"എ.യു.പി.എസ്. വേങ്ങേരി." എന്ന താളിന്റെ പതിപ്പുകൾ തമ്മിലുള്ള വ്യത്യാസം

കോഴിക്കോട് പട്ടണത്തിൽ നിന്നും സുമാർ 7 കി .മി വടക്കു മാറി സ്ഥിതി ചെയ്യുന്ന വിദ്യാലയ മാണ് വേങ്ങേരി യു പി സ്കൂൾ .ഒരു നൂറ്റാണ്ടിന്റെ ചരിത്രം വീണുറങ്ങുന്ന വിദ്യാലയമാണിത് .മുമ്പത്തെ വേങ്ങേരി അംശത്തിൽ 1905 -ൽ സ്ഥാപിച്ച ഈ വിദ്യാലയം ,മധുരക്കണ്ടി ആണ്ടിക്കുട്ടി എന്നവർ ഒരു എഴുത്തു പള്ളിക്കൂടമായി ആരംഭിച്ചു .ഈ കാലഘട്ടത്തിൽ തന്നെ യാണ് വേങ്ങേരി അംശത്തിൽ വിദ്യാലയങ്ങളായി വരതൂർ ജി എൽ  പി  സ്കൂളും പ്രവർത്തനം ആരംഭിച്ചത് .വര്ഷങ്ങള്ക്കു ശേഷം ഇത്‌ വേങ്ങേരി തണ്ണീർപന്തൽ ജംഗ്ഷന് കിഴക്കു ഭാഗത്തു വാളങ്ങാട്ടു പറമ്പിലേക്ക് മാറ്റുകയുണ്ടായി .പിന്നീട് 1940 ൽ ഈ വിദ്യാലയം ഇന്ന് വേങ്ങേരി യു പി സ്കൂൾ നിൽക്കുന്ന കോംപൗണ്ടിന് മുൻപിൽ കോഴിക്കോട് ബാലുശ്ശേരി റോഡിനു കിഴക്കു ചെമ്പലംപറമ്പിലേക്ക് മാറ്റി .ഒരു എലിമെന്ററി സ്കൂളായി പ്രവർത്തനം തുടർന്നു.അവിടെയാണ് മാനേജർ ആണ്ടിക്കുട്ടി എന്നവരുടെ മകൻ ഭാനുമാസ്റ്ററും ,ഞാറക്കാട്ടു അപ്പുമാസ്റ്ററും ,മധുരക്കണ്ടി ജനാർദ്ദനൻ മാസ്റ്ററും അധ്യാപകരായി പ്രവർത്തിച്ചിരുന്നത് .1946 ൽ മധുരക്കണ്ടി ഭാനുമാസ്റ്റർ സ്കൂളിന്റെ മാനേജറായി നിശ്ചയിക്കപ്പെടുകയും ,1949 -50 ൽ ഈ വിദ്യാലയത്തെ എട്ടാം ക്ലാസ് വരെയുള്ള ഹയർ എലിമെന്ററി സ്കൂൾ ആയി അപ്ഗ്രേഡ് ചെയ്യുകയും ചെയ്തു .പിന്നീട് അമ്പതുകളുടെ അവസാനത്തിൽ ഹയർ എലിമെന്ററി സ്കൂൾ എന്ന പേരിനു പകരം ഏഴാം സ്റ്റാൻഡേർഡ് വരെയുള്ള അപ്പർ പ്രൈമറി സ്കൂൾ എന്നാക്കി പുതിയ വിദ്യാഭ്യാസ നിയമം സർക്കാർ പ്രഖ്യാപിച്ചു .ഈ കാലഘട്ടത്തിൽ സ്കൂളിൽ 29 ഓളം ഡിവിഷനുകൾ പ്രവർത്തിച്ചിരുന്നു .35 അധ്യാപകരും ഇവിടെ ജോലി ചെയ്തിരുന്നു .

വേങ്ങേരി നാടിൻെറ ചരിത്രം പരിശോധിച്ചാൽ ഈ സ്കൂളിൻെറ തിരുമുറ്റത്ത് നിന്നും അറിവിൻെറ ആദ്യാക്ഷരങ്ങൾ നുകർന്നുപോയ നിരവധി ആളുകളെ നമ്മൾക്ക് കാണാം .അവരിലേറെ പേരും പിന്നീട് രാഷ്ട്രീയ -സാമൂഹ്യ -സാംസ്‌കാരിക രംഗത്ത് പ്രശസ്തരാവുകയും ചെയ്തിട്ടുണ്ട് .

==ഭൗതികസൗകരൃങ്ങൾ==