എസ്സ് എൻ യു പി എസ്സ് തേവലക്കാട്/അക്ഷരവൃക്ഷം/ വിഡ്ഢികളായ പൂച്ചകൾ

വിഡ്ഢികളായ പൂച്ചകൾ ഒരിക്കൽ ഒരു നാട്ടിൽ രണ്ടു പൂച്ചകൾ താമസിച്ചിരുന്നു. മാലുവും ചിഞ്ചുവും. മഹാ കൊതിച്ചികളായിരുന്നു അവർ. ഒരു ദിവസം മാലതി മുത്തശ്ശി അച്ചപ്പം ചുട്ടു. മാലുവിനും ചിഞ്ചുവിനും ഓരോന്നു കൊടുത്തു. രണ്ടുപേരും അച്ചപ്പം കഴിക്കാൻ തുടങ്ങുകയായിരുന്നു. ഈ കാഴ്ച ദാമു പട്ടി കണ്ടു. ദാമു അവരോട് പറഞ്ഞു. "ഹായ് കൂട്ടുകാരെ നിങ്ങൾ അച്ചപ്പം കഴിക്കുകയാണോ? അതിനുമുമ്പ് ഞാനൊരു കാര്യം പറയാം. ആ പാലത്തിനു സമീപം കുറച്ചു മീൻ കിടക്കുന്നുണ്ട്. പകുതി മീൻ ഞാൻ കഴിച്ചു. എനിക്ക് വയറുനിറഞ്ഞു. പകുതി മീൻ നിങ്ങൾക്ക് വച്ചിട്ടുണ്ട് . നിങ്ങൾക്ക് വേണമെങ്കിൽ പോയി കഴിക്കു". "എന്നാ ഞങ്ങൾ പോകുന്നു. നിനക്ക് വേണമെങ്കിൽ ഈ അച്ചപ്പം കഴിച്ചോളൂ " പൂച്ചകൾ പറഞ്ഞു. പൂച്ചകൾ പാലത്തിൽ എത്തി. പക്ഷെ അവിടെയൊന്നും മീൻ കണ്ടില്ല. മരത്തിൽ ഇരുന്ന കോശി കാക്ക പൂച്ചകളോട് പറഞ്ഞു . "നിങ്ങൾ വിഡ്ഢികൾ തന്നെ. ദാമു നിങ്ങളെ പറ്റിച്ചു." നാണംകെട്ട പൂച്ചകൾ അവിടെ നിന്ന് ഓടിപ്പോയി. വർഷ V. S 6 D എസ്. എൻ. യു. പി. എസ്. തേവലക്കാട് കിളിമാനൂർ ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Kannankollam തീയ്യതി: 15/ 04/ 2020 >> രചനാവിഭാഗം - {{{തരം}}} [[Category:അക്ഷരവൃക്ഷം 2020 പദ്ധതിയിൽ പരിശോധിച്ച {{{തരം}}}]]