സെന്റ്. ജോസഫ്‍സ് എൽ.പി.എസ്. ബാലരാമപുരം/അക്ഷരവൃക്ഷം/കൊറോണ വൈറസ്

കൊറോണ വൈറസ് മനുഷ്യരും,പക്ഷികളും ഉൾപ്പെടെയുള്ള സസ്തനികളിൽ രോഗമുണ്ടാക്കുന്ന ഒരു കൂട്ടം വൈറസുകളാണ് കൊറോണ വൈറസുകൾ. ഇവ ശ്വസന നാളിയെ ബാധിക്കുന്നു.കൂടാതെ ഈ വൈറസ് ഉദരത്തെയും ബാധിക്കാം. ലക്ഷണങ്ങൾ: ജലദോഷം, ചുമ, തൊണ്ടവേദന, തലവേദന, ന്യുമോണിയ എന്നിവയാണ് ഈ വൈറസ് ബാധയുടെ ലക്ഷണങ്ങൾ.ലോകാരോഗ്യ സംഘടന കൊറോണ വൈറസിനെ മഹാമാരിയായി പ്രഖ്യാപിച്ചു. ചികിത്സ:കൊറോണ വൈറസ് ബാധയ്ക്ക് കൃത്യമായ മരുന്ന് നിലവിലില്ല. പ്രതിരോധ വാക്സിനും ലഭ്യമല്ല. രോഗം തിരിച്ചറിഞ്ഞാൽ രോഗിയെ മറ്റുള്ളവരിൽ നിന്ന് ഐസൊലേറ്റ് ചെയ്യണം.തീവ്രപരിചരണം നൽകേണ്ടി വരും. രോഗിക്ക് വിശ്രമം ആവശ്യമാണ്. ശരീരത്തിൽ ജലാംശം നിലനിർത്താൻ ധാരാളം വെള്ളം കുടിക്കണം. ഉറവിടം: 2019 ഡിസംബറിൽ ചൈനയിലെ വുഹാനിലാണ് കൊറോണ വൈറസ് രോഗം ആദ്യമായി റിപ്പോർട്ട് ചെയ്തത്. വുഹാനിൽ പടർന്ന് പിടിച്ച ഈ വൈറസ് മൂന്ന് മാസത്തിനകം ലോകത്തിലെ എൺപതിലധികം രാജ്യങ്ങളിലേക്ക് വ്യാപിച്ചു കഴിഞ്ഞു. പ്രതിരോധം: * പരിസര ശുചിത്വവും, വ്യക്തിശുചിത്വവും പാലിക്കണം. കൈകൾ സോപ്പും, വെള്ളവും ഉപയോഗിച്ച് ഇരുപത് സെക്കന്റ് എങ്കിലും വൃത്തിയായി കഴുകണം. തുമ്മുമ്പോഴും, ചുമയ്ക്കുമ്പോഴും മൂക്കും, വായും തൂവാല ഉപയോഗിച്ച് മൂടണം. കഴുകാത്ത കൈകൾ കൊണ്ട് കണ്ണുകൾ, മൂക്ക്, വായ, തുടങ്ങിയ ഭാഗങ്ങളിൽ തൊടരുത്. പനി, ജലദോഷം എന്നിവയുടെ ലക്ഷണങ്ങൾ ഉള്ളവരോട് അടുത്ത് ഇടപഴകരുത്. രോഗബാധിതമായ പ്രദേശങ്ങളിലേക്കുള്ള യാത്ര ഒഴിവാക്കണം. വളർത്തുമൃഗങ്ങളിൽ നിന്ന് അകലം പാലിക്കുക. സഹായത്തിന് കേരള ആരോഗ്യ വകുപ്പിൽ ടോൾ ഫ്രീ നമ്പറായ 1056 ലേക്ക് വിളിക്കുക. പ്രിഷ ആർ പി 3 സെന്റ് ജോസഫ്‍സ് എൽ പി എസ് ബാലരാമപുരം ബാലരാമപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sheelukumards തീയ്യതി: 20/ 04/ 2020 >> രചനാവിഭാഗം - ലേഖനം