സെന്റ് ജോർജ് എച്ച്. എസ്സ്. വേളംകോട്/പ്രാദേശിക പത്രം

സ്കൂൾ സൗഹൃദം --- വഴിതെറ്റിയ്ക്കുന്നോ ?

അധികമായാൽ അമൃതും വിഷം- ഇതുപോലെയാണ് സൗഹൃദവും. നന്നായാൽ നല്ലത് ചീത്തയായാൽ പറയേണ്ടല്ലോ.കുട്ടികളുടെ ബുദ്ധിവികാസത്തിന്റെ കാലമാണ് സ്കൂൾ ജീവിതം. ഇന്റർനെറ്റ് , മൊബൈൽ , മാധ്യമങ്ങൾ ഇവ കുട്ടികളെ വഴി മാറ്റുന്നു. നേർവഴിയ്ക്കല്ലാത്ത സൗഹൃദം അവരെ ലഹരി മരുന്നിന്റെ പിടിയിലേയ്ക്ക് വരെ എത്തിയ്ക്കുന്നു. സൂക്ഷിച്ചാൽ ദുഖിയ്ക്കേണ്ട.

                                                                                                         മിൽഡ റെയ്ച്ചൽ
                                                                                                                
                                                                                                                X - A

ഓർമ്മിയ്ക്കാൻ ഒരു ദിനം  ! ! ! !

എയ്ഡ്സിനെപ്പറ്റി കൂടുതൽ അവബോധം ഉണ്ടാക്കുന്നതിനും രോഗപ്പകർച്ച കഴിയുന്നത്ര കുറയ്ക്കുന്നതിനും ചികിത്സയ്ക്കും പുനരധിവാസത്തിനും പണം കണ്ടെത്തുന്നതിനും , എച്ച്.ഐ.വി ബാധിതരോട് സഹാനുഭൂതി വളർത്തുന്നതിനുമൊക്കെ ഉദ്ദേശിച്ച് യു.എൻ എയ്ഡ്സ് സമിതി 1988 മുതൽ ഡിസംബർ ഒന്ന് ലോക എയ്ഡ്സ് ദിനമായി ആചരിയ്യക്കുന്നു. ജനസംഖ്യയുടെ 80% എയ്ഡ്സ് രോഗികളായ ചില ആഫ്രിയ്ക്കൻ രാജ്യങ്ങളുടെ ദുർഗതി മറ്റ് രാജ്യങ്ങൾക്കും വരാതിരിയ്ക്കാൻ എയ്ഡ്സിനെതിരെയുള്ള പ്രതിരോധം ശക്തമാക്കേണ്ടതുണ്ട് .

                                                                                            റ്റീന തോമസ്സ്
                                                                                                 X - A

കഠിനാധ്വാനം + ആത്മവിശ്വാസം = വിജയം .

ജീവിതത്തിലേയ്ക്ക് മുതൽക്കൂട്ടാക്കാവുന്ന ഫോർമുലയാണിത് . ആത്മ വിശ്വാസവും കഠിനാധ്വാനവുമാണ് ജീവിതത്തിൽ വിജയം നേടുവാനുള്ള മാർഗ്ഗം . ചിലപ്പോൾ ഒരിയ്ക്കൽ അധ്വാനിച്ച് പരാജയപ്പെട്ടുവെന്നു വരാം അവിടെയാണ് ആത്മ വിശ്വാസത്തിനുള്ള പങ്ക്. വിജയം സുനിശ്ചിതമാണെന്നുള്ള വിശ്വാസം കൈവിടരുത്. എബ്രാഹാം ലിങ്കൺ ,എഡിസൺ തുടങ്ങിയവർ ഇതിനു ഉദാഹരണങ്ങളാണ്.

                                                                                            ജയേഷ് ജോസ്   
                                                                                                 X - A