"ഗവൺമെന്റ് എച്ച്.എസ്.എസ് നെയ്യാറ്റിൻകര/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   ജൂൺ 20 രാവിലെ 11:30ന് സ്കൂൾ ഓഡിറ്റോറിയത്തിൽ വച്ച് "വായനാദിന മഹോത്സവം 2022" എന്ന പേരിൽ വായനാദിനാഘോഷം നമ്മുടെ സ്കൂളിൽ സംഘടിപ്പിച്ചു. വായനാദിന സന്ദേശം കുട്ടികൾക്കായി പകർന്നു നൽകിയത് അധ്യാപക പരിശീലകനായ ശ്രീ പത്മകുമാർ സാറാണ്. സാറിന്റെ അനുഭവജ്ഞാനം കുട്ടികൾക്ക് വായനയുടെ പ്രകാശദീപമായി മാറി. ചടങ്ങിൽ എച്ച് എം ശ്രീമതി കല ടീച്ചർ, പിടിഎ പ്രസിഡന്റ് ശ്രീ പി മധുകുമാരൻ നായർ എന്നിവർ ആശംസകൾ അർപ്പിച്ചു. വായന ദിനത്തിന്റെയും പ്രാധാന്യത്തെക്കുറിച്ചും, വായന നമുക്ക് നൽകുന്ന ഗുണങ്ങളെക്കുറിച്ചും കുട്ടികൾ സ്റ്റേജിൽ സംസാരിച്ചു. അവർ വായിച്ച പുസ്തകങ്ങളുടെ വായന അനുഭവവും കുട്ടികൾ പങ്കുവച്ചു. കൂടാതെ വായനാദിന പതിപ്പ്, എച്ച് എം, പത്മകുമാർ സാറിന് നൽകി പ്രകാശനം ചെയ്തു. വായനാദിനത്തോടനുബന്ധിച്ച് പ്ലക്കാർടുകൾ,പോസ്റ്റർ രചന മത്സരം ഉപന്യാസ രചനാ മത്സരം,ക്വിസ് മത്സരം, എന്നിവ അധ്യാപകരുടെ നേതൃത്വത്തിൽ സംഘടിപ്പിച്ചു.