ജി.വി.എച്ച്.എസ്സ്.എസ്സ്. പയ്യോളി/എന്റെ ഗ്രാമം

എന്റെ ഗ്രാമം എന്റെനാട് എന്റെ വിദ്യാലയം

ഗ്രാമത്തിന്റെ, പ്രദേശത്തിന്റെ ഐശ്വര്യമായ എന്റെ വിദ്യാലയത്തെക്കുറിച്ചുള്ള സമഗ്രമായ വിവരങ്ങൾഉൾക്കൊള്ളുന്ന സുവനീർ തയ്യാറാക്കിക്കൊണ്ടിരിക്കുന്നു. പ്രാരംഭ പ്രവർത്തനങ്ങൾ നടന്നുകഴിഞ്ഞു. വിദ്യാർത്ഥികളെ വ്യത്യസ്ത ഗ്രൂപ്പുകളായി വിഭജിച്ചു. ഭൂമിശാസ്ത്രം, പ്രകൃതി,തൊഴിൽ,പൈതൃകം,പാരമ്പര്യം, വ്യക്തികൾ, സംഭാവനകൾ.തനത് കലാരൂപങ്ങൾ എന്നിങ്ങനെ ഒാരോഗ്രൂപ്പിനും നിശ്ചതമായ വിഷയങ്ങൾ നൽകി. എഡിറ്റോറിയൽ ബോർഡ് രൂപീകരിച്ചു.സുവനീറിന് ആവശ്യമായ ആകാര സാമഗ്രികൾ ലഭ്യമാക്കുന്നതിന്റെ സാധ്യതകൾ ചർച്ചചെയ്തു.‌ പ്രദേശത്തുള്ള കലാകാരന്മാർ,അനുഷ്ഠാനവുമായി ബന്ധപ്പെട്ട കലകളിൽ ഏർപ്പെട്ടവർ,കായികരംഗത്ത് വ്യക്തിമുദ്രപതിപ്പിച്ചവർ,എന്നിങ്ങനെ സമൂഹത്തിന്റെ വ്യത്യസ്ത മേഖലകളിൽ ശോഭിച്ചുനിൽക്കുന്ന സ്ക്കൂളുമായി ബന്ധപ്പെട്ട വ്യക്തികളുമായി അഭിമുഖം നടത്താൻ 10 പേരടങ്ങുന്ന ഒരു ഗ്രൂപ്പിനെ നിയോഗിച്ചു. സ്ക്കൂൾപഠനയാത്രകളുടെ സി‍ഡി, സാഹിത്യകാരന്മാരുമായുള്ള അഭിമുഖം,കഥ,കവിത,തുടങ്ങി സർഗ്ഗാത്മക സൃഷ്ടികൾക്കു പുറമെ വൈജ്ഞാനിക ലേഖനങ്ങളും ഈ സുവനീറിന്റെ പ്രത്യേകതയാണ്. പെരുമാൾപുരം എന്ന ദേശം ചരിത്രത്തിൽ അടയാളപ്പെടുത്തിയിട്ടുള്ളതാണ്.ചേരമാൻ പെരുമാളുമായി ബന്ധപ്പെട്ട എെതിഹ്യത്തിന്റെ പശ്ചാത്തലം പയ്യോളി ഹൈസ്ക്കൂളിന്റെ ദേശചരിത്രം സൂചിപ്പിക്കുന്നു.1957ൽ സ്ഥാപിതമായ ഇൗ വിദ്യാലയം തൃക്കോട്ടൂർ എഡ്യുക്കേഷൻ സൊസൈറ്റിയുടെ കീഴിലാണ് പ്രവർത്തിച്ചുവന്നിരുന്നത്.അന്ന് യു,പി വരെ ഉണ്ടായിരുന്ന സ്ക്കൂൾ പിന്നീട് ഹൈസ്ക്കൂളായി ഉയർത്തുകയുണ്ടായി.ഒരുപ്രദേശത്ത് മുഴുവൻ അറിവിന്റെ വാതായനങ്ങളൊരുക്കി നിന്ന ഇൗ സ്ക്കൂൾ, പാഠ്യപാഠ്യേതരരംഗത്ത് മികച്ച നിലവാരം പുലർത്തിവരുന്നു. പള്ളിക്കര,പയ്യോളി,വടകര,കൊയിലാണ്ടി,മേപ്പയൂർ ഭാഗങ്ങളിൽ നിന്നുള്ള വിദ്യാർത്ഥികൾക്ക് ആദ്യകാലത്ത് ആശ്രയമായിരുന്നു ഈ സ്ക്കൂൾ,അന്ന് ഈ പ്രദേശത്തൊന്നും ഹൈസ്ക്കൂൾ ഉണ്ടായിരുന്നില്ല. സ്ക്കൂളിന്റെ പ്രവർത്തിൽ അക്കാലത്തെ സന്മതികളായ വ്യക്തികളുടെ സംഭാവനകൾ സ്‍മരിക്കാതെ വയ്യ. പരേതനായ സുബ്രമണ്യ അയ്യർ,ആദ്യകാലത്ത് സ്ക്കൂളിന് വേണ്ടി പ്രവർത്തിച്ച വ്യക്തിയായിരുന്നു. പെരുമാൾപുരം ശിവക്ഷേത്രത്തിനടുത്ത് വിശാലമായ ഗ്രൗണ്ടോടുകൂടി സ്ഥിതിചെയ്യുന്ന ഇന്നത്തെ ഗവ: വൊക്കേഷണൽ ഹയർസെക്കണ്ടറി സ്ക്കൂൾ നിരവധി പ്രതിഭകളുടെ പാദസ്പർശത്താൽ അനുഗ്രഹീതമാണ്. സ്വാതന്ത്ര്യസമരവുമായി ബന്ധപ്പെട്ട ശക്തിമന്ദിരം പയ്യോളി ഹൈസ്ക്കൂൾ ഗ്രൗണ്ടിനുസമീപം സ്ഥിതിചെയ്യുന്നു. നാഷണൽ ഹൈവേയ്ക്കുസമീപം സ്ഥിതിചെയ്യുന്ന ഈ സ്ക്കൂൾ വൃക്ഷലതാദികൾകൊണ്ട് സമ്പുഷ്ടമാണ്. സദാസമയവും ശിതളിമ പകർന്ന് അന്തരീക്ഷമാണ് സ്ക്കൂളിനുള്ളത്. പുതിയ മൂന്ന് നില കെട്ടിടവും, അറുപതോളം ക്ലാസ്‍മുറികളും ഈ വിദ്യാലയത്തിലുണ്ട്. സ്മാർട്ട്റൂമുകളും, സയൻസ് ലാബുകളും,ഒാഡിറ്റോറിയവും, വിദ്യാർത്ഥികൾക്ക് പ്രയോജനപ്രദമായ രീതിയിൽ ഉപയോഗിച്ചുവരുന്നു. വ്യത്യസ്തമായ മേഖലകളിൽ നിന്ന് വരുന്ന വിദ്യാർത്ഥികളാണ് ഇവിടെ പഠിക്കുന്നത്. കടലോരപ്രദേശത്തു നിന്നും മലയോരപ്രദേശത്ത് നിന്നുമുളള വിദ്യാർത്ഥികൾ ഇവിടെ പഠിക്കുന്നു. സാധാരണക്കാരായ രക്ഷിതാക്കളാണ് ഭൂരിപക്ഷംപേരും. കടൽമേഖലയിലും,കൂലിപ്പണിയും കാർഷികവൃത്തിയുമാണ് ജനങ്ങളുടെ പ്രധാന തൊഴിൽ