"ജി.എം.എൽ.പി.എസ്. മാങ്കടവ്/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പാപ്പിനിശ്ശേരി പഞ്ചായത്ത് തല പ്രവേശനോത്സവം ജൂൺ 3 തിങ്കളാഴ്ച മാങ്കടവ് ഗവൺമെൻ്റ് മാപ്പിള എൽ.പി സ്കൂളിൽ കണ്ണൂർ ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ അനിത പി.വി ഉദ്ഘാടനം ചെയ്തു. അറിവിൻ്റെ ആദ്യാക്ഷരം കുറിക്കാൻ അക്ഷരമുറ്റത്തേക്ക് പിച്ചവെച്ച നവാഗതരെ സ്വാഗതം ചെയ്തുകൊണ്ട് പ്രവേശനോത്സവം 2024ന് തുടക്കമായി.പി.ടി.എയുടെ നേതൃത്വത്തിൽ വിദ്യാലയവും അങ്കണവും തോരണങ്ങൾ കൊണ്ട് അലങ്കരിച്ചു.വർണത്തൊപ്പികളും ബാഡ്ജും സമ്മാനങ്ങളും നൽകി കുട്ടികളെ വരവേറ്റു.കുഞ്ഞു കരങ്ങളുടെ വിരൽത്തുമ്പിനാൽ തീർത്ത 'സ്നേഹ മരം' വേറിട്ട അനുഭൂതി പകർന്നു.നാലാം തരം കൂട്ടുകാർ [https://youtu.be/uIMAkwfQeRw?si=gELiPbfhiNe4V5HR പ്രവേശനോത്സവ ഗാനത്തിന് ദൃശ്യാവിഷ്കാരം] ഒരുക്കി. പായസ വിതരണവും നടന്നു. പാപ്പിനിശ്ശേരിഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ കെ.ശോഭന അധ്യക്ഷത വഹിച്ചു.പഞ്ചായത്ത് മെമ്പർ വി.അബ്ദുൽ കരീം സമ്മാനദാനം നിർവഹിച്ചു.പി.ടി.എ പ്രസിഡണ്ട് സി.അബ്ദുല്ല, വൈസ് പ്രസിഡൻറ് എം.പി.സൈദ്, മദർ പി.ടി.എ പ്രസിഡണ്ട് ഷഫീറ.സി എന്നിവർ സംസാരിച്ചു.രക്ഷിതാക്കൾക്കുള്ള ബോധവത്കരണ ക്ലാസിന് എം.മൃദുല ടീച്ചർ നേതൃത്വം നൽകി.ഹെഡ്മാസ്റ്റർ കെ.പി.വിനോദ് കുമാർ സ്വാഗതവും പറഞ്ഞു.<gallery caption="'''പ്രവേശനോത്സവ കാഴ്ചകൾ'''">

== [https://youtu.be/cSHWmtDPBW4?si=LtlPcWm4YDqtVvKS മാങ്കടവിന്റെ മൈലാഞ്ചി മൊഞ്ച്]-മെഹന്ദി ഫെസ്റ്റ് ==

== വായന മാസാചരണം ==

കുട്ടികൾക്കൊപ്പം ആടിയും പാടിയും പറഞ്ഞും കൊണ്ടുള്ള [https://youtu.be/3rNWWT7GGEk?si=7sviOldaE7bcugPR ജനാർദ്ദനൻ മാഷിൻ്റെ സർഗ്ഗവിരുന്ന്] കുട്ടികൾ നന്നായി ആസ്വദിച്ചു. ചടങ്ങിൽ വിവിധ ക്ലബ്ബുകളുടെ ഉദ്ഘാടനവും അദ്ദേഹം നിർവഹിച്ചു. എൽ.എസ്.എസ് വിജയികൾക്കുള്ള ഉപഹാര സമർപ്പണം വാർഡ് മെമ്പർ വി.അബ്ദുൽ കരീം നിർവഹിച്ചു. അവധിക്കാല വായന പദ്ധതിയായ 'അക്ഷര മധുരം' പരിപാടിയിൽ വായനാനുഭവങ്ങൾ പങ്കുവെച്ച വിദ്യാർത്ഥികൾക്കുള്ള സമ്മാനവിതരണവും നടന്നു. കുട്ടിപ്പുസ്തകപ്പുരയിലേക്കുള്ള അറബിക് കഥാപുസ്തകങ്ങൾ വിദ്യാലയത്തിലെ അറബിക് അധ്യാപിക സി.പി സുബൈബത്ത് ഹെഡ്മാസ്റ്റർക്ക് സമർപ്പിച്ചു. പി ടി എ വൈസ് പ്രസിഡൻറ് സൈദ് എം.പി, മദർ പി ടി എ ഷെഫീറ.സി, രഞ്ജിത ടീച്ചർ തുടങ്ങിയവർ ആശംസകളർപ്പിച്ച് സംസാരിച്ചു. പിടിഎ പ്രസിഡണ്ട് സി അബ്ദുല്ലയുടെ അധ്യക്ഷതയിൽ നടന്ന ചടങ്ങിൽ ഹെഡ്മാസ്റ്റർ കെ.പി വിനോദ് കുമാർ സ്വാഗതവും ലൈബ്രറി ഇൻ ചാർജ് സി.പി സുബൈബത്ത് നന്ദിയും പറഞ്ഞു.

== [https://youtu.be/QE8QSGC6Jr8?si=rpAei3dHnkD_gpi1 ബഷീർ ദിനം] ==

== [https://youtu.be/89aZgPFE7eE?si=z91_KxV8yCHBKGsG റെഡ് ഡേ] ==

== [https://youtu.be/IvaUmpgHcLU?si=PPHR4vKliEJvx6Gz സ്കൂൾ പാർലമെൻ്റ് തെരഞ്ഞെടുപ്പ്] ==

2024 ജൂലൈ 22ന് വിദ്യാലയത്തിലെ സോഷ്യൽ സയൻസ് ക്ലബ്ബിൻ്റെ നേതൃത്വത്തിൽ 2024-25 വർഷത്തെ സ്കൂൾ പാർലമെൻറ് തെരഞ്ഞെടുപ്പ് വിജ്ഞാപനം  പുറപ്പെടുവിച്ചു. നാമനിർദ്ദേശപത്രിക സമർപ്പണവും സൂക്ഷ്മ പരിശോധനയും ജൂലൈ 23ന് ഹെഡ്മാസ്റ്റർ ഉൾപ്പെടുന്ന സ്കൂൾ ഇലക്ഷൻ കമ്മീഷന്റെ നേതൃത്വത്തിൽ നടന്നു. ജൂലൈ 24 ബുധനാഴ്ച അന്തിമ സ്ഥാനാർത്ഥി പട്ടിക പ്രസിദ്ധീകരിച്ചു. സ്ഥാനാർത്ഥികൾക്ക് ചിഹ്നങ്ങൾ അനുവദിച്ചു നൽകി.ജൂലൈ 25ന് സ്ഥാനാർത്ഥികൾ തങ്ങൾക്ക് അനുവദിച്ച ചിഹ്നങ്ങളുമായി വോട്ട് തേടി പ്രചരണം നടത്തി. ജൂലൈ 26 വെള്ളിയാഴ്ച രാവിലെ 11 മണിക്ക് ഇലക്ഷൻ ആരംഭിച്ചു. ഒന്ന് മുതൽ അഞ്ചുവരെ ക്ലാസുകളിലെ വിദ്യാർത്ഥികൾ തങ്ങൾക്ക് ഇഷ്ടപ്പെട്ട സ്ഥാനാർത്ഥികൾക്ക് വോട്ട് രേഖപ്പെടുത്തി. 12.30 ന് തെരഞ്ഞെടുപ്പ് അവസാനിച്ചു. സ്കൂൾ ലീഡറായി അഞ്ചാം തരത്തിലെ മുഹമ്മദ് റാസി കെ യും ഡെപ്യൂട്ടി ലീഡറായി ഫാത്തിമ റന റാഷിദും തെരഞ്ഞെടുക്കപ്പെട്ടു.വിവരസാങ്കേതികവിദ്യയെ ഉപയോഗപ്പെടുത്തി തികച്ചും മാതൃകാപരമായ രീതിയിൽ  തന്നെയാണ് ഇത്തവണത്തെ ഇലക്ഷനും വിദ്യാലയത്തിൽ സംഘടിപ്പിച്ചത്. ജനാധിപത്യ പ്രക്രിയയുടെ ബാലപാഠങ്ങൾ സ്കൂൾ കാലഘട്ടങ്ങളിൽ തന്നെ കുട്ടികൾക്ക് അനുഭവവേദ്യമാക്കാൻ ഇതിലൂടെ സാധിച്ചു. ഇലക്ഷന്റെ സുഗമമായ നടത്തിപ്പിന് ഐ ടി കോഡിനേറ്റർ സി പി സുബൈബത്ത്,സോഷ്യൽ ക്ലബ്ബ് കൺവീനർ ടി വി ഷിൽന , പ്രധാനാധ്യാപകൻ കെ പി വിനോദ് കുമാർ തുടങ്ങിയവർ നേതൃത്വം നൽകി.

== [https://youtu.be/uKnN3fbrmZY?si=ipCB2sDI_b8GQctQ മാങ്കടവോണം 2K24] ==

വിജ്ഞാനത്തിന്റെയും വിനോദത്തിന്റെയും സർഗാത്മകതയുടെയും പുതിയ സാധ്യതകൾ വിദ്യാർത്ഥികൾക്ക് പകർന്നു നൽകാനായി മാങ്കടവ് ഗവൺമെന്റ് മാപ്പിള എൽ പി സ്കൂൾ റേഡിയോയായ റേഡിയോ മാങ്കടവിന്റെ പ്രവർത്തനോദ്ഘാടനം പാപ്പിനിശ്ശേരി ഉപജില്ലാ വിദ്യാഭ്യാസ ഓഫീസർ കെ ജയദേവൻ നിർവഹിച്ചു. ആർജെ നമീന മുഖ്യാതിഥിയായി. ഭാഷ ശാസ്ത്ര വിഷയങ്ങൾക്കൊപ്പം സംഗീതവും വിനോദ പരിപാടികളുമായി പതിനഞ്ചോളം പരിപാടികൾ. തിങ്കൾ,ബുധൻ, വെള്ളി ദിവസങ്ങളിൽ ഉച്ചഭക്ഷണ സമയത്തെ ഇടവേളയിലാണ് റേഡിയോ പ്രക്ഷേപണം  ഉണ്ടാവുക.ഇന്നോർമ്മ,അമ്മ മലയാളം,English Vibe,മധുരപ്പിറന്നാൾ,പുസ്തകച്ചങ്ങാത്തം,  

 

എന്റെഴുത്തുകൾ,സർഗലയം,വാർത്തകൾ,  

 

ശാസ്ത്രത്തിളക്കം,വൃത്തിയുള്ള മാങ്കടവ്,കൃഷിജാലകം,നാക്കുടക്കി,നന്മവെട്ടം, അതിഥിക്കൊപ്പം,പാട്ടുപെട്ടി എന്നിവയാണ് നിലവിലുള്ള പരിപാടികൾ.  

പാപ്പിനിശ്ശേരി ഉപജില്ലയിലെ മാങ്കടവ് ഗവ. മാപ്പിള എൽ പി സ്കൂളിൽ 2024 നവംബർ 1 നാണ് സ്കൂൾ റേഡിയോ ആയ [https://youtu.be/xhvzvFMbaZU?si=a-IxPrZ3V7PbeZST റേഡിയോ മാങ്കടവ്] ആരംഭിക്കുന്നത്. അക്കാദമികവും അക്കാദമികേതരവുമായി കുട്ടികൾ ആർജിക്കുന്ന ശേഷികൾ മറ്റൊരു മാധ്യമത്തിലൂടെ പുറം ലോകത്തേക്കെത്തിക്കാനുള്ള ഏറ്റവും മികച്ച ഉപാധിയായാണ് റേഡിയോയെ വിദ്യാലയ സമൂഹം കാണുന്നത്. റേഡിയോ പ്രക്ഷേപണത്തിന്റെ സർഗാത്മകവും സാമൂഹികവും സാങ്കേതികവുമായ തലങ്ങളെ പരിചയപ്പെടുകയാണ് ഓരോ വിദ്യാർത്ഥിയും. ഒന്നു മുതൽ അഞ്ചുവരെ ക്ലാസുകളിൽ നിന്നായി 26 പേരെയാണ് അവതരണത്തിനായി തെരഞ്ഞെടുത്തിട്ടുള്ളത്.അവർക്ക് അവതരണത്തിൽ മികവ് പ്രകടിപ്പിക്കാനായി പരിശീലനവും നൽകിയിട്ടുണ്ട്. ഇതുകൊണ്ടുതന്നെ ആത്മവിശ്വാസത്തിന്റെയും കൂട്ടുത്തരവാദിത്തത്തിന്റെയും വിജ്ഞാന വിനിമയത്തിന്റെയും വിവിധ മേഖലകൾ പരിചയപ്പെടുകയാണ് ഓരോ വിദ്യാർത്ഥിയും. പാട്ടുകളും കവിതകളും പ്രസംഗങ്ങളും  ഉൾപ്പെടെ എല്ലാ സർഗാത്മക കഴിവുകളിലും താൽപര്യം വളർത്തുക കൂടി  റേഡിയോ മാങ്കടവ് ലക്ഷ്യമിടുന്നുണ്ട്. റേഡിയോ എന്ന സാമൂഹ്യ സാംസ്കാരിക വിദ്യാഭ്യാസ രാഷ്ട്രീയ ഉത്പന്നത്തിന്റെ വർത്തമാന കാല പ്രസക്തി തിരിച്ചറിയുക കൂടിയാണ് ഇവിടുത്തെ കുട്ടിക്കൂട്ടം.

നിലവിൽ 15 പരിപാടികളാണ് പ്രക്ഷേപണം ചെയ്തുവരുന്നത്. വാർത്ത, റേഡിയോ പ്രക്ഷേപണം നടക്കുന്ന ദിവസങ്ങളിലെ പ്രത്യേകതകൾ അനാവരണം ചെയ്യുന്ന ഇന്നോർമ്മ, പാട്ടുപെട്ടി എന്നിവ എല്ലാ ദിവസവും പ്രക്ഷേപണം ചെയ്യുന്ന പരിപാടികളാണ്. കൂടാതെ അതാത് ദിവസങ്ങളിലെ കുട്ടികളുടെ പിറന്നാളുമായി ബന്ധപ്പെട്ടുള്ള മധുരപ്പിറന്നാൾ, വായനാനുനുഭവം പങ്കുവെക്കുന്ന പുസ്തകച്ചങ്ങാത്തം,സ്വന്തം രചനകൾ അവതരിപ്പിക്കാൻ എന്റെഴുത്തുകൾ, കുട്ടികളുടെ ശുചിത്വ പ്രവർത്തനങ്ങൾ രക്ഷിതാക്കൾ റിപ്പോർട്ട്‌ ചെയ്യുന്ന വൃത്തിയുള്ള മാങ്കടവ്, ലളിതവും നിത്യജീവിതവുമായി ബന്ധപ്പെട്ടതോ പാഠ ഭാഗത്തിന്റെ തുടർച്ചയായതോ ആയ ശാസ്ത്രസംബന്ധിയായ കുട്ടികളുടെ കണ്ടെത്തലുകൾ അവതരിപ്പിക്കുന്ന ശാസ്ത്രത്തിളക്കം, മലയാളഭാഷ പോഷണവുമായി ബന്ധപ്പെട്ട് അമ്മ മലയാളം, ഇംഗ്ലീഷ് ഭാഷ പോഷണ പരിപാടിയായി ഇംഗ്ലീഷ് വൈബ്, കുട്ടികളിൽ പ്രകടമാകുന്ന നന്മകളെ കുറിച്ച് രക്ഷിതാക്കളുടെ അനുഭവങ്ങൾ സാക്ഷ്യപ്പെടുത്തുന്ന