"ജി.എച്ച്.എസ്. പന്നിപ്പാറ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വോട്ടെടുപ്പിൻ്റെ പൂർണ്ണ നിയന്ത്രണം വിദ്യാർത്ഥികൾ തന്നെയായിരുന്നു നിർവഹിച്ചത്. ലിറ്റിൽ കൈറ്റ്സ്, ജൂനിയർ റെഡ് ക്രോസ് (ജെ.ആർ.സി) യൂണിറ്റുകളിലെ അംഗങ്ങൾ പ്രിസൈഡിംഗ് ഓഫീസർമാരായും പോളിംഗ് ഉദ്യോഗസ്ഥരായും മീഡിയ വിങ്ങായും പ്രവർത്തിച്ച് തിരഞ്ഞെടുപ്പ് സുഗമമാക്കി.

കേവലം ഒരു തിരഞ്ഞെടുപ്പ് എന്നതിലുപരി, ഉത്തരവാദിത്തം, നേതൃത്വപാടവം, ജനാധിപത്യ മൂല്യങ്ങൾ എന്നിവ വിദ്യാർത്ഥികളിൽ ഊട്ടിയുറപ്പിക്കാൻ ഈ പ്രവർത്തനത്തിന് കഴിഞ്ഞുവെന്ന് അധ്യാപകർ അഭിപ്രായപ്പെട്ടു. അധ്യാപകരായ കെ. ജംഷിദ്, ടി. ലബീബ്, സുരേഷ് ബാബു, പി. മുഹമ്മദ്, കെ. ഷിജിമോൾ, പി.സി. സിദ്ധീഖ് അലി, ശിഹാബ് തുടങ്ങിയവർ തിരഞ്ഞെടുപ്പ് പ്രവർത്തനങ്ങൾക്ക് നേതൃത്വം നൽകി.

=='''സ്വാതന്ത്ര്യത്തിൻ്റെ ഓർമ്മയിൽ പന്നിപ്പാറ ഹൈസ്കൂൾ'''==

പി.ടി.എ. പ്രസിഡൻ്റ് . മൻസൂർ ചോലയിൽ ചടങ്ങിൽ അധ്യക്ഷത വഹിച്ചു. എസ്എംസി ചെയർമാൻ അൻവർ ആലങ്ങാടൻ, എസ്ഡബ്ലിയുസി ചെയർമാൻ അബ്ദുൽ കരീം, അൻവർ കടൂരൻ എന്നിവർ ആശംസകൾ അർപ്പിച്ചു സംസാരിച്ചു. അധ്യാപകരായ സുരേഷ് ബാബു, പി. മുഹമ്മദ്, ഹബീബ് റഹ്മാൻ, നിസാം എന്നിവർ പ്രസംഗിച്ചു. സ്കൂൾ ലീഡർ നിയാസ് വിദ്യാർത്ഥികളെ പ്രതിനിധീകരിച്ച് സംസാരിച്ചു.

വിദ്യാർത്ഥികൾ അവതരിപ്പിച്ച ദേശഭക്തിഗാനങ്ങൾ, പ്രസംഗങ്ങൾ,  എന്നിവ ആഘോഷങ്ങൾക്ക് മാറ്റുകൂട്ടി. സ്വാതന്ത്ര്യത്തിൻ്റെ ഓർമ്മകൾ പുതുക്കിയും, രാജ്യത്തിൻ്റെ ശോഭനമായ ഭാവിക്കായി സ്വയം സമർപ്പിച്ചും വിദ്യാർത്ഥികൾ പരിപാടികളിൽ സജീവമായി പങ്കെടുത്തു. ചടങ്ങുകളുടെ ഭാഗമായി മധുരവിതരണവും നടന്നു.