"റിപ്പബ്ലിക്കൻ വി.എച്ച്.എസ്.എസ് കോന്നി/ലിറ്റിൽകൈറ്റ്സ്/2025-28" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കേരള പത്ര പ്രവർത്തക യൂണിയൻ സംസ്ഥാന സമ്മേളനം പത്തനംതിട്ടയിൽ നടത്തിയതിനോടനുബന്ധിച്ച് റീൽസ് മത്സരം സംഘടിപ്പിക്കുകയുണ്ടായി. ജില്ലയുമായി ബന്ധപ്പെട്ട ദൃശ്യങ്ങളാണ് റീൽസ് മത്സരത്തിൽ പരിഗണിച്ചത്. നമ്മുടെ ലിറ്റിൽ കൈറ്റ്‌സ് അംഗങ്ങളും ഈ മത്സരത്തിൽ മാറ്റുരച്ചു. ആറന്മുള കണ്ണാടിയെ അടിസ്ഥാനമാക്കി ചെയ്ത് റീൽസ് തയാറാക്കിയത് വിദ്യാർത്ഥികൾ മാത്രമാണ്. പത്തനംതിട്ട പ്രസ് ക്ലബിന്റെ ഔദ്യോഗിക ഫെയ്‌സ്ബുക്ക് പേജിൽ പ്രദർശിപ്പിച്ച ഈ റീൽസിന് വലിയ പിന്തുണയാണ് ലഭിച്ചത്.  

'''<u>മലയാളം ടൈപ്പിംഗിലെ ഐ.എസ്.എം മാജിക്ക്</u>'''

ഐഎസ്എം സോഫ്റ്റ് വെയറിന്റെ സഹായത്തോടെയാണ് മലയാളം ടൈപ്പിംഗ് ചെയ്തുവരുന്നത്. ഓരോ അക്ഷരത്തിനും ഓരോ കീ ഉണ്ട്. ചില അക്ഷരങ്ങൾക്ക് ഒന്നിലധികം കീയും. ഉദാഹരണത്തിന് അ എന്ന അക്ഷരം ടൈപ്പ് ചെയ്യണമെങ്കിൽ ഷിഫ്റ്റ് കീയ്‌ക്കൊപ്പം ഡി എന്ന കീയും ഒരേ സമയം പ്രസ് ചെയ്യണം. ചില്ലക്ഷരങ്ങൾക്ക് ഒരേ സമയം മൂന്നു കീകൾ വരെ പ്രസ് ചെയ്യേണ്ടി വരുന്നു എന്നതും പ്രധാനപ്പെട്ട കാര്യമാണ്. ഐഎസ്എം കീകൾ കൃത്യമായി അറിയുക എന്നതാണ് പ്രധാനം.  നിരന്തരമായ പരിശീലനം ഇതിന് ആവശ്യമാണ്. ടൈപ്പ് ചെയ്ത് സെറ്റ് ചെയ്ത ശേഷം ആവശ്യമെങ്കിൽ ഉപയോഗിക്കുന്ന വിവിധ എംഎൽറ്റിറ്റി ഫോണ്ടുകളേയും പരിചയപ്പെടുത്തി. വിദ്യാർത്ഥികളുടെ പേരും മറ്റുവിവരങ്ങളും ടൈപ്പ് ചെയ്തു കാണിക്കുന്നതിനൊപ്പം ഓരോരുത്തർക്കും അവരുടെ പേര് മലയാളത്തിൽ ടൈപ്പ് ചെയ്യുന്നതിനുള്ള അവസരവും ഉണ്ടായിരുന്നു.