ജി എച്ച് എസ് എസ് വാടാനാംകുറുശ്ശി/വിദ്യാരംഗം‌-17

വിദ്യാരംഗം‌ വിദ്യാരംഗത്തിന്റെ പ്രവർത്തനങ്ങൾ വിദ്യാർത്ഥികളുടെ നൈസർഗികമായ വാസനകളെ പരിപോഷിപ്പിക്കുന്നതിനും കുട്ടികളിൽ വായനാശീലം ആഴപ്പെടുന്നതിനും ഉതകുന്നു. വിദ്യാരംഗം യൂണിറ്റ് ഒട്ടേറെ പ്രവർത്തനങ്ങൾ ചെയ്യുന്നു എന്നത് അഭിമാനകരമായ നേട്ടം തന്നെയാണ്.വിദ്യാർത്ഥികളിൽ സാഹിത്യാഭിരുചി വളർത്തുന്നതിനും പരിപോഷിപ്പിക്കുന്നതിനുമാണ് വിദ്യാരംഗം സാഹിത്യ വേദി പ്രാധാന്യം കൊടുക്കുന്നത്. വിവിധ സാഹിത്യ രൂപങ്ങൾ പരിചയപ്പെടാനും ആശയങ്ങൾ ചർച്ച ചെയ്യുന്നതിനുമുള്ള അവസരങ്ങൾ ഒരുക്കിക്കൊടുക്കകയാണ് വിദ്യാരംഗത്തിന്റെ ഉദ്ദേശ്യലക്ഷ്യങ്ങൾ സ്‍ക‍ൂൾ തലപ്രവർത്തനങ്ങൾ ജലായ് 5 -ബഷീർ ദിനം - ബഷീർ എന്ന സാഹിത്യകാരനെ കൃതികളിലൂടെ പരിചയപ്പെടുത്തുന്ന പഠനപ്രവർത്തനങ്ങൾ ക്ലാസ്സ് തലത്തിൽ സംഘടിപ്പിച്ച് മികച്ചവ പ്രദർശനത്തിനൊരുക്കുകയും ചെയ്തു. പാത്തുമ്മയുടെ ആട് എന്ന കൃതിയിലെ ഒരു സന്ദർഭത്തെ വരയിലൂടെ ആവിഷ്ക്കരിച്ച് അവ പ്രദർശിപ്പിച്ചു.ബഷീർ കൃതികളുടെ പ്രദർശനം,ക്വിസ്,നാsകാവതരണം എന്നിവ നടത്തി. ജൂൺ 19- വായനാദിനം.- വായനാദിനത്തോടനുബന്ധിച്ച് സ്ക്കൂൾ അസംബ്ലിയിൽ കവിതാവതരണം നടത്തി. ഓരോ ക്ലാസ്സിലും ലൈബ്രറി തുടങ്ങി. ലൈബ്രേറിയനെ കണ്ടെത്തി .വായിച്ച പുസ്തകങ്ങളെക്കുറിച്ച് പതിപ്പു തയ്യാറാക്കി പ്രകാശനം നടത്തി. ചെറുകാട് വയലാർ അനുസ്മരണം- പ്രശസ്ത കവി വയലാറിനെയും നോവലിസ്റ്റ്, ചെറുകഥാകൃത്ത്, നാടകകൃത്ത് എന്നീ നിലകളിൽ പ്രശസ്തനായ ചെറുകാടിനെയും അനുസ്മരിച്ചു.വാടാനാംകുറിശ്ശിയിലെ മണ്ണുമായി അഭേദ്യ ബന്ധമുണ്ടായിരുന്ന ചെറുകാടിന്റെ കൃതികൾ ക്ക് ആസ്വാദനക്കുറിപ്പ് തയ്യാറാക്കി സാഹിത്യസദസ്സ് ഒരുക്കി.വയലാർ ഗാനങ്ങളുടെ അവതരണവും ഹൃദ്യമായി . ചിങ്ങം ഒന്ന് - കർഷക ദിനം- കർഷക ദിനത്തോടനുബന്ധിച്ച പഴമകളിലേയ്ക്ക് കൂട്ടിക്കൊണ്ടു പോകുന്ന ഉപകരണങ്ങളുടെ പ്രദർശനം നടത്തി. ചിത്രപ്രദർശനം- സ്ക്കൂളിലെ ഒമ്പതാം ക്ലാസ്സ് വിദ്യാർത്ഥിയായ അഞ്ജന എം.പി.യുടെ ചിത്രപ്രദർശനം വിദ്യാരംഗം ക്ലബിന്റെ ആഭിമുഖ്യത്തിൽ നടത്തി. വരകളുടെ വർണ്ണ പ്രപഞ്ചത്തിലേക്ക് കൂട്ടിക്കൊണ്ടുപോയ പ്രദർശനം എം.എൽ.എ.മുഹമ്മദ് മുഹ്സിന്റെ സാന്നിധ്യത്താൽ അനുഗ്രഹീതമായി. കഥകളി ആസ്വാദനക്കളരി- വിദ്യാരംഗം കലാസാഹിത്യ വേദിയും സ്പിക്ക് മാകിന്റെയും സഹായത്തോടെ കഥകളി എന്ന കലാരൂപത്തെ അടുത്തറിയാൻ അവസരമൊരുക്കി. ആംഗീകാവാ ചീക, ആഹാര്യ, സാത്വിക ഘടകങ്ങളെ വേർത്തിരിച്ചുള്ള അവതരണക്രമം കുട്ടികളിൽ നവ്യാനുഭവമായി.തുടർന്ന് നളചരിതം കഥകളിയുടെ അവതരണവും നടന്നു. നങ്ങ്യാർ കൂത്ത് അവതരണം- കലാമണ്ഡലം പ്രസന്ന ടീച്ചറും ശിഷ്യരും നങ്ങ്യാർ കൂത്ത് അവതരണം നടത്തി. കംസവധം എന്ന കഥ അവതരണത്തിനു മുന്നോടിയായി മുദ്രകളുടെ പ്രാധാന്യം വ്യക്തമാക്കുന്ന ക്ലാസ്സും നടന്നു. .