"നേതാജി ഹയർ സെക്കണ്ടറി സ്ക്കൂൾ, പ്രമാടം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

'''ജൂൺ'''

ജൂൺ 12, ലോക ബാലവേലവിരുദ്ധ ദിനമാണ്. കുട്ടികളുടെ ശാരീരികവും മാനസികവുമായ വികാസത്തെ തടസ്സപ്പെടുത്തുന്നതും വിദ്യാഭ്യാസം, വിനോദം, വിശ്രമം, സന്തോഷപ്രദമായ കുടുംബാന്തരീക്ഷത്തിൽ വളരാനുള്ള അവസരം തുടങ്ങിയ ബാലാവകാശങ്ങൾ പൂർണമായി ലംഘിക്കുന്നതുമായ സാമൂഹികവിപത്താണ് ബാലവേല. ഇതിന്റെ ഭാഗമായി കുട്ടികൾക്ക് വേണ്ട ബോധവത്കരണ online ക്ലാസ്സുകൾ നടത്തി.

June 19: ഗ്രന്ഥശാലാസംഘത്തിൻറെ സ്ഥാപകനായ പി.എൻ. പണിക്കർ മലയാളികൾക്ക് വായനയുടെ വഴികാട്ടിയാണ്. അദേഹത്തിൻറെ ചരമദിനമായ ജൂൺ 19 വായനാദിനമായി ആചരിക്കുന്നത്. ഇതോടനുബന്ധിച്ച് ഒരാഴ്ച വായനാ 19 മുതൽ 25 വരെ വായനാവാരമായി ആചരിച്ചു. വായനാ വാരത്തോടനുബന്ധിച്ച് ഓൺലൈൻ മീറ്റിംഗിലൂടെ വി. എൻ പണിക്കരുടെ  സന്ദേശമായ വായിച്ചുവളരുക എന്ന പ്രതിജ്ഞ കുട്ടികൾക്ക്    ഹെഡ് മാസ്റ്റർ ചൊല്ലി കൊടുക്കുകയും വായനയുടെ പ്രാധാന്യത്തെ കുറിച്ച് കുട്ടികളിൽ അവബോധം സൃഷ്ടിക്കുകയും ചെയ്തിരുന്നു. സ്കൂളുകളിൽ അധ്യാപകരെ ആദരിക്കുന്ന ഗുരുവന്ദന ചടങ്ങും നടന്നിരുന്നു.

'''ജൂലൈ'''

ജൂലൈ 5 ബഷീർ അനുസ്മരണം ( ചരമദിനം).

നേതാജി സ്കൂളിലെ വിവിധ ക്ലാസ് കളിലെ വാട്ട്സ് അപ്പ് കൂട്ടായ്മയിൽ മലയാളം അധ്യാപകരുടെ നേതൃത്വത്തിൽ ബഷീർ അനുസ്മരണം നടത്തി. ബഷീർ കൃതികളെ പരിചയപ്പെടുത്തൽ, അദ്ദേഹത്തിൻ്റെ ഭാഷാശൈലിയുടെ പ്രത്യേകതകൾ അടിസ്ഥാനമാക്കിയുള്ള കുട്ടികളുടെ പ്രസംഗം, വായനാ കുറിപ്പ് തയ്യാറാക്കൽ, ചിത്രരചന, ക്വിസ് മത്സരം എന്നിവ നടന്നു.കൂടാതെ 9-ാം ക്ലാസിലെ കുട്ടികൾക്ക് പഠിക്കാനുള്ള ബഷീറിൻ്റെ ഓർമ്മക്കുറിപ്പായ അമ്മ എന്നപാഠത്തെ അടിസ്ഥാനമാക്കി മലയാള അദ്ധ്യാപകനായ മനോജ് സുനിസാർ നാടകീയ ശബ്ദരേഖ തയ്യാറാക്കി ആവിഷ്ക്കരിച്ചു .

ജൂലൈ 26-കാർഗിൽ വിജയ ദിനം. സോഷ്യൽ സയൻസ് അദ്ധ്യാപകരുടെ നേതൃത്വത്തിൽ കുട്ടികൾ യുദ്ധവിരുദ്ധ പ്രതിജ്ഞ, സന്ദേശം അടങ്ങിയ പോസ്റ്റർ, പ്ലക്കാർഡ് ഇവതയ്യാറാക്കി ക്ലാസ്സ്‌ ഗ്രൂപ്പുകളിൽ പോസ്റ്റ്‌ ചെയ്തു.                 

ജൂലൈ 27-അബ്ദുൾ കലാം ചരമ ദിനം. 8,9ക്ലാസ്സിലെ കുട്ടികൾ അബ്ദുൾ കലാമിന്റെ ജീവചരിത്രകുറിപ്പ്, അദ്ദേഹത്തിന്റെ മഹത് വചനങ്ങൾ രേഖപ്പെടുത്തിയ പ്ലക്കാർഡ് എന്നിവ തയ്യാറാക്കി ക്ലാസ്സ്‌ ഗ്രൂപ്പിൽ പോസ്റ്റ്‌ ചെയ്തു.

'''സെപ്റ്റംബർ'''

സെപ്റ്റംബർ 5- ദേശീയ അദ്ധ്യാപക ദിനം : ദേശീയ അദ്ധ്യാപക ദിനത്തിൻ്റെ ഭാഗമായി കുട്ടികൾ വാട്സാപ്പ് ഗ്രൂപ്പ് വഴി സന്ദേശങ്ങൾ അയക്കുകയും ഗ്രീറ്റിംഗ് കാർഡുകൾ നിർമ്മിക്കുകയും ഓൺലൈനായി പ്രസംഗങ്ങൾ തയ്യാറാക്കി അവതരിപ്പിക്കുകയും ചെയ്തു. കുട്ടികൾ അദ്ധ്യാപകരുടെ ഫോട്ടോകൾ ഉൾക്കൊള്ളിച്ചുകൊണ്ടുള്ള വീഡിയോകൾ തയ്യാറാക്കി ഗ്രൂപ്പിൽ ഇടുകയും ചെയ്തു.  

സെപ്റ്റംബർ 8- ലോക സാക്ഷരതാ ദിനം: ലോക സാക്ഷരതാ ദിനത്തിൻ്റെ പ്രാധാന്യം ഉൾക്കൊള്ളിച്ചുകൊണ്ടുള്ള സന്ദേശങ്ങൾ ഗ്രൂപ്പിൽ കൈമാറി.  

'''ഒക്ടോബർ'''

ഒക്ടോബർ 2  - ഗാന്ധിജയന്തി  : ഇന്ത്യയുടെ രാഷ്ട്രപിതാവായ മഹാത്മാഗാന്ധിയുടെ ജന്മദിനമായ ഒക്ടോബർ 2 ദേശീയ സേവാദിനമായും അന്താരാഷ്ട്ര അഹിംസാ ദിനമായും ആചരിക്കുന്നു. ഗാന്ധിജയന്തി ദിനാഘോഷത്തിൻ്റെ ഭാഗമായി ക്വിസ് മത്സരം, പ്രസംഗ മത്സരം, പോസ്റ്റർ നിർമ്മാണം ഇവ ഓൺലൈനായി സംഘടിപ്പിച്ചു.കുട്ടികൾ മത്സരങ്ങളിൽ സജീവമായി പങ്കെടുത്തു.ഗാന്ധി സൂക്തങ്ങൾ കുട്ടികളുടെ വാട്സ് ആപ്പ് കൂട്ടായ്മകളിൽ അയച്ചു.

ഒക്ടോബർ 4 - 10 ബഹിരാകാശ വാരം : ഒക്ടോബർ 4 മുതൽ 10 വരെ ബഹിരാകാശ വാരമായി ആചരിക്കുന്നു . അതിൻ്റെ ഭാഗമായി ഐ.എസ്.ആർ.ഒ യുടെ നേതൃത്വത്തിൽ 'റീച്ച് ഔട്ട് റ്റു സ്റ്റുഡൻ്റ്സ് ' എന്ന പേരിൽ നടത്തിയ ഓൺലൈൻ പരിപാടിയിൽ നമ്മുടെ സ്കൂളിലെ കുട്ടികൾ പങ്കെടുത്തു. റോക്കറ്റ് നിർമ്മാണം, വിക്ഷേപണം, പ്രവർത്തനം എന്നീ വിഷയങ്ങളിൽ പ്രഗത്ഭരായ ശാസ്ത്രജ്ഞന്മാരുടെ ഓൺലൈൻ ക്ലാസുകൾ കുട്ടികൾക്ക് വിജ്ഞാനപ്രദവും ചിന്തോദ്വീപകവുമായിരുന്നു. ഐ.എസ്.ആർ.ഒ.യുടെ നേതൃത്വത്തിൽ നടത്തിയ ക്വിസ് മത്സരത്തിൽ നമ്മുടെ സ്കൂളിലെ കുട്ടികൾ പങ്കെടുത്തു.

'''നവംബർ'''

നവംബർ 14, ശിശുദിനം - ചാച്ചാജി യുടെ ജന്മദിനം -ശിശു ദിനം ആയി നാം ആചാരിക്കുന്നു. ശിശുദിന ത്തോട് അനുബന്ധിച്ചു സ്കൂൾ തലത്തിൽ കഥ രചന, കവിത രചന, ചിത്രരചന, പ്രസംഗം, stamp design എന്നീ മത്സരങ്ങൾ നടത്തി വിജയികളെ കണ്ടെത്തി.