"ഗവ.എൽ.പി.എസ് .കടക്കരപ്പള്ളി/നാടോടി വിജ്ഞാനകോശം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കേരളത്തിലെ സുപ്രസിദ്ധ തീർഥാടന കേന്ദ്രമായ സെന്റ്.മേരീസ് ഫൊറോന ദേവാലയമായ തങ്കിപ്പള്ളി സ്ഥിതി ചെയ്യുന്നത് ആലപ്പുഴ ജില്ലയിലെ ചേർത്തല താലൂക്കിൽ കടക്കരപ്പള്ളി പഞ്ചായത്തിലാണ്. ഏകദേശം 500 വർഷം പഴക്കമുള്ള തങ്കിപ്പള്ളി കൊച്ചി രൂപതയുടെ കീഴിലുള്ള റോമൻ ലാറ്റിൻ കാത്തലിക് ഫൊറോന ദേവാലയമാണ്. 1530 കുടുംബങ്ങളുള്ള വിസ്തൃതമായ ഇടവകയാണിത്. തങ്കപ്പള്ളിയുടെ കീഴിൽ നാല് ഇടവക ദേവാലയങ്ങളും നിരവധി ചാപ്പലുകളും ഉണ്ട്. 1936 ൽ അമ്മമാർ പിടിയരി കൂട്ടി സ്വരൂപിച്ച പണം കൊണ്ടു വാങ്ങിയ ഈശോയുടെ പീഡാനുഭവ തിരുസ്വരൂപത്താലാണ് തങ്കിപ്പള്ളിയെ തീർഥാടന കേന്ദ്രമായി ഉയർത്തിയത്. മുടിവളരുന്ന പീഡാനുഭവ തിരുസ്വരൂപം ദർശിച്ച് അനുഗ്രഹം പ്രാപിക്കുവാൻ ദിവസം തോറും നാനാ ജാതി മതസ്ഥരായ അനേകം ഭക്തർ ഇവിടെ എത്തുന്നു. എല്ലാവർഷവും ഫെബ്രുവരി 2ാം തീയതി പരിശുദ്ധ കന്യാമറിയത്തിന്റെ ശുദ്ധീകരണ തിരുനാൾ - ഇടവക തിരുനാൾ - കൊണ്ടാടുന്നു. പെസഹാ വ്യാഴം, ദുഖവെള്ളി ദിവസങ്ങളിലെ ഭക്തജനപ്രവാഹം തങ്കിപ്പള്ളിയുടെ മഹത്വം വിളിച്ചോതുന്നു. പെസഹാ വ്യാഴം നടക്കുന്ന ദീപ കാഴ്ച മതമൈത്രിയുടെ വെളിച്ചം പകരുന്നു. പിടിയരി സമർപ്പണം, തൊട്ടിൽ നേർച്ച ഇവയാണ് പ്രധാന നേർച്ചകൾ .