എഛ് എഫ് യു പി എസ് ചങ്ങരോത്ത്/എന്റെ ഗ്രാമം

ഹോളി ഫാമിലി ഹൈസ്കൂൾ

ഹോളി ഫാമിലി ചർച്ച്

കോഴിക്കോട് ജില്ലയിലെ പേരാമ്പ്ര നിയോജകമണ്ഡലത്തിലെ കുടിയേറ്റ ഗ്രാമമാണ് പടത്തുകടവ്. കൃഷിയെ ആശ്രയിച്ചു ജീവിക്കുന്ന കർഷകരുടെ നാടാണ് ഇത്.മലബാർ കുടിയേറ്റം തുടങ്ങി ഏറെ വൈകാതെ തന്നെ  പടത്തുകടവ്  പ്രദേശവും കുടിയേറ്റക്കാരുടെ സാന്നിധ്യം ഉണ്ടായിരുന്നതായി ചരിത്രം സാക്ഷ്യപ്പെടുത്തുന്നു.1938 ൽ പ്രദേശത്ത് കൂടുതൽ കുടിയേറ്റക്കാരെ എത്തുകയും താമസിക്കുകയും ചെയ്തു. 1948 ജനുവരി 12ന്  മദ്രാസ് സർക്കാരിന്റെ അംഗീകാരമുള്ള     ഹോളി ഫാമിലി എലിമെന്ററി സ്കൂൾ സ്ഥാപിതമായി. 1956 ൽ ഈ സ്കൂൾ യുപി സ്കൂളായി ഉയർത്തപ്പെട്ടു. 1983ൽ  ഹൈസ്കൂളും  2014 ഹയർസെക്കൻഡറി സ്കൂളും സ്ഥാപിതമായി.  പ്രശസ്തമായ ഇക്കോ ടൂറിസ്റ്റ് കേന്ദ്രമായ ജാനകിക്കാട്  ഈ പ്രദേശത്തിന്റെ  ഭാഗമാണ്. കേരളത്തിലെ പ്രശസ്തമായ ജലസേചന പദ്ധതിയായ കുറ്റ്യാടി  ഡാം  സ്ഥിതിചെയ്യുന്നത് ഈ ഗ്രാമത്തോട് ചേർന്നാണ്. ജലസേചന കനാലുകൾ നിറഞ്ഞ പ്രദേശമാണ് ഇത്. പ്രകൃതി രമണീയതയുടെ  സുഗന്ധം പേറുന്ന  പടത്തുകടവ് ഗ്രാമീണ സൗന്ദര്യത്തിന്റെ  നേർസാക്ഷ്യമാണ്

ഈ പഞ്ചായത്തിന്റെ അതിരുകൾ വടക്കുഭാഗത്ത് മരുതോങ്കര, കുറ്റ്യാടി പഞ്ചായത്തുകളും, കിഴക്കുഭാഗത്ത് മരുതോങ്കര, ചക്കിട്ടപ്പാറ പഞ്ചായത്തുകളും, പടിഞ്ഞാറുഭാഗത്ത് പേരാമ്പ്ര, വേളം, കുറ്റ്യാടി പഞ്ചായത്തുകളും, തെക്കുഭാഗത്ത് കൂത്താളി, പേപ്രമാണം:16474 SARI.jpegരാമ്പ്ര പഞ്ചായത്തുകളുമാണ്. 30.24 ചതുരശ്ര കിലോമീറ്റർ ഈ പഞ്ചായത്ത് 1962 ഫെബ്രുവരി 5-നാണ് പഞ്ചായത്ത് രൂപീകൃതമായത്.

ജാനകിക്കാട്, കുറ്റ്യാടി ഡാം എന്നിവ പ്രദേശത്തെ പ്രധാന ആകർഷണങ്ങളാണ്, ജാനകിക്കാട് ഇക്കോ ടൂറിസം പദ്ധതി കോഴിക്കോടിൻ്റെ നിബിഡ വനമേഖലയിലൂടെ പക്ഷി നിരീക്ഷണവും ചിത്രശലഭ ട്രാക്കിംഗും ട്രെക്കിംഗും വാഗ്ദാനം ചെയ്യുന്നു. ഈ പ്രകൃതിദത്തമായ പച്ചപ്പിലൂടെയുള്ള ഒരു ട്രെക്ക് നിങ്ങൾക്ക് അപൂർവയിനം പക്ഷികളുടേയും സ്പഷ്ടമായ ചിത്രശലഭങ്ങളുടേയും ദൃശ്യങ്ങൾ നൽകും. ഒരു മേലാപ്പിനു കീഴെയുള്ള യാദൃശ്ചികമായ ഒരു യാത്ര ഒരാളെ അതിമനോഹരമായ ഔഷധസസ്യങ്ങളിലേക്ക് കൊണ്ടുവരുന്നു, നദിയിലൂടെയുള്ള ചങ്ങാടം മനോഹരമായ തീരത്തിന്റെ ഒരു ഭാഗം കാഴ്‌ചയിലേക്ക് കൊണ്ടുവരുന്നു.