ഗവ. വി എച്ച് എസ് എസ് വാകേരി/സയൻസ് ക്ലബ്ബ്-17

സയൻസ് ക്ലബ്ബ് പ്രവർത്തന റിപ്പോർട്ട് 2016-17 2016-17 അധ്യായന വർഷത്തിന്റെ ആരംഭത്തിൽ തന്നെ 50അംഗ സയൻസ് ക്ലബ്ബ് രൂപീകരിക്കുകയും പ്രവർത്തനങ്ങൾ ആരംഭിക്കുകയും ചെയ്തു. കുട്ടികളെ ഗ്രൂപ്പുകളാക്കി തിരിച്ച് വിവിധ പ്രവർത്തനങ്ങൾ ഏൽപ്പിച്ചു . ശാസ്ത്ര മാഗസിൻ നിർമ്മാണം, പുസ്തചക പരിചയം, ശാസ്ത്ര നാടക അവതരണം, സയൻസ് ക്വിസ്, ലഘുപരീക്ഷണ പ്രദർശനങ്ങൾ എന്നിവ ഇതിലുൾപ്പെടുന്നു. ചാന്ദ്രദിനത്തോടനുബന്ധിച്ച് ചാന്ദ്രദിന സന്ദേശ വീട് നിർമ്മാണ മത്സരം ക്ലാസ് തലത്തിൽ നടത്തി. ചാന്ദ്രദിന ക്വിസ് മത്സരം, ചുവർ പത്രികാ മത്സരം എന്നിവ നടത്തി, 5 മുതൽ +2 വരെയുള്ള എല്ലാ ക്ലാസിലും ചാന്ദ്രദിന സന്ദേശം വായിച്ചു. 2016 അന്താരാഷ്ട്ര പയറുവർഗ്ഗ വർഷത്തോടനുബന്ധിച്ച് സുസ്ഥിരമായ ഭക്ഷ്യ സുരക്ഷയ്ക്കുവേണ്ടി "പയറുവർഗ്ഗങ്ങൾ - സാധ്യതകളും വെല്ലു വിളികളും " സെമിനാർ സ്കൂളഅ‍ തലത്തിൽ നടത്തുകയും സബ്ജില്ലാ തലത്തിൽ പങ്കെടുപ്പിക്കുകയും ചെയ്തു. വിവിധ പയറുവർങ്ങളെക്കുറിച്ചുള്ള വീഡിയോ പ്രദർശനവും ക്ലാസും നടത്തി. സി വി രാമൻ ഉപന്യാസ രചനാമത്സരം നടത്തി. ശാസ്ത്രസാഹിത്യ പരിഷിത്തിന്റെ യൂറീക്കാ വിജ്ഞാനോത്സവത്തോടനുബന്ധിച്ച് സൂക്ഷമ ജീവികളെക്കുറിച്ച് ക്ലാസുകളും വീഡിയോ പ്രദർശനങ്ങളും ചുവർപത്രികാ നിർമ്മാണവും നടത്തി. സ്കൂൾ, പഞ്ചായത്ത്, സബ്ജില്ലാ തല വിജ്ഞാനോത്സവത്തിൽ കുട്ടികൾ പങ്കെടുക്കുകയും ജില്ലാ തലത്തിലേക്ക് യോഗ്യത നേടുകയും ചെയ്തു. ശാസ്ത്രക്ലബ്ബിന്റെ ആഭിമുഖ്യത്തിൽ "കീടനാശിനികളും ക്യാൻസർ രോഗവും" എന്ന വിഷയത്തിൽ ഒരു പ്രൊജക്ട് ചെയ്യുകയും ഇത് പുത്തൂർ വയൽ എം എസ് സ്വാമിന്ഥൻ റിസേർച്ച് ഫൗണ്ടേഷനിൽ വച്ചുനടന്ന ജില്ലാതല ബാലശാസ്ത്ര കോൺഗ്രസിൽ അവതരിപ്പിക്കുകയും ചെയ്തു. കൂടാതെ സബ്ജില്ലാതല ശാസ്ത്രോത്സവത്തിലും പ്രോജക്ട് അവതരിപ്പിച്ചു. ശാസ്ത്രോത്സവത്തിൽ വർക്കിം മോഡൽ സ്റ്റിൽ മോഡൽ എന്നീ ഇനത്തിലും കുട്ടികളെ പങ്കെടുപ്പിച്ചു. ജില്ലാ തല ശാസ്ത്രനാടക മസ്തരത്തിലും കുട്ടികളഅ‍ പങ്കെടുത്തു.