GhssKochannur/അസുരവിത്ത് (കവിത )

വുഹാനിൽ നിന്നാണത്രെഈ വിത്ത്
പൊട്ടിമുളച്ചത് ,ഈ വിത്ത് വരുത്തിയ
അനർത്ഥങ്ങൾ അനവധിയത്രെ !
കണ്ണിനു കാണാത്ത വിത്താണിതെങ്കിലും
കണ്ണീർ പൊഴിക്കുവാൻ
കാരണമാക്കിടും വിത്തത്രെ !
ചാരെയിരുന്നോരെ ദൂരേക്ക് നിർത്തുവാൻ
കല്പിച്ചരുളിയ ആപത്തിൻ വിത്തത്രെ !
മർത്യന്റെ ആർത്തി യകറ്റിയൊരി വിത്ത്
ഘോഷങ്ങളാപത്തെന്നോതിയതീ വിത്ത് !
കാടും കടലും മരുഭൂമിയും താണ്ടി ,
മാമലനാട്ടിലും മുളകളേറുന്നു .
ചങ്ക് തുളച്ചുവളർന്നൊരീ വിത്ത്
പങ്കിട്ട് പാരിനെ തളർത്തിയോരാപത്ത്!
നാളേക്ക് കരുതലായ് വേണ്ടയീ വിപത്ത്
കരുതലോടെയകറ്റിടേണം ഈ മുസീബത്ത് !
ഭീതിയകറ്റിയീ അസുരവിത്തിനെ വേരോടെ -
പാരിൽനിന്നോടിച്ച് മോദങ്ങളൊക്കെയും
വീണ്ടെടുക്കേണം കരുത്തോടെ നമുക്കൊന്നായ്!!

മുനസ്സാബാനു പി എം ക്ലാസ്സ് ഏഴ് ബി ജി എച്ച് എച്ച് എസ് കൊച്ചനൂർ