ജി.എച്ച്.എസ്.എസ്. പുല്ലങ്കോട്/എന്റെ ഗ്രാമം

chungathara agricultural farm

side view

സ്ഥാനം

GHSS Pullangode മലപ്പുറം ജില്ലയിലെ വണ്ടൂർ ബ്ളോക്കിൽ ചോക്കാട് ഗ്രാമപ‍‍ഞ്ചായത്തിൽ സ്ഥിതി ചെയ്യുന്നു

beautiful pic

പ‍ുല്ലങ്കോട്

മലപ്പുറം ജില്ലയിലെ കാളികാവ് ഗ്രാമ പഞ്ചായത്തിൽ സ്ഥിതി ചെയ്യുന്ന ഒരു ഗ്രാമമാണ് പുല്ലങ്കോട്. കാളികാവ് പഞ്ചായത്തിലെ പഴക്കം ചെന്ന തോട്ടമാണ് പുല്ലങ്കോട് എസ്റ്റേറ്റ്. 1906 കാലഘട്ടത്തിലാണ് ഇതിനാവശ്യമായ സ്ഥലം എടുത്തുതുടങ്ങിയത്. 1914-ൽ കമ്പനി ആക്ട് പ്രകാരം രജിസ്റ്റ്റർ ചെയ്തതായി അറിയുന്നു.1961-ൽ സ്രാമ്പിക്കല്ലിൽ ആരംഭിച്ച “ടാഗോർ വായനശാല”യാണ് ഇവിടുത്തെ ആദ്യഗ്രന്ഥശാല.ഫുട്ബോളാണ് പഞ്ചായത്തിലെ പ്രധാനപ്പെട്ട കായികയിനം.അധ്വാനശേഷി മാത്രം കൈമുതലായുണ്ടായിരുന്ന ഭൂരിപക്ഷം തദ്ദേശവാസികളുടെ ചിരകാലാഭിലാഷമായിരുന്നു ദേശത്തിന് ഒരു സ്ക്കൂൾ. 1962 മെയ് 28 ന് അവരുടെ കാത്തിരിപ്പിന് വിരാമമായി. "ഗവ. സെക്കന്ററി സ്ക്കൂൾ " എന്ന പേരിൽ പുല്ലങ്കോട് എസ്റ്റേറ്റിലെ സ്റ്റാഫ് ക്ലബിൽ സ്ക്കൂൾ പ്രവർത്തനമാരംഭിച്ചു.പിന്നീട് അത് വളർന്ന് ഹയർസെക്കന്ററി സ‍്കൂളായി മാറി.

HSS new block

നിലമ്പൂർ പെരുമ്പിലാവ് മലയോരഹൈവേയോട് ചേർന്ന അഞ്ചു ഏക്കറോളം സ്ഥലത്തു പ്രൗഢ ഗംഭീരമായ തലയെടുപ്പോടെ സ്ഥിതി ചെയുന്ന വിദ്യാലയമാണ് ജി .എച്ച് .എസ് .എസ്. പുല്ലങ്കോട് . പുല്ലങ്കോടിന്‌ ഒരു ഹൈസ്കൂൾ എന്ന ആശയം ആദ്യമായ് മുന്നോട്ടുവെച്ചത് . പുല്ലങ്കോട് ജി എം എൽ പി സ്കൂളിലെ അദ്ധ്യാപകനും കാളികാവ് സ്വദേശിയുമായ ശ്രീ .മൊയ്ദീൻകുട്ടി മാസ്റ്റർ ആയിരുന്നു. 1962 ഏപ്രിൽ 13 നു പുല്ലങ്കോട് എസ്റ്റേറ്റ് തൊഴിലാളികളുടേയും മറ്റും വിനോദകേദ്രമായിരുന്ന സ്റ്റാഫ് ക്ലബ്ബിന്റെ ആഘോഷപരിപാടികൾക്കു ഇടയിൽ തുടക്കം ഇട്ട ചർച്ച വിഷയം നാടിന്റെ സാമൂഹിക മാറ്റത്തിനു വിത്ത് പാകുന്നതായിരുന്നു. 1962 മെയ് 28 നു   ഗവണ്മെന്റ് സെക്കന്ററി സ്കൂൾ എന്ന പേരിൽ എസ്റ്റേറ്റിലെ സ്റ്റാഫ് ക്ലബ്ബിൽ ഇ സ്ഥാപനം  പ്രവർത്തനം ആരംഭിച്ചു.

1965 ഇൽ ആദ്യത്തെ എസ് എസ്‌ എൽ സി ബാച്ച് പുറത്തിറങ്ങി.

1971 ആഗസ്റ്റിൽ പുല്ലങ്കോട് ജി യു പി സ്കൂളിലെ യു പി  വിഭാഗം സ്കൂളിന്റെ  ഭാഗമായി.

1998   ഹയർ സെക്കന്ററി വിഭാഗം ആരംഭിച്ചു .

pullengode

ചരിത്രത്തില‍ൂടെ.......

പുല്ലങ്കോടിനെ കുറിച്ചു പറയുമ്പോൾ പുല്ലങ്കോട് എസ്റ്റേറ്റ് തന്നെയാണ് പ്രധാനം.തിരുവനന്തപുരം ആസ്ഥാനമായി പ്രവർത്തിക്കുന്ന ആസ്പിൻ വാൾ കമ്പനിയുടെ കേരളത്തിലെ ഏറ്റവും പഴക്കം ചെന്ന എസ്റ്റേറ്റ് ആണ് പുല്ലങ്കോട് റബ്ബർ എസ്റ്റേറ്റ്. മലപ്പുറം ജില്ലയിൽ കാളികാവ് ചോക്കാട് പഞ്ചായത്തുകളിലായി ഇത് പരന്നു കിടക്കുന്നു. 1867 ലാണ് ജോൺ ഹച്ചിൻസ് എന്ന ഇംഗ്ലീഷ് കാരൻ പ്രശസ്തമായ ആസ്പിൻവാൾ കമ്പനി സ്ഥാപിക്കുന്നത്. സ്വാതന്ത്ര്യത്തിനുശേഷം ഇംഗ്ലീഷുകാർ ഇന്ത്യ വിട്ടു പോയപ്പോൾ കമ്പനി തിരുവിതാംകൂർ രാജകുടുംബം വാങ്ങിക്കുകയായിരുന്നു.

ഘോര വനമായിരുന്ന ഇവിടുത്തെ പ്രധാന ആദിവാസി മൂപ്പന്റെ പേരായിരുന്നു "പുല്ലൻ ". ഇതാണ് പിന്നീട് പുല്ലങ്കോട് ആയി മാറിയത്. പുല്ലങ്കോട് അങ്ങാടിയിൽ നിന്നും രണ്ടര കിലോമീറ്റർ ദൂരം സഞ്ചരിച്ചാൽ മാനേജർ ബംഗ്ലാവിൽ എത്താം. ഒരു നൂറ്റാണ്ടിലേറെ പഴക്കമുള്ള ഈ ബംഗ്ലാവ് ഇന്നും അതിന്റെ തനിമ നഷ്ടപ്പെടുത്താതെ അതിസുന്ദരിയായി നിൽക്കുന്നത് കാണാം. അന്നത്തെ കാലത്ത് സിമന്റ് ഒട്ടും ചേർക്കാതെ സുർക്കി മിശ്രിതത്തിലാണ് ബംഗ്ലാവ് പണി കഴിപ്പിച്ചത്.

പ‍ുല്ലങ്കോട് എസ്‍റ്റേറ്റ് കവാടം‍‍‍

ഈ ബംഗ്ലാവുമായി ബന്ധപ്പെട്ട് എടുത്തു പറയാവുന്ന സംഭവം 1921 ലെ മലബാർ കലാപത്തിൽ അന്നത്തെ മാനേജർ ആയിരുന്നു ഈറ്റൻ സായിപ്പ് കൊലചെയ്യപ്പെട്ടതാണ്.പിന്നീട് ഒരുപാട് കാലത്തോളം എസ്റ്റേറ്റ് പൂട്ടിക്കിടന്നു. 1936 ൽ ജാക്സൺ സായിപ്പ് എസ്റ്റേറ്റിൽ മാനേജർ ആയി ചുമതല ഏറ്റതിനുശേഷം ആണ് എസ്റ്റേറ്റ് നല്ല രീതിയിൽ മുന്നോട്ട് പോയത്. ഇദ്ദേഹത്തിന്റെ പേരിൽ ഒരു ബിൽഡിങ് തന്നെ ഈ സ്കൂളിലുണ്ട്.

പുല്ലങ്കോട് സ്രാമ്പികല്ല് ചക്കിക്കുഴി  ചേനപ്പാടി പ്രദേശങ്ങളിൽ സമ്മിശ്ര സംസ്കാരവും ഭാഷാ ശൈലിയുമാണുള്ളത്. 1920 കൾക്ക് മുൻപ് തന്നെ ജൻമിമാരുടെ കുടിയന്മാരായ്യ് ഏറനാട്ടിന്റെയും പരിസരപ്രദേശത്തിന്റെയും പല ഭാഗങ്ങളിൽ നിന്നായി ഇവിടെ ആളുകൾ വന്നു തുടങ്ങി. ഏക്കര് കണക്കിന് സ്ഥലം ജന്മമായ് ഉണ്ടായിരുന്ന പുത്തൻപീടിയേക്കൽ ആലി ഹാജി കുക്കിൽ കേളുനാർ പോലെയുള്ള ജന്മി മാരും ഇവിടെ ഉണ്ടായിരുന്നു.

     സ്രാമ്പിക്കൽ പ്രദേശത്തിന്റെ പടിഞാറു വലിയ ഒരു ഭൂഭാഗം നിലമ്പുർകോവിലകം വക  ജന്മഭൂമിയായും കിഴക്കു പാടങ്ങളും പറമ്പുകളും മാറാട്ടു മനക്കൽ  വക ജന്മഭൂമിയായും കിടക്കുകയായിരുന്നു. 1921 നു ശേഷം പാലക്കാട് ജില്ലയിലെ വിവിധ പ്രദേശങ്ങളിൽ നിന്നും പാട്ടഭൂമിയിൽ കൃഷി ചെയ്യാനായി പലരും എത്തി.

schoolgate