എസ്.എൻ.ഡി.പി.എച്ച്.എസ്എസ്. ഉദയംപേരൂർ/അക്ഷരവൃക്ഷം/വിഷുക്കണി

{

' വിഷുക്കണി"       പിന്നെയും ഒരു വിഷുക്കാലമെൻ കണ്മുന്നിൽ മഞ്ഞച്ചിരിയുമായ് കടന്നുപോയി ഇതുവരെ തോന്നാതിരുന്നൊരു നൊമ്പരം ഇന്നെന്റെ ഹൃത്തിൽ - കിനിഞ്ഞിടുന്നു ഒരു തരി കണിക്കൊന്ന പൂവിനായ് ഞാൻ എവിടൊക്കെ ഓടിനടന്നുവെന്നോ? ആർക്കും പൂവില്ലാ, കണിവെയ്ക്കുവാൻ, കൊന്നമരവുമൊട്ടെങ്ങുമേ  കാൺമതില്ല കാശുകൊടുത്താലും, പൂവില്ല വാങ്ങുവാൻ ആരാനു മുള്ളതോ കൊണ്ടുപോയി മേടപ്പുലരിയിൽ പൂക്കേണ്ട കൊന്നകൾ കാലത്തിൻ മുന്നേ പൂത്തുവിടർന്നു കൊഴിഞ്ഞുപോയി കൊന്നപ്പൂവില്ലാതെ കണിവെയ്ക്കുവതെങ്ങനെയെ - ന്നൊരു വേവലാതി എല്ലാം കണ്ണൻ  പൊറുക്കുമെന്നാശിച്ച് മഞ്ഞ കോളാമ്പി കൊണ്ടൊരു മാലകെട്ടി പുലരിയിൽ കണികണ്ടു തൊഴുതിടുമെന്നോട് ഉണ്ണിക്കണ്ണനൊരു പരിഭവം പോലെ തോന്നി പരിഭവമല്ലത്, പരിഹാസമാണെന്ന് നിമിഷനേരം കൊണ്ടേ ഞാനറിഞ്ഞു മരമൊരുവരമാണ് , താങ്ങാണ്, തണലാണ്, പ്രകൃതിയോ നിന്റെ അമ്മയല്ലേ മുൻപേ നടന്നവർ നട്ടമരങ്ങളല്ലേ പിൻപേ നടന്നോർക്ക് തണലായിടുന്നത് ഇതാണ് സത്യം, ഇതൊരു പ്രപഞ്ചസത്യം. ശ്രീര‍ഞ്ജിനി രാജീവ് 8B എസ്.എൻ.ഡി.പി.എച്ച്.എസ്.എസ് തൃപ്പൂണിത്തുറ ഉപജില്ല എറണാകുളം അക്ഷരവൃക്ഷം പദ്ധതി, 2020 കവിത