"എം.ജെ.എച്ച്. എസ്സ്.എസ്സ്. എളേറ്റിൽ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സ്വാതന്ത്ര്യ സമര ചരിത്രത്തില്‍ വീരേതിഹാസമായിരുന്ന മുഹമ്മദലി ജൗഹറിന്‍റെ പവിത്രമായ നാമധേയത്തില്‍ 1979 ജൂണ്‍ 26 ന് ഈ വിദ്യാലയം സ്ഥാപിതമായി. പി.പി. അബ്ദുറഹിമാന്‍ മാസ്റ്ററുടെ നേതൃത്വത്തില്‍ രൂപീകൃതമായ  മുസ്ലിം എഡ്യുക്കേഷനല്‍ കള്‍ച്ചറല്‍ ആന്‍ഡ് ചാരിറ്റബിള്‍ അസോസിയേഷന്‍(MECCA )എന്ന സംഘടനയുടെ കീഴിലാണ്  ഈ വിദ്യാലയം സ്ഥാപിതമായത്. ജനാബ് സി.എച്ച്. മുഹമ്മദ് കോയ സാഹിബ് വിദ്യാഭ്യാസ മന്ത്രി ആയിരിക്കെ ആണ് ഈ വിദ്യാലയം അനുവദിച്ചത്.  ഒപ്പം അന്നത്തെ സ്ഥലം എം.എല്‍.എ ആയ ഇ. അഹമ്മദ് സാഹിബിന്‍റെ സഹായവും ലഭിച്ചു.  മുതുവാട്ടുശ്ശേരി അബൂബക്കര്‍ ഹാജിയാണ് സ്ക്കൂള്‍ പണിയുന്നതിനാവശ്യമായ സ്ഥലം നല്‍കിയത്.  ഏ.കെ അബൂബക്കര്‍ മാസ്റ്ററായിരുന്നു ആദ്യ പ്രധാന അദ്ധ്യാപകന്‍. പിന്നീട് എ.കെ മൊയ്തീന്‍മാസ്റ്റര്‍, കെ അബ്ദുള്ളാ യൂസുഫ് മാസ്റ്റര്‍, ടി. മുഹമ്മദ് മാസ്റ്റര്‍ എന്നിവര്‍ പ്രധാനധ്യാപകരായി.  ഇപ്പോള്‍ സ്ഥാപനത്തിന്‍റെ പ്രധാന അധ്യാപകന്‍റെ ചുമതല വഹിക്കുന്നത് '''കെ. അബ്ദുല്‍ ഖാദര്‍ മാസ്റ്റര്‍''' ആണ്. ഇപ്പോള്‍ നിലവിലുള്ള പ്രധാന കെട്ടിടം നിര്‍മിക്കപ്പെട്ടു. 2000-ത്തില്‍ ഈ വിദ്യാലയം ഹയര്‍ സെക്കണ്ടറി വിദ്യാലയമായി ഉയര്‍ത്തപ്പെട്ടു.

മൂന്ന് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 2കെട്ടിടങ്ങളിലായി 47ക്ലാസ് മുറികളും ഹയര്‍ സെക്കണ്ടറിക്ക് ഒരു കെട്ടിടത്തിലായി 8 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.