"വർഗ്ഗം:47047 സ്കൂളിലെ കുട്ടികളുടെ സൃഷ്ടികൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                                             ഭൂമി മനുഷ്യനോട്: നീ മറക്കുന്നു
 
 
  നീ മറക്കുന്നൊരു ഭൂതകാലം; നിന-
  കോർമകൾ കിട്ടാത്ത ഭൂതകാലം.
  കൊറ്റിന്നു വേണ്ടിതേടി നടന്നു നീ
  കിട്ടാതെ ചുറ്റിത്തിരിഞ്ഞു.
  ഏതോ മരത്തിൻറെ ചോട്ടിൽ പഴം വീണു
  കിട്ടുവാൻ നീ കാത്തിരുന്നു.
  ഏതോ കിഴങ്ങുപറിക്കുവാൻ മാന്തിനിൻ
  ക്കൈ വിരലൊക്കെയും നൊന്തു.
  അങ്ങനെയുണ്ടായിരുന്നു നിനക്കൊരു
  ഭൂതകാലം- നീ മറന്നു.
                           
                       ഏതോ മൃഗങ്ങളെക്കണ്ടു പേടിച്ചു നീ-
                       യോടി-രക്ഷപെടാൻ വേണ്ടി.
                       ആ നീ തിരിച്ചെത്തി ശക്തനായി, വീരനായി
                       എന്തിനും പോന്നവനായി.
                       ബുദ്ധിയാൽ നീ നിന്റെ മാർഗം വിലക്കിയ
                       വിഘ്നങ്ങളൊക്കെയും നീക്കി.
                       ആ നീ ജയിച്ചെന്നു തന്നെ ഞാനോർത്തെന്റെ
                       സമ്മാനമൊക്കെപ്പകർന്നു.
                       പക്ഷെ ജയിച്ചില്ല നിസഹായത്വം 
                       നിറഞ്ഞ കാലം നീ മറന്നു.
                       നിലപാടുതറകൾ മറന്നു; നീ നിന്നുടെ 
                       ശതകാല കഥകൾ മറന്നു
                       ആർജിച്ച ബുദ്ധിയാൽ, ശക്തിയാൽ നീ നീ-
                       യിരിക്കുന്ന കാെമ്പും മുറിച്ചു
                       -വസിക്കുന്ന മണ്ണും തുരന്ന‌ു.
                       പിന്നിട്ട് പോന്നോരു ഭൂതകാലത്തിന്റെ 
                       നാരായ വേരും മുറിച്ചു.
                                                         നിന്നെ രക്ഷിക്കാനാരുമില്ലെന്നു;നീ
                                                         കൈവിട്ട ബോധമല്ലാതെ 
                                                         ഉത്സവത്തിന്ന് ഇടയ്ക്കിന്നു നീ യൂതി-
                                                         ക്കെടുത്തുന്ന നാളമല്ലാതെ.