ജി. എച്ച്.എസ്.എസ് .,മുട്ടം/അക്ഷരവൃക്ഷം/കീടോൽക്കചൻ

കീടോൽക്കചൻ ഭൗമോത്ഭവം മുതൽ തന്നവനെത്തീ ഭൂമിയ്ക്കൊത്തൊരു മുതലായി,മുതലയായി മനുഷ്യപരിണാമത്താൽ അവനും വളർന്നൂ ആ ചക്രവ്യൂഹം ഭേദിക്കാനാഞ്ഞൂ കീടോൽക്കചൻ ഭീമന് ഭൂമിയിലുണ്ടായ കീടോൽക്കചൻ. സഹോദരനായിട്ടും സഹിക്കാൻ പറ്റാത്തവനായവൻ അന്നേമുതൽക്ക് അവൻ മനുഷ്യപ്പാളയങ്ങളിൽ വെട്ടിക്കയറി അവന്റെ കൂട്ടരൊരുപാടുപേരില്ലാതായ് കീടംപോലിഴഞ്ഞ മനുഷ്യബുദ്ധി വളർന്നൂ; ഒപ്പം കീടവും പല പല പൊയ്‍‍മുഖങ്ങളിൽ നടനമാടിയവനെത്തീ, കലിയുഗസംഹാരതാണ്ഡവമാടുവാൻ. നീണ്ടൊരു വാലും കുഞ്ഞൊരു കൊമ്പും വലിയൊരു കുമ്പയുമായെത്തീ വിപ്ലവാചാര്യൻ ദുസ്സാഹസമെന്നറിഞ്ഞിട്ടും അഭിമന്യുപോൽ ജീവിതചക്രവ്യൂഹങ്ങൾ ഭേദിക്കാനാഞ്ഞൂ. വഴികളിലിടയ്ക്കൊന്നിടറിത്തട്ടീ, മുട്ടീ ചക്രവാളം കടന്ന് തുരത്തപ്പെട്ടു. ആ മാമാങ്കമിന്നും തുടരവേ തലയെടുപ്പോടെ നിലപാടുതറ വെട്ടിപ്പിടിക്കാനാഞ്ഞൂ; പ്രകൃതിയുടെ ചാവേറുകൾ. ആനന്ദ് ശർമ്മ 10A ഗവൺമെന്റ് ഹയർസെക്കന്റ‍റി സ്ക്കൂൾ മുട്ടം അറക്കുളം ഉപജില്ല ഇടുക്കി അക്ഷരവൃക്ഷം പദ്ധതി, 2020 കവിത