"ഗവ. വി എച്ച് എസ് എസ് കൈതാരം/അമാര-ഏകദിന ശിൽപശാല" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p style="text-align:justify">വിവിധ സാഹചര്യങ്ങളിൽ നിന്നുവരുന്ന വിദ്യാർത്ഥികൾക്ക് ആത്മവിശ്വാസവും  സ്വയംപര്യാപ്തതയും ഉള്ള ഉത്തമ  പൗരൻ  ആകുന്നുതിനുള്ള ഉള്ള പ്രചോദനം നൽകുക എന്ന ഉദ്ദേശത്തോടുകൂടി  അമേര എന്ന ഏകദിന ശില്പശാല യുപി ഹൈസ്കൂൾ വിദ്യാർഥികൾക്കായി 2022 ഫെബ്രുവരി 25ന് സ്കൂളിൽ നടത്തി. എങ്ങിനെ അനുകൂലമായി ചിന്തിക്കുക ,  എങ്ങനെ ആത്മവിശ്വാസമുള്ളവനാകുക,  എങ്ങനെ നല്ല തീരുമാനം എടുക്കാൻ സാധിക്കും , എങ്ങനെ പ്രതിബന്ധങ്ങളെ തരണം ചെയ്യും,  എങ്ങനെ കാലത്തിനനുസരിച്ച് ജീവിക്കും എന്നിങ്ങനെ  അഞ്ച് വിഷയത്തെ അടിസ്ഥാനപ്പെടുത്തിയാണ് ക്യാമ്പ് നടന്നത്. അമാര ഫൗണ്ടേഷന്റെ നേതൃത്വത്തിൽ നടത്തിയ ക്യാമ്പ് കുട്ടികൾക്ക്  ശരിക്കും മികവാർന്ന ഒരു വ്യക്തിയായി മാറുന്നതിനുള്ള പ്രചോദനം നൽകുന്നതിന്  വളരെയേറെ സഹായിച്ചു.</p>

<p style="text-align:justify">ആദ്യ സെഷനിൽ സ്വന്തം പേരിനോട് ബന്ധപ്പെട്ട പ്രത്യേകതകൾ ചർച്ചചെയ്യുന്നതിനും മനസ്സിലാക്കുന്നതിനുമുള്ള പ്രവർത്തനങ്ങളാണ് നടത്തിയത് . ഈ പ്രവർത്തനങ്ങൾ  കുട്ടികളിൽ ആത്മവിശ്വാസം വളർത്തുന്നതിന് ഉതകുന്നതായിരുന്നു.രണ്ടാം സെഷനിൽ  വിദ്യാർഥികളെ അവരുടെ ലക്ഷ്യങ്ങൾ  കണ്ടെത്തേണ്ടതിന്റെ ആവശ്യങ്ങളെക്കുറിച്ചും, ആ ലക്ഷ്യങ്ങൾ എങ്ങനെ  നടപ്പിലാക്കും, ലക്ഷ്യങ്ങൾ നടപ്പിലാക്കാൻ ആര് സഹായിക്കും  എന്നതിനെക്കുറിച്ച് കുറിച്ച് ഒരു വ്യക്തമായ ധാരണ ഉണ്ടാക്കാൻ വിദ്യാർത്ഥികൾക്ക് സാധിച്ചു. മൂന്നാം സെഷനിൽ  ഒരു ഉത്തമ പൗരൻ എന്ന നിലയ്ക്ക് , വിവിധ മാലിന്യങ്ങളെ കുറിച്ചും അവയുടെ സംസ്കരണത്തെ കുറിച്ചും  ശരിയായ അവബോധം ഉണ്ടാക്കാനുള്ള പ്രവർത്തനമായിരുന്നു.നാലാം സെഷനിൽ വിവിധതരം മാലിന്യങ്ങൾ എങ്ങനെ ഉണ്ടാകുന്നു, അവ എങ്ങനെ നിർമാർജനം ചെയ്യണം, ഗുണപ്രദമായ രീതിയിൽ അവയെ എങ്ങനെ കൈകാര്യം ചെയ്യണം , എന്ന അറിവ്  കുട്ടികൾക്ക് പകർന് കൊടുക്കുന്ന പ്രവർത്തനങ്ങൾ ആയിരുന്നു .  കുട്ടികളുടെ ആശയവിനിമയത്തിനുള്ള കഴിവ്  വർധിപ്പിക്കുന്നതിനുള്ള പ്രവർത്തനങ്ങളായിരുന്നു അഞ്ചാം സെഷനിൽ ഉണ്ടായിരുന്നത്.</p>

<p style="text-align:justify">അമാര ഫൗണ്ടേഷൻ  അംഗങ്ങളായ  ആര്യ, ശ്വേത, വിപിൻ എന്നിവരാണ് ക്ലാസുകൾ നയിച്ചത്. വിദ്യാർത്ഥികളായ രാജലക്ഷ്മി, ദേവനന്ദ, അനുപമ, ഗയ, തെരേസ എന്നിവർ  നല്ല പ്രകടനം കാഴ്ച വച്ചു. അനുപമ , തെരേസ  എന്നിവർ ക്യാമ്പ് അവസാനം കൈതാരം  സ്കൂളിനു വേണ്ടി  അമാര ഫൗണ്ടേഷൻ പ്രവർത്തകർക്ക്  നന്ദിപറഞ്ഞു. നല്ല പ്രവർത്തനം നടത്തിയ കുട്ടികൾക്ക്  അമാര ഫൗണ്ടേഷൻ സ്കോളർഷിപ്പ് വാഗ്ദാനം ചെയ്തിട്ടുണ്ട്.</p>