എൻ ഐ എസ് എൽ പി എസ് വെൺമണൽ

എൻ ഐ എസ് എൽ പി എസ് വെൺമണൽ
വിലാസം
വെൺമണൽ
വിദ്യാഭ്യാസ ഭരണസംവിധാനം
റവന്യൂ ജില്ല	കണ്ണൂർ
വിദ്യാഭ്യാസ ജില്ല	തലശ്ശേരി
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
13-03-2017	14719

ചരിത്രം

തലശ്ശേരി താലൂക്കിലെ വേങ്ങാട് ഗ്രാമപഞ്ചായത്തിൽ വെൺമണൽ എന്ന പ്രദേശത്താണ് നുസ്രത്തുൽ ഇസ്ലാം സഭ എൽ പി സ്കൂള്‍ ( N I S L P School) സ്ഥിതി ചെയ്യുന്നത്.ഏകദേശം 85 വർഷത്തെ പ്രവര്‍ത്തന പാരമ്പര്യം ഈ വിദ്യാലയത്തിനുണ്ട്. മുസ്ലിം ജനവിഭാഗങ്ങൾ കൂടുതലായി താമസിക്കുന്ന ഒരു പ്രദേശമാണിത്... 1932ൽ കീഴല്ലൂർ വാണിയംകണ്ടി കുടുംബവക സ്ഥലത്താണ് ഈ വിദ്യാലയം പ്രവര്‍ത്തനമാരംഭിച്ചത്. ശ്രീ.കോരൻ മാസ്ററര്‍ ആയിരുന്നു അന്നത്തെ പ്രധാനാധ്യാപകൻ. ജന്മികളുടെ വിലക്കുകൾ വക വയ്ക്കാതെ അദ്ദേഹം സ്കൂളിന്റെ പ്രവര്‍ത്തനങ്ങളുമായി മുന്നോട്ട്പോയി. ഇതിൽ രോഷാകുലരായ ജന്മിമാർ സ്കൂള്‍ കെട്ടിടം തീയിട്ട് നശിപ്പിച്ചു. തുടര്‍ന്ന് സ്കൂളിന്‍റെ പ്രവര്‍ത്തനം ചെറിയവളപ്പ് എന്ന പ്രദേശത്തേക്ക് മാറ്റി. പിന്നീട് വെൺമണൽ പ്രദേശത്തെ നുസ്രത്തുൽ ഇസ്ലാം സഭയുടെ മദ്രസ കെട്ടിടത്തിലാണ് സ്കൂള്‍ പ്രവര്‍ത്തിച്ചത്. ആദ്യകാലത്ത് കീഴല്ലൂർ മാപ്പിള എൽ പി സ്കൂള്‍ എന്ന നാമധേയം സ്വീകരിച്ചു. ഈ വിദ്യാലയം ഇന്ന് നുസ്രത്തുൽ ഇസ്ലാം സഭ എൽ പി സ്കൂള്‍ എന്നറിയപ്പെടുന്നു... മുസ്ലിം ന്യൂനപക്ഷ പിന്നോക്ക വിഭാഗങ്ങൾ ധാരാളമുള്ള വെൺമണൽ പ്രദേശത്തെ വിദ്യാഭ്യാസ സാംസ്കാരിക കേന്ദ്രമായി ഈ വിദ്യാലയം പ്രവര്‍ത്തിച്ച് വരുന്നു...

മാനേജ്‌മെന്റ്

ജനാബ് പക്കർ ഹാജിയായിരുന്നു ആദ്യത്തെ സ്കൂൾ മാനേജര്‍. അദ്ദേഹമായിരുന്നു ഈ വിദ്യാലയത്തിന് വെൺമണൽ പ്രദേശത്ത് സ്വന്തം കെട്ടിടം നിർമിച്ചത്. സേവനലക്ഷ്യം മാത്രം മുന്നില്‍ കണ്ട വ്യക്തിയായിരുന്നു അദ്ദേഹം. വിദ്യാഭ്യാസപരമായും സാംസ്കാരികപരമായും പിന്നിലായിരുന്ന ഈ പ്രദേശത്ത് അറിവിന്‍റെ വെളിച്ചം പകരാന്‍ അദ്ദേഹത്തിന്റെ പ്രവര്‍ത്തനങ്ങളിലൂടെ സാധിച്ചു.

പിന്നീട് മാനേജരായി പ്രവൃത്തിച്ചത് പക്കർഹാജിയുടെ മകനായ ശ്രീ അബ്ദുള്ളക്കുട്ടി ഹാജിയായിരുന്നു. അദ്ദേഹം 1999ൽ ഈ വിദ്യാലയം വെൺമണൽ നുസ്രത്തുൽ ഇസ്ലാം സഭയ്ക്ക് ദാനമായി നൽകി.

ഇന്ന് ഈ വിദ്യാലയത്തിന്റെ മാനേജരായി പ്രവൃത്തിക്കുന്നത് ശ്രീ കെ.പി ഹാരിസാണ്...