എസ്.ഡി.പി.വൈ. ബോയ്സ് എച്ച്.എസ്.എസ്. പള്ളുരുത്തി/എന്റെ ഗ്രാമം

എന്റെ ഗ്രാമം

പള്ളുരുത്തി

ചരിത്രപരമായ വിവരങ്ങള്‍

എ.ഡി 1405 ല്‍ കൊടുങ്ങല്ലൂര്‍ തുറമുഖം ഉപേക്ഷിച്ച് കൊച്ചിയിലേക്ക് കുടിയേറിയ പെരുമ്പടപ്പു സ്വരൂപത്തിന് അഞ്ച് താവഴിക്കാരുണ്ടായിരുന്നു. അതിലൊന്നായിരുന്നു പള്ളിവിരുത്തി താവഴി.ഇവര്‍ കൊച്ചിക്ക് തെക്കുഭാഗത്തു ഇന്നത്തെ തോപ്പുംപടിക്കു തെക്ക് താമസമാക്കി.അങ്ങിനെ ആ ഭാഗത്തിന് പള്ളുരുത്തിയെന്ന സ്ഥലപ്പേരുണ്ടായി.

പ്രധാന വ്യക്തികള്‍, സംഭാവനകള്‍

പി.ഗംഗാധരന്‍ 1965 ല്‍ പള്ളുരുത്തിയില്‍ നിന്നു കേരള നിയമസഭയിലേക്കു തെരെഞ്ഞെടുക്കപ്പെട്ടിട്ടുള്ള ആദ്യത്തെയാളാണ് പി.ഗംഗാധരന്‍. പള്ളുരുത്തിയില്‍ ടിന്‍ ഫാക്ടറി തൊഴിലാളികളെ സംഘടിപ്പിച്ച് നടത്തിയ സമരത്തില്‍ മുന്‍നിരയിലുണ്ടായിരുന്നു.പാലിയം സമര ത്തിനും നേതൃത്വം നല്‍കി.പി.കേശവദേവ്,വൈക്കം മുഹമ്മദ് ബഷീര്‍ എന്നിവരൊക്കെ സുഹൃത്തുക്കളായിരുന്നു.

കെ.കെ.വിശ്വനാഥന്‍: കൊച്ചി തുറമുഖത്തൊഴിലാളി യൂണിയന്റെ സ്ഥാപകനേതാക്കളില്‍ ഒരാളായിരുന്നു.കൊച്ചി രാജ്യത്തെ അയിത്തോച്ഛാടന പ്രസ്ഥാനത്തിലും ക്ഷേത്രപ്രവേശനപ്രസ്ഥാനത്തിലും സജീവ പങ്ക് വഹിച്ചു.1948ല്‍ കൊച്ചി നിയമ സഭയിലേക്കു തെരെഞ്ഞടുക്കപ്പെട്ടു.ഗവര്‍ണ്ണര്‍ പദവിയടക്കമുള്ള ഉന്നത സ്ഥാനങ്ങളില്‍ നിസ്വാര്‍ത്ഥ സേവനമനുഷ്ടിച്ചിട്ടുണ്ട്.'റിപ്പബ്ലിക്ക്' എന്ന ആഴ്ച പ്പതിപ്പ് പ്രസിദ്ധീകരിച്ചിരുന്നു.