സെന്റ് ആൻറണീസ് എച്ച്. എസ്. എസ്. വലിയതുറ/അക്ഷരവൃക്ഷം/എൻെറ നാട്

എൻെറ നാട് ഭൂമിതൻ ആത്മാവു പിടയുന്നു കണ്ണീരു തൂകുന്നു വെമ്പലടക്കി മെല്ലെ മാനുഷർ നമ്മളിന്നെന്തിനോ വേണ്ടി അമ്മയാം ഭൂമിയെ വിറ്റുവെന്നോ ? മക്കളാം മാനുഷർ നമ്മളിന്നത്ര മേൽ ദുഷ്ടരായ് തീർന്നതു സത്യമെന്നോ ? പിടയുന്നു ഭൂമിതൻ നെഞ്ചകം തീയിൽ വെന്തുനീറും പച്ച ജീവനെപ്പോൽ ... മരമില്ല, മഴയില്ല, പുഴയില്ല , പാടവും വെട്ടിനിരത്തി നാം നിഷ്ക്കരുണം തണലില്ല, നീരില്ല , ശ്വസിക്കാൻ ശുദ്ധമാം പ്രാണവായുവുമില്ല ചുറ്റും പകരുന്ന വ്യാധികൾ വ്യാളി പോൽ ആർത്തല ച്ചണയുന്നു നമ്മിലേക്കനവരതം പ്രതിരോധ മാർഗങ്ങൾ തീർത്തു നാം അവയെ പിടിച്ചടക്കാനിനി എന്തു ചെയ്യും ? പരിസ്ഥിതി പ്രശ്നങ്ങൾ രൂക്ഷമായ് തീർന്നുവെ - ന്നിനിയും നിങ്ങളറിഞ്ഞതില്ലേ ? ക്രൂരനാം ഹിംസ്രജന്തുവിനേപ്പോലെ പകർച്ച വ്യാധികൾ പലതിനിയും നമ്മളെ വേട്ടയാടിപ്പിടിച്ചീടുവാനും ജീവന്റെ നാളം കെടുത്തുവാനും ഇടകൊടുക്കാതിരിക്കാൻ നമുക്കീ - മിച്ച ഭൂമിയെങ്കിലും കാത്തു പോറ്റാം ആഴിയും കുന്നും നിരപ്പായ മണ്ണും സസ്യലതകളും പക്ഷിമൃഗാദിയും ഊഴിയിൽമേവും മർത്യജൻമങ്ങളും ചേരുന്ന താളം ജീവനതാളം നഷ്ടപ്പെടുത്തായ്ക പ്രപഞ്ചതാളം കാത്തുവച്ചീടുക വരുന്നാളുകൾക്കായി....   ഫാഹിസ. എസ് 9 B സെൻറ് ആൻറണീസ് എച്ച്.എസ്. എസ് വലിയതുറ തിരുവനന്തപുരം സൗത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത