ഗവ. എൽ. പി. എസ് അരുവിക്കര പുന്നാവൂർ/അക്ഷരവൃക്ഷം/ശുചിത്വമാണ് ശക്തി

ശുചിത്വമാണ് ശക്തി വളരെ മനോഹരമായ ഒരു കാടാണ് പഞ്ചവൻ കാട് . അവിടത്തെ രാജാവാണ് നീലൻ സിംഹം . വളരെ നല്ല ഒരു രാജാവാണ് നീലൻ . അതുകൊണ്ടു ആ കാട്ടിൽ ഐശ്വര്യവും സമൃദ്ധിയും കളിയാടി . ശുചിത്വവും പരിസ്ഥിതി സംരക്ഷണവും അവനു നിര്ബന്ധമാണ് .അതുകൊണ്ടു അവൻ മൃഗങ്ങളെ എപ്പോഴും അതിനെക്കുറിച്ച് ബോധവാന്മാരാക്കും . രാജാവിൻറെ ശ്രമ ഫലമായി ആ കാട്ടിൽ രോഗങ്ങളോ ദുരിതങ്ങളോ ഒന്നും ഉണ്ടായിരുന്നില്ല . അങ്ങനെയിരിക്കെ രാജാവ് നാട് നീങ്ങി . അതോടെ രാജാവിന്റെ മകനായ രാജാധിരാജൻ രാജാവായി . അച്ഛനെ പോലെ ആയിരുന്നില്ല മകൻ , വളരെ അലസനും മടിയനും ആയിരുന്നു രാജാധി രാജൻ . അതിന്റെ ഫലമായി മൃഗങ്ങളിൽ ഉണ്ടായിരുന്ന ശുചിത്വ ബോധം പതിയെ നഷ്ട്ടപ്പെട്ടു . ഭക്ഷണത്തിന്റെ അവശിഷ്ടങ്ങൾ വലിച്ചെറിഞ്ഞു നദികളെ മലിനമാക്കി , കാട് മുഴുവൻ മാലിന്യങ്ങൾ കൊണ്ട് നിറഞ്ഞു . ഇതിന്റെ ഫലമായി മൃഗങ്ങൾക്കു കുടിക്കാൻ പോലും ഒരു തുള്ളി വെള്ളം കിട്ടാതായി . പതിയെ പതിയെ ആ കാടിന്റെ താളം നഷ്ട്ടപ്പെട്ടു . മൃഗങ്ങൾ ചത്തൊടുങ്ങാൻ തുടങ്ങി . കൂട്ടുകാരെ , ഈ അവസ്ഥയാണ് നാം ഇന്ന് അനുഭവിക്കുന്നത് . ആ കാടിന്റെ അവസ്ഥ നമുക്ക് ഉണ്ടാകാതിരിക്കട്ടെ . അതിനായി , വരും തലമുറയ്ക്ക് എങ്കിലും ശുചിത്വത്തിന്റെ പാഠങ്ങൾ നമുക്ക് പറഞ്ഞു കൊടുക്കാം , പരിസ്ഥിതിയെ സ്നേഹിക്കാൻ പഠിപ്പിക്കാം . മിഥുൻ ജെ രാജേഷ് 1 ജി.എൽ .പി.എസ് .അരുവിക്കര പുന്നാവൂർ കാട്ടാക്കട ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Sachingnair തീയ്യതി: 16/ 04/ 2020 >> രചനാവിഭാഗം - കഥ