്റേണിൽ രണ്ടാം സ്ഥാനവും, അഞ്ചാം ക്ലാസിലെ നിയ ഫാത്തിമ fabric paining ലും ഏഴാം ക്ലാസ്സിലെ കൃഷ്ണദ്വൈപായനൻ കളിമണ്ണ് കൊണ്ടുള്ള ഉത്പന്നങ്ങളിൽ, നിധി കൃഷ്ണ ചന്ദനത്തിരി നിർമാണത്തിലും, എട്ടാം ക്ലാസിലെ റിയാന ഫാത്തിമ stuffed toys വിഭാഗത്തിലും മൂന്നാം സ്ഥാനങ്ങൾ നേടി സ്കൂളിൻ്റെ യശസ്സുയർത്തി. യുപി വിഭാഗം ഗണിത ക്വിസ് മത്സരത്തിൽ ആറാം ക്ലാസ്സിലെ ദേവനന്ദൻ സബ്ജില്ലാ തലത്തിൽ രണ്ടാം സ്ഥാനവും ഹൈസ്കൂൾ വിഭാഗം ഗണിത ക്വിസിൽ പത്താം ക്ലാസ്സിലെ ഫാത്തിമ റിയ മൂന്നാം സ്ഥാനവും കരസ്ഥമാക്കി.
ഇത്തവണത്തെ ശാസ്ത്രമേള കൂടല്ലൂർ സ്കൂളിൻ്റെ ചരിത്രത്തിൽ സുവർണ ലിപികളാൽ എഴുതപ്പെട്ട ഒന്നായി മാറി.2019 ന് ശേഷം വീണ്ടും ഹൈസ്കൂൾ വിഭാഗം improvised experiment ഇൽ കൂടല്ലുരിൻ്റെ ചുണക്കുട്ടികൾ സംസ്ഥാന ശാസ്ത്രമേളയിൽ പാലക്കാട് ജില്ലയെ പ്രതിനിധീകരിച്ചു. പത്താം ക്ലാസ്സിലെ ഫാത്തിമ റിയ, റന അഷ്റഫ് എന്നിവർ സംസ്ഥാന തലത്തിൽ A ഗ്രേഡ് നേടി സ്കൂളിൻ്റെ അഭിമാന താരങ്ങളായി.
![](/images/thumb/d/de/20062_sasthramela_2023.jpg/300px-20062_sasthramela_2023.jpg)
![](/images/thumb/c/c3/20062_work_Experience.jpg/300px-20062_work_Experience.jpg)
കായിക മേള
2023 - 24 അധ്യയന വർഷത്തിൽ കൂടല്ലൂർ സ്കൂളിൽ നിന്ന് വിവിധ കായികയിനങ്ങളിലായി ജില്ലാതലത്തിലും റെവന്യൂ ജില്ലാതലത്തിലും ഉപജില്ലാതലത്തിലുമായി ഒരുപിടി താരങ്ങൾ പങ്കെടുക്കുകയുണ്ടായി. പത്താം ക്ലാസിൽ പഠിക്കുന്ന അഞ്ജന. കെ. ജി ജൂനിയർ വിഭാഗം പെൺകുട്ടികളുടെ ബാസ്കറ്റ് ബോൾ മത്സരത്തിൽ പാലക്കാട് ജില്ലാ ടീമിൽ ഇടം നേടി മികവ് തെളിയിച്ചു. പത്താം ക്ലാസിൽ പഠിക്കുന്ന കൃഷ്ണ. പി. പി, മിഷാൽ എന്നിവർ ജൂനിയർ വിഭാഗം ആൺകുട്ടികളുടെ ജാവലിൻ ത്രോയിൽ ഉപജില്ലാതലത്തിൽ യഥാക്രമം ഒന്നും രണ്ടും സ്ഥാനവും ഒൻപതിൽ പഠിക്കുന്ന ആദിത്യൻ കെ. എൻ. സബ് ജൂനിയർ വിഭാഗം ആൺകുട്ടികളുടെ തൈക്കോണ്ടോ മത്സരത്തിൽ രണ്ടാം സ്ഥാനവും യു പി കിഡ്ഡീസ് വിഭാഗം പെൺകുട്ടികളുടെ ലോങ്ങ് ജമ്പ് മത്സരത്തിൽ ശ്രീനയന. വി. എച്ച് മൂന്നാം സ്ഥാനവും കരസ്ഥമാക്കി. കൂടാതെ ഗെയിംസ് ഇനത്തിൽ ജൂനിയർ വിഭാഗം ആൺകുട്ടികളുടെ ബാസ്കറ്റ് ബോൾ മത്സരത്തിൽ ഉപജില്ലാതലത്തിൽ രണ്ടാം സ്ഥാനവും കരസ്ഥമാക്കാൻ ജി എച്ച് എസ് കൂടല്ലൂർ സ്കൂളിലെ താരങ്ങൾക്ക് സാധിച്ചു.
![](/images/thumb/f/f7/20062_subjilla_kayikamela.jpg/300px-20062_subjilla_kayikamela.jpg)
അടുക്കള ഉദ്ഘാടനം
![](/images/thumb/5/57/20062_kitchen.jpg/300px-20062_kitchen.jpg)
പാലക്കാട് ജില്ലാ പഞ്ചായത്തിൻ്റെ വാർഷിക പദ്ധതിയിൽ ഉൾപ്പെടുത്തി ഗവൺമെൻ്റ് ഹൈസ്കൂൾ കൂടല്ലൂരിൽ നിർമ്മിച്ച അടുക്കളയുടെ ഉദ്ഘാടനം പാലക്കാട് ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ ഷാബിറ ടീച്ചർ നിർവ്വഹിച്ചു.
വീഡിയോ...
നൂപുരം 2023
ഈ വർഷത്തെ സ്കൂൾ കലോത്സവം "നൂപുരം 2023" സെപ്റ്റംബർ 25, 26 തീയതികളിലായി സംഘടിപ്പിച്ചു. പ്രശസ്ത സംഗീതസംവിധായകനും ഗായകനുമായ "ശ്രീ.നിഖിൽ പ്രഭ" കലോത്സവം ഉദ്ഘാടനം ചെയ്തു. തുടർന്ന് കുട്ടികളുടെ മത്സരങ്ങൾ അരങ്ങേറി. 45 ഇനങ്ങളിലായി ഏകദേശം 350 ഓളം കുട്ടികൾ മത്സരങ്ങളിൽ മാറ്റുരച്ചു.
-
-
-
Patriotic Song District AGrade
-
HS oppana @Noopuram 2023
-
UP Subjilla Oppana
-
HS Nadan Patt@Noopuram 2023
-
Margam Kali
-
UP Group Dance
-
UP Subjilla Oppana
-
UP Oppana
-
UP thiruvathira
റീച്ചിങ് ഔട്ട് ടു സ്റ്റുഡന്റസ്
![](/images/thumb/1/1a/20062_token_of_appreciation%40reaching_out_to_students.jpg/300px-20062_token_of_appreciation%40reaching_out_to_students.jpg)
ലോക ബഹിരാകാശ വാരത്തോട് അനുബന്ധിച്ച് അപ്പർ പ്രൈമറി വിദ്യാർത്ഥികൾക്ക് ഐ. എസ്. ആർ. ഒ നടത്തുന്ന ബഹിരാകാശ ശാസ്ത്ര ക്ലാസുകൾ
2023-24 അധ്യയന വർഷത്തെ ബഹിരാകാശ വാരത്തോടനുബന്ധിച്ച് ഐ.എസ്.ആർ.ഒ യുടെ നേതൃത്വത്തിൽ സ്കൂളുകളിൽ സംഘടിപ്പിക്കുന്ന റീച്ചിംഗ് ഔട്ട് ടു സ്റ്റുഡന്റ്സ് പ്രോഗ്രാമിൽ വിക്രം സാരാഭായി സ്പേസ് സെന്ററിലെ ബിന്നി ടി.ആർ കുട്ടികൾക്ക് ക്ലാസ്സ് എടുത്തു.
![](/images/thumb/1/16/PKD_20062_reaching_out_to_students.jpg/300px-PKD_20062_reaching_out_to_students.jpg)
ഹിന്ദി ദിനം
ഇന്ത്യയുടെ ഔദ്യോഗിക ഭാഷയായ ഹിന്ദിയുടെ പ്രശസ്തി ഉദ്ഘോഷിക്കുന്നതിനായി സെപ്റ്റംബർ 14 ഹിന്ദി ക്ലബ്ബിന്റെ ആഭിമുഖ്യത്തിൽ ഹിന്ദി ദിവസ് സമുചിതമായി ആചരിച്ചു. ഹിന്ദി വാർത്തയും പ്രസംഗവും മെസ്സേജും അടങ്ങുന്ന ഹിന്ദി അസംബ്ലി നടത്തി. അഞ്ചാം ക്ലാസ്സിലെ വിദ്യാർത്ഥികൾ ബാഡ്ജ് ധരിച്ചാണ് ക്ലാസ്സിലെത്തിയത്.
![](/images/thumb/0/02/20062_hindi_divas.jpg/300px-20062_hindi_divas.jpg)
സ്കൂൾ പാർലമെന്റ്
ഇലക്ട്രോണിക് വോട്ടിങ് മെഷീൻ ഉപയോഗിച്ച് നടത്തിയ സ്കൂൾ പാർലമെന്റ് ഇലക്ഷൻ കുട്ടികൾക്ക് പുതിയ അനുഭവമായിരുന്നു. അധ്യാപകരുടെ മൊബൈലിൽ ഡൌൺ ലോഡ് ചെയ്ത ഇലക്ട്രോണിക് വോട്ടിങ് മെഷീൻ സങ്കേതം ഉപയോഗിച്ചാണ് ഇത്തവണ സ്കൂൾ പാർലമെന്റ് ഇലക്ഷൻ നടത്തിയത്.
![](/images/thumb/0/0a/20062_schoolparliament1.jpg/300px-20062_schoolparliament1.jpg)
ക്രിസ്ത്മസ് ആഘോഷം
![](/images/thumb/3/3b/20062_christmas.jpg/300px-20062_christmas.jpg)
ഓരോ ക്ലാസ്സിലും ക്രിസ്മസ് കേക്ക് മുറിച്ചും സന്താക്ലോസ് അപ്പൂപ്പനായി വേഷം കെട്ടിയും പാട്ടിനൊത്ത് നൃത്തം ചെയ്തും കുട്ടികൾ ക്രിസ്മസ് സ്കൂളിൽ ആഘോഷിച്ചു. ഉണ്ണിയേശുവും പുൽക്കൂടും സമ്മാനപ്പൊതികളും ആഘോഷത്തെ മികവാർന്നതാക്കി.
ലോക അറബിഭാഷ ദിനം
GHS കൂടല്ലൂർ അലിഫ് അറബിക്ക് ക്ലബ് അറബി ഭാഷയുടെ UN അംഗീകാരത്തിന്റെ 50ാം വാർഷികത്തോടനുബന്ധിച്ച് അറബിക് അസംബ്ലി നടത്തി. അറബി ഭാഷയുടെ പ്രാധാന്യത്തെ കുറിച്ച് HM സംസാരിച്ചു. ഖദീജ ടീച്ചർ അറബി ഭാഷാദിന സന്ദേശം നൽകി. അറബി കാലിഗ്രഫി, ക്വിസ് മത്സരങ്ങൾ പോസ്റ്റർ പ്രദർശനംതുടങ്ങിയവ സംഘടിപ്പിച്ചു. വിവിധ രാജ്യങ്ങളിൽ നിന്നുള്ള അറബി സാഹിത്യകാരൻമാരെ കുറിച്ചുള്ള പോസ്റ്ററുകൾ അറബി ഭാഷയുടെ പ്രത്യേകതകൾ, പ്രാധാന്യം അറിയിക്കുന്ന പോസ്റ്ററുകൾ ,കുട്ടികൾ തയ്യാറാക്കിയ കാലിഗ്രഫി തുടങ്ങിയവയാണ് പ്രദർശനത്തിൽ ഉൾപ്പെടുത്തിയത് . അലിഫ് ക്ലബ് ഭാരവാഹികൾ മുഹമ്മദ് അദ്നാൻ, അഷ്ഹദ് എന്നിവർ പ്രദർശനത്തിന് നേതൃത്വം നൽകി.
-
World Arabic Day Speical Assembly
-
World Arabic Day Poster Exhibition
-
World Arabic Day Poster Exhibition
-
Arabic Calligraphy Competition
വിജയശ്രീ
പഠന പിന്തുണ ആവശ്യമായ കുട്ടികൾക്ക് വേണ്ട സഹായങ്ങൾ നല്കി കൊണ്ട് എസ് എസ് എൽ സി പരീക്ഷയിൽ മികച്ച വിജയശതമാനം കൈവരിക്കുക എന്ന ലക്ഷ്യത്തോടെ പാലക്കാട് ജില്ലാ പഞ്ചായത്തിന്റെ ആഭിമുഖ്യത്തിൽ നടത്തുന്ന പദ്ധതിയാണ് 'വിജയശ്രീ'. കഴിഞ്ഞ അഞ്ച് വർഷങ്ങളിൽ തുടർച്ചയായി നൂറു ശതമാനം വിജയം നേടാൻ കൂടല്ലൂർ ഗവൺമെന്റ് ഹൈസ്കൂളിലെ വിദ്യാർത്ഥികളെ പ്രാപ്തരാക്കാൻ ഈ പദ്ധതി ഏറെ സഹായകമായി. ഈ വർഷവും ജൂലൈ ആദ്യ വാരം തന്നെ വിജയശ്രീയുടെ ഭാഗമായി ഒരു മണിക്കൂർ വീതം ദൈർഘ്യമുള്ള പ്രഭാത ക്ലാസുകളും സായാഹ്ന ക്ലാസുകളും ആരംഭിച്ചു. ജനുവരി മാസം മുതൽ പഠനത്തിൽ കൂടുതൽ സഹായം ആവശ്യമുള്ള കുട്ടികൾക്കായി രാത്രി കാല ക്ലാസുകൾ ആരംഭിച്ചു. ഇതിൽ പങ്കെടുക്കുന്ന കുട്ടികൾക്ക് ലഘു ഭക്ഷണവും നല്കുന്നു. രക്ഷിതാക്കളും അധ്യാപകരും നാട്ടുകാരും സാസ്കാരിക ക്ലബ്ബുകളും മറ്റു അഭ്യുദയകാംക്ഷികളും പിടിഎയുടെ നേതൃത്വത്തിൽ ഇതിനുവേണ്ട സഹായങ്ങൾ നല്കുന്നു. നിരന്തരമായി നടത്തുന്ന യൂണിറ്റ് ടെസ്റ്റുകളും സീരീസ് ടെസ്റ്റുകളും കുട്ടികളെ പൊതുപരീക്ഷ എഴുതാൻ തയ്യാറാക്കുന്നു. പ്രയാസമുള്ള വിഷയങ്ങളുടെ പഠന സഹായികളും കുട്ടികൾക്ക് ഏറെ ഗുണം ചെയ്യുന്നു.
-
വിജയശ്രീ ക്ലാസിലെ കുട്ടികൾക്ക് ലഘുഭക്ഷണം വിതരണം ചെയ്യുന്നു
-
വിജയശ്രീ രാത്രി കാല ക്ലാസ്
USS പരിശീലനം
2023-24 അധ്യയന വർഷത്തെ USS പരിശീലനം 2023 നവംബർ ആദ്യ വാരം ആരംഭിച്ചു. എല്ലാ ദിവസവും സ്കൂൾ സമയത്തിന് ശേഷം ഒരു മണിക്കൂർ USS പരിശീലനം നൽകി.worksheet,unit test,weekly test എന്നിവ ഈ പരിശീലനത്തിൻ്റെ ഭാഗമായി നടത്തി.
പഠന യാത്ര
സയൻസ് ക്ലബിന്റെ ആഭിമുഖ്യത്തിൽ ഏഴാം ക്ലാസ്സിലെ വിദ്യാർത്ഥികൾക്ക് തവനൂർ കൃഷി വിജ്ഞാനകേന്ദ്രയിലേക്ക് പഠനയാത്ര സംഘടിപ്പിച്ചു. വിവിധ കായിക പ്രജനന രീതിയെ കുറിച്ചും കൃഷി രീതികളെ കുറിച്ചും പാഠപുസ്തകത്തിനു പുറത്തുള്ള അറിവ് അവർക്ക് നേരിട്ട് അനുഭവിക്കാനായി. തവനൂർ KMGUP സ്കൂളിലെ മിനി പ്ലാനട്ടോറിയം സന്ദർശനവും കുട്ടികൾക്ക് മികച്ച ദൃശ്യാനുഭവം സമ്മാനിച്ചു.
റിപ്പബ്ലിക് ദിനാഘോഷം
2023-24 അധ്യയന വർഷത്തെ റിപ്പബ്ലിക് ദിനം വിപുലമായി ആഘോഷിച്ചു. ഹെഡ്മിസ്ട്രസ്സ് ശകുന്തള ടീച്ചർ പതാക ഉയർത്തി. ശേഷം കഴിഞ്ഞ വർഷത്തെ വിവിധ മത്സര വിജയികളെ അനുമോദിച്ചു. കുട്ടികളുടെ വിവിധ കലാപ്രകടനങ്ങളും ആഘോഷത്തിന് മിഴിവേകി.
-
Badging ceremony of Class leaders @Republic Day
-
badging ceremoney of Class representatives
-
badging ceremony of class leaders
വിനോദ യാത്ര
ഈ വർഷത്തെ പത്താം ക്ലാസ്സ് വിദ്യാർഥികളുടെ വിനോദയാത്ര ഡിസംബർ 7,8 തീയതികളിൽ മൈസൂരുവിലേക്ക് സംഘടിപ്പിച്ചു. 5,6,7,8,9 ക്ലാസുകളിലെ കുട്ടികൾക്കായി ജനുവരിയിൽ ഊട്ടിയിലേക്ക് മറ്റൊരു വിനോദയാത്ര കൂടി ഈ വർഷം നടത്തി.
സയൻസ് ഫെസ്റ്റ്
സമഗ്ര ശിക്ഷ അഭിയാന്റെയും തൃത്താല ബി.ആർ.സി യുടെയും സഹകരണത്തോടെ സ്കൂൾ ശാസ്ത്ര ക്ലബ് സയൻസ്ഫെസ്റ്റ് സംഘടിപ്പിച്ചു. രാഷ്ട്രീയ ആവിഷ്ക്കാർ അഭിയാൻ പദ്ധതിയിൽ ഉൾപ്പെടുത്തി ശാസ്ത്ര പഠനം അന്വേഷണാത്മകവും പ്രവർത്തനാധിഷ്ഠിതവും ആക്കുന്നതിന്നുള്ള പ്രവർത്തനങ്ങളാണ് വിദ്യാർഥികൾ ഫെസ്റ്റിൽ അവതരിപ്പിച്ചത്. വാർഡ് മെമ്പർ ടി. സാലിഹ് ഫെസ്റ്റ് ഉദ്ഘാടനം ചെയ്തു. ബ്ലോക്ക് മെമ്പർ എം.ടി ഗീത സ്കൂൾ തല സയൻസ് ക്വിസ് വിജയികൾക്ക് സമ്മാനം വിതരണം ചെയ്തു. ഹെഡ്മിസ്ട്രസ് പി.ശകുന്തള, പി.ടി.എ പ്രസിഡൻറ് പി.എം അബ്ദുൾ ഷുക്കൂർ, എ.ടി രശ്മി, പി. എം ദീപ തുടങ്ങിയവർ സംസാരിച്ചു.
![](/images/thumb/e/e7/20062_sciencefest3.jpg/300px-20062_sciencefest3.jpg)
![](/images/thumb/3/3f/20062_sciencefest1.jpg/300px-20062_sciencefest1.jpg)
![](/images/thumb/9/9c/20062_sciencefest2.jpg/300px-20062_sciencefest2.jpg)
ലാബ് ഉദ്ഘാടനം
എൻലൈറ്റ് സമഗ്ര വിദ്യഭ്യാസ പദ്ധതി യുടെ ഭാഗമായി ബെവ്കോ പൊതു നന്മ ഫണ്ടിൽ നിന്നും 2022-23 വാർഷിക പദ്ധതിയിൽ ഉൾപ്പെടുത്തി സ്കൂളിൽ നിർമ്മിച്ച ലാബുകളുടെ ഉദ്ഘാടനം തദ്ദേശ സ്വയംഭരണ എക്സ്സൈസ് വകുപ്പ് മന്ത്രി എം. ബി രാജേഷ് നിർവ്വഹിച്ചു. പരിപാടിയിൽ സംസ്ഥാന മികവ് പുരസ്കാരസമർപ്പണവും സംസ്ഥാന ശാസ്ത്രമേള വിജയികളെ ആദരിക്കലും നടന്നു.
-
Science Lab Inauguration
-
Lab Inauguration By Minister
റേഡിയോ ദിനം
ഗവൺമെൻ്റ് ഹൈസ്ക്കൂൾ കൂടല്ലൂരിൽ ലോക റേഡിയോ ദിനവും റേഡിയോ കൂടല്ലൂരിൻ്റെ അഞ്ചാം വാർഷികവും ആഘോഷിച്ചു. ലോക റേഡിയോ ദിനത്തോടനുബന്ധിച്ച് വിവിധ മത്സരങ്ങൾ സ്കൂളിൽ സംഘടിപ്പിച്ചിരുന്നു. കേരള മീഡിയ അക്കാദമിയുടെ അഫിലിയേഷൻ സർട്ടിഫിക്കറ്റ് ഹെഡ്മിസ്ട്രസ് ശകുന്തള ടീച്ചർ മീഡിയ ക്ലബംഗങ്ങൾക്ക് കൈമാറി. ഈ അധ്യയന വർഷത്തിൽ റേഡിയോ കൂടല്ലൂരിൻ്റെ പ്രവർത്തനങ്ങൾക്ക് നേതൃത്വം നൽകിയ ജിജി ടീച്ചറെ മീഡിയ ക്ലബ് ആദരിച്ചു. ഈ അധ്യയന വർഷം റേഡിയോ കൂടല്ലൂരിൽ വാർത്താ അവതാരകരായ എൺപത് കുട്ടികൾക്ക് റേഡിയോ കൂടല്ലൂർ ഫ്രീഡം ബാഡ്ജ് നൽകി.
വീഡിയോ_കാണാം....
-
Radio Day 2024
ബഡിങ് റൈറ്റെഴ്സ് പദ്ധതി
കുട്ടികളുടെ സ്വതന്ത്ര രചനയെ പരിപോഷിപ്പിക്കുക എന്ന ലക്ഷ്യത്തോടെ ബഡിങ് റൈറ്റേഴ്സ് പദ്ധതിയുടെ ആഭിമുഖ്യത്തിൽ കഥായനം എന്ന പേരിൽ ശില്പശാല സംഘടിപ്പിച്ചു. എം.ടി രവീന്ദ്രൻ, സമദ് കൂടല്ലൂർ എന്നിവർ സംബന്ധിച്ച് സംസാരിച്ചു.
-
Kathayanam@Budding Writers]]
മാതൃഭാഷ ദിനം
ലോക മാതൃഭാഷാ ദിനത്തിൽ രാവിലെ ചേർന്ന അസംബ്ലിയിൽ വിദ്യാർഥികൾ മാതൃഭാഷാ ദിന പ്രതിജ്ഞ എടുത്തു. വിവിധ ക്ലാസുകൾ തയാറാക്കിയ ക്ലാസ് മാഗസിനുകളുടെ പ്രകാശനവും അസംബ്ലിയിൽ നടന്നു. ഉച്ചക്ക് മീഡിയ റൂമിൽ മലയാള ഭാഷ ശ്രേഷ്ഠ ഭാഷ സംവാദം സംഘടിപ്പിച്ചു. ഉച്ചക്ക് 3 മണിക്ക് റേഡിയോ കൂടല്ലൂർ സർഗ്ഗവേളയിലൂടെ ഓരോ ക്ലാസിൽ നിന്നും തെരഞ്ഞെടുത്ത വിദ്യാർഥികൾ മാതൃഭാഷാ ദിന പരിപാടികൾ അവതരിപ്പിച്ചു.
-
Samvadam
-
Class Magazine Preparation
-
Class Magazine @ Mathrbhasha Dinam
പോസിറ്റീവ് പേരെന്റ്റിംഗ്
എൻലൈറ്റ് സമഗ്ര വിദ്യാഭ്യാസ പദ്ധതി തൃത്താലയുടെ ഭാഗമായി രക്ഷാകർത്താക്കൾക്കുള്ള ബോധവൽക്കരണ ക്ലാസ് വാർഡ് മെംബർ ടി സാലിഹ് ഉദ്ഘാടനം ചെയ്യുന്നു. എൻലൈറ്റ് റിസോഴ്സ് പേഴ്സൺ സുമ ടീച്ചർ ക്ലാസ്സ് നയിച്ചു.
-
Enlight Samagra @Positive Parenting
-
Calss By Suma Teacher
-
Sadassil Ninn
കിളികളും കൂളാവട്ടെ
![](/images/thumb/1/17/20062_kilikalum_koolavate.jpg/300px-20062_kilikalum_koolavate.jpg)
ഈ വേനൽക്കാലത്തു സ്കൂളിലും വീടുകളിലും കിളികൾക്ക് ദാഹ ജലമൊരുക്കി കൂടല്ലൂരിലെ കുട്ടികൾ.വീടുകളിൽ കിളികൾക്ക് ദാഹ ജലമൊരുക്കിയവർക്ക് H M ശകുന്തള സമ്മാന വിതരണം നടത്തി.
എർത്ത് അവർ
ലോക ഭൗമ ദിനത്തോട് അനുബന്ധിച്ച് മീഡിയ ക്ലബ് സംഘടിപ്പിച്ച ബോധവൽക്കരണ ക്ലാസ്സിൽ 'ഭൗമ മണിക്കൂറിന്റെ പ്രാധാന്യം' എന്ന വിഷയത്തിൽ സ്കൂൾ ഹരിതസേന കോർഡിനേറ്റർ Dr. വിമൽ കുമാർ ക്ലാസ്സ് എടുത്തു.അന്നേ ദിവസം രാത്രി 8:30 മുതൽ 9:30 വരെ വിളക്കുകളെല്ലാം അണച്ച് കുട്ടികൾ ഭൗമ മണിക്കൂറിൽ പങ്കാളികളാവുകയും അവരുടെ അനുഭവങ്ങൾ പങ്കു വെക്കുകയും ചെയ്തു.
-
Earth Day Class By Vimal Sir
-
A token of gratitude to Vimal Sir
കുട്ടികളുടെ അനുഭവങ്ങൾ
ആര്യനന്ദ എം പി 9ബി
ഞാൻ ആര്യനന്ദ MP 9B.
ഭൂമിക്ക് വേണ്ടി ചെയ്ത ഇത്തരമൊരു പ്രവർത്തിയുടെ ഭാഗമാവാൻ കഴിഞ്ഞതിൽ ഏറെ അഭിമാനിക്കുന്നു. ഞാനും അച്ഛനും അമ്മയും അനിയനും ഒരു മണിക്കൂർ ടെറസിൽ പോയി ഇരുന്ന് സംസാരിച്ചു. നല്ല നിലാവും ഉണ്ടായിരുന്നു അടുത്ത വീടുകളിൽ ഇതൊന്നും അറിഞ്ഞിരുന്നില്ല. ഇത്തരം കാര്യങ്ങളിൽ എന്റെ സഹപാഠികൾ ബോധവാന്മാരല്ലാത്തത് ചെറിയ വേദന ഉണ്ടാക്കി. ഇതിനെപ്പറ്റി അവരോട് പറഞ്ഞിരുന്നെങ്കിലും അവരൊന്നും പങ്കെടുത്തില്ല. മണ്ണെണ്ണ വിളക്ക് കത്തിച്ചു വച്ച് പാഠങ്ങൾ പഠിച്ചിരുന്ന കാലം അമ്മയും അച്ഛനും പറഞ്ഞു തന്നു. ലൈറ്റുകളും . ഫാനുകളും ഇലക്ടിക്ക് ഉപകരണങ്ങളും തിങ്ങി നിറഞ്ഞ ഈ ലോകത്ത് ഭൂമിക്കായി നമുക്ക് ചെയ്യാൻ കഴിയുന്ന ഇത്തരം പ്രവർത്തികൾ തുടർന്നും പ്രതീക്ഷിക്കുന്നു. റേഡിയോ കൂടല്ലൂരിന്റെ പ്രവർത്തകർക്ക് നിറഞ്ഞ സ്നേഹവും നന്ദിയും അറിയിക്കുന്നു.
വൈഗ മനോജ് 8ബി
നമസ്കാരം,
ഞാൻ വൈഗ മനോജ്. ഒരു മണിക്കൂർ വൈദ്യുതി അണച്ചു വെക്കുക ഒരു ബുദ്ധിമുട്ടായി തോന്നിയെങ്കിലും ഇപ്രാവശ്യത്തെ എർത്തവർ ആഘോഷിക്കാൻ ഞാനും പങ്കാളിയായി. മെഴുകുതിരി ചോട്ടിൽ ഞങ്ങൾ നാലുപേരും കഥകൾ പറഞ്ഞിരുന്നു.മെഴുകുതിരി നാളത്തിലൂടെ വട്ടംചുറ്റി നടക്കുന്ന ചെറുപ്രാണികളും ഉണ്ടായിരുന്നു. പണ്ടുകാലത്ത് വൈദ്യുതിയില്ലാതെ മണ്ണെണ്ണവിളക്കിന്റെ വെളിച്ചത്തിന്റെ സഹായത്താൽ പഠിക്കണതും, പാളവീശറിയുടെ മഹത്വം പറഞ്ഞും,പവർകട്ടിക്കുറിച്ചും പറഞ്ഞും അവരുടെ പഴയകാല ഓർമ്മകളിലേക്ക് ഞങ്ങളെ കൊണ്ടുപോയി. പാടത്തുനിന്നുള്ള കാറ്റുള്ളതുകൊണ്ട് ചൂട് എടുക്കലൊന്നും വിഷയമേ അല്ലായിരുന്നു. പിന്നെ ചുറ്റുള്ള വീടുകളിലൊന്നും ഇതിന്റെ പ്രാധാന്യം അറിയാഞ്ഞിട്ടാന്നാ തോന്നുന്നെ ആരും ലൈറ്റൊന്നും ഓഫ് ആക്കിയിട്ടുണ്ടായിരുന്നില്ല. എന്തായാലും നല്ലൊരു അനുഭവമായിരുന്നു എർത്തവർ. ഇതൊന്നും നമുക്ക് ഒരു ബുദ്ധിമുട്ടായി തോന്നേണ്ട ആവശ്യമൊന്നുമില്ല. നമ്മളെ കാത്തുസൂക്ഷിക്കുന്ന ഭൂമിയെ പിന്നെ ആര് സംരക്ഷിക്കാനാ ? നമുക്ക് ഏറെ സന്തോഷം തരുന്ന സമയങ്ങളും ദിവസങ്ങളുമൊക്കെ പെട്ടെന്ന് കടന്നു പോകും. അതുപോലെ ഞങ്ങടെ ഇപ്രാവശ്യത്തെ എർത്തവർ അങ്ങനെ കടന്നു പോയി.
ഭൂമിയ്ക്കായ് ഒരു മണിക്കൂർ - ആദിത്യ രാജേഷ് 6എ
ഭൗമമണിക്കൂർ ആചരിക്കുന്നതിനെക്കുറിച്ച് അറിഞ്ഞപ്പോൾ ആദ്യം എനിക്ക് ഒന്നും മനസ്സിലായില്ല .എല്ലാ ലൈറ്റുകളും ഓഫ് ആക്കി മെഴുകുതിരി വെട്ടത്തിൽ ഒരു മണിക്കൂർ ഇരിക്കുന്നതിനെപ്പറ്റി ആലോചിച്ചപ്പോൾ രസകരമായി തോന്നി. എൻറെ വീട്ടിൽ കറണ്ട് പോകാറില്ല .ഇൻവർട്ടർ ഉണ്ട്.അതുകൊണ്ടു തന്നെ അയൽവീടുകളും സ്ട്രീറ്റ് ലൈറ്റും അണഞ്ഞാലും എനിക്ക് ഇരുട്ട് അനുഭവപ്പെടാറില്ല .ഭൗമ മണിക്കൂർ ആചരിക്കുന്നതിനെപ്പറ്റി വീട്ടിൽ പറഞ്ഞപ്പോൾ എല്ലാവർക്കും സമ്മതം. 8 മണി ആയപ്പോൾ തന്നെ എല്ലാ ലൈറ്റും അണച്ച് ഞങ്ങൾ ഉമ്മറത്തിരുന്നു .ഞാനും അനിയത്തിയും അമ്മയും കൂടി വേഡ് ഗെയിം കളിച്ചു .ഒരുപാട് സംസാരിച്ചു .അമ്മയുടെ ചെറുപ്പകാലത്ത് റാന്തൽ വിളക്കിലിരുന്ന് പഠിച്ചിരുന്നതിനെപ്പറ്റിയും പിന്നീട് കറൻറ് വന്നപ്പോൾ സന്തോഷം പങ്കിട്ടതും എല്ലാം പറഞ്ഞു കേട്ടപ്പോൾ എനിക്ക് വളരെ രസകരമായി തോന്നി. ആനക്കര പഞ്ചായത്തിൽ ആദ്യമായി കറണ്ട് വന്നപ്പോൾ പഞ്ചായത്ത് ഓഫീസിന് ചുറ്റും ബൾബ് ഇട്ടിരുന്നതായി മുത്തശ്ശൻ പറഞ്ഞു. അന്ന് ആ കാഴ്ച കാണാനായി ഏകദേശം പത്തു വയസ്സുള്ള എൻറെ മുത്തശ്ശനും മുത്തശ്ശന്റെ അച്ഛനും കൂടി പോയിരുന്നത്രേ. അവിടെ നിന്ന് തിരിച്ചു വീട്ടിലേക്ക് പോരുമ്പോൾ ആ ബൾബിൽ നിന്ന് ഒരെണ്ണം കിട്ടിയാൽ കണ്ണ് കണ്ടു പോകായിരുന്നു എന്ന് മുതുമുത്തശ്ശൻ പറഞ്ഞിരുന്നു എന്നത് ചിരിയോടെ മുത്തശ്ശൻ പറഞ്ഞത് കേട്ട് ഞങ്ങളെല്ലാവരും ചിരിച്ചു. ആ കാലത്തിൽ നിന്ന് നമ്മുടെ നാട് എത്രമാത്രം മാറി എന്ന് ചിന്തിച്ചപ്പോൾ എനിക്ക് അതിശയം തോന്നി. മുത്തശ്ശനും അമ്മമ്മയും ഞാനും അനിയത്തിയും അമ്മയും കൂടി ഇത്രയും സമയം ഒരുമിച്ചിരുന്ന് സംസാരിച്ചത് ഈ അടുത്തകാലത്തൊന്നും ഉണ്ടായിട്ടില്ല എന്നത് ഓർത്തപ്പോൾ അത്ഭുതം തോന്നി. ടിവിയും അടുക്കളയിലെ തിരക്കുകളും പഠനവും എല്ലാം കുറച്ച് സമയം ഒഴിഞ്ഞുനിന്ന് മുഴുവൻ ചിരിയും കളിയും കാര്യങ്ങളും കൊണ്ട് നിറഞ്ഞു . ഭൂമിയിലെ വിഭവങ്ങൾ നമ്മൾ ഉപയോഗിക്കുന്നത് പോലെ നമ്മുടെ വരും തലമുറയ്ക്കും ഉപയോഗിക്കാനായി കരുതിവെയ് ക്കണമെന്ന ആശയത്തോട് നീതിപുലർത്താൻ ആയതിൽ എനിക്ക് അഭിമാനം തോന്നി. എല്ലാദിവസവും ഒരു എർത്ത് അവർ ആചരിക്കുന്നതിനെപ്പറ്റിയാണ് ഞാനിപ്പോൾ ചിന്തിക്കുന്നത്.😊
സ്കൂൾവിക്കി QR കോഡ് പ്രകാശനം
-
Scan Me QR Code
-
QR code Prakasanam
-
School Wiki QR Code