"എ. എം .എം. ഹയർസെക്കണ്ടറി സ്കൂൾ ഇടയാറന്മുള/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

← മുൻപത്തെ വ്യത്യാസം

വ്യത്യാസം കാണൽവിക്കിഎഴുത്ത്

@@ വരി 674: / വരി 674: @@
 പ്രമാണം:37001-Republic day celebration-2.jpg
 </gallery>
+== രക്തസാക്ഷി ദിനാചരണം ==
+[[പ്രമാണം:37001-Assembly.jpg|ലഘുചിത്രം|257x257ബിന്ദു]]
+ജനുവരി 30 രക്തസാക്ഷി ദിനം ചരിത്രത്തെക്കുറിച്ചും, രക്തസാക്ഷികളുടെ സംഭാവനകളെക്കുറിച്ചും വിദ്യാർത്ഥികൾക്ക് അവബോധം നൽകുന്നു.രാജ്യത്തിനു വേണ്ടി ജീവൻ ബലി കഴിച്ച ധീരന്മാരെ സ്മരിക്കുകയും അവരുടെ ത്യാഗത്തെ ആദരിക്കുകയും ചെയ്യുക എന്നതാണ് രക്തസാക്ഷി ദിനത്തിന്റെ പ്രധാന ലക്ഷ്യം.
+ജനുവരി 31ന് സ്കൂൾ അസംബ്ലിയിൽ രക്തസാക്ഷി ദിനത്തിന്റെ പ്രാധാന്യത്തെ പറ്റി സ്കൂൾ മാനേജർ റവ ഡോ റ്റി റ്റി സക്കറിയ വിദ്യാർത്ഥികളോട് പ്രഭാഷണം നടത്തി. രക്തസാക്ഷികളുടെ ധീരതയും, ത്യാഗത്തെയും കുറിച്ച് വിദ്യാർത്ഥികൾക്ക് പ്രചോദനം നൽകുകയും, രാജ്യത്തിനു വേണ്ടി എന്തും ത്യജിക്കാൻ അവരെ പ്രേരിപ്പിക്കുകയും ചെയ്തു.
+== പഠന പിന്തുണ പ്രവർത്തനങ്ങൾ ==
+എ എം എം ഹയർസെക്കൻഡറി സ്കൂൾ ഇടയാറന്മുള 2024-25 അധ്യയന വർഷത്തിൽ അർധവാർഷിക മൂല്യനിർണ്ണയത്തിന്റെ അടിസ്ഥാനത്തിൽ 5 മുതൽ 9 വരെ ക്ലാസുകളിലെ കുട്ടികൾക്കായി വിവിധ പഠന പിന്തുണ പ്രവർത്തനങ്ങൾ നടത്തി. ഇതിനായി എസ് ആർ ജി  യോഗം ചേർന്ന് തീരുമാനങ്ങൾ എടുത്തു. ഡിസംബർ 30, 31 തീയതികളിൽ പരീക്ഷാ പേപ്പറുകൾ നൽകുകയും ജനുവരി 1 മുതൽ 9 വരെ വിവിധ ക്ലാസുകൾക്ക് പി ടി എ മീറ്റിംഗുകൾ നടത്തുകയും ചെയ്തു.
+, 6, 7, 8 ക്ലാസുകളിലെ E ഗ്രേഡ് നേടിയ കുട്ടികൾക്ക് അതത് വിഷയ അധ്യാപകർ പ്രത്യേക പഠന സഹായം നൽകി. 9, 10 ക്ലാസുകളിലെ D, E ഗ്രേഡ് വിദ്യാർത്ഥികൾക്കായി രാവിലെ 9 മണി മുതൽ സ്പെഷ്യൽ ക്ലാസുകളും പഠന പിന്തുണ പ്രവർത്തനങ്ങളും നടത്തി. എസ് എസ് എൽ സി  പരീക്ഷ എഴുതുന്ന കുട്ടികൾക്ക് കൂടുതൽ ശ്രദ്ധ നൽകി.
+ജനുവരി 3 ന് പ്രഥമാധ്യാപികയുടെ നേതൃത്വത്തിൽ പഠന പിന്തുണ പ്രവർത്തനങ്ങളുടെ വിശകലന യോഗം കൂടുകയും തുടർന്ന് ജനുവരി 7 ന് എസ് ആർ ജി കൺവീനർ പുനരനുഭവ പ്രവർത്തനങ്ങളുടെ ആസൂത്രണം വിലയിരുത്തുകയും ചെയ്തു. ഇതിന്റെ ഭാഗമായി കുട്ടികളുടെ പഠനശേഷി വിലയിരുത്തി വ്യക്തിഗത പഠന പദ്ധതികൾ തയ്യാറാക്കി. മലയാളം, ഗണിതം, ശാസ്ത്രം, സാമൂഹ്യശാസ്ത്രം എന്നീ വിഷയങ്ങൾക്ക് മുൻഗണന നൽകി ഓഡിയോ വിഷ്വൽ സാമഗ്രികൾ, പ്രവർത്തനങ്ങൾ, ഗ്രൂപ്പ് വർക്കുകൾ എന്നിവ ഉപയോഗിച്ച് പഠനം കൂടുതൽ ആകർഷകമാക്കി. അധ്യാപകരും രക്ഷിതാക്കളും ചേർന്ന് കുട്ടികളുടെ പഠന പ്രശ്നങ്ങൾ പരിഹരിക്കാൻ ശ്രമിച്ചു. ഇടയ്ക്കിടെ പഠന പുരോഗതി വിലയിരുത്തുകയും പ്രോത്സാഹനവും പുനർവിചിന്തനവും നൽകുകയും ചെയ്തു.
+അർധവാർഷിക പരീക്ഷയ്ക്ക് ശേഷം കുട്ടികൾക്ക് പഠന പിന്തുണ നിർദ്ദേശങ്ങൾ നൽകുന്ന ഒരു ചോദ്യാവലി ക്ലാസ് ഗ്രൂപ്പിൽ നൽകുകയും കുട്ടികളെക്കുറിച്ചുള്ള വിവരങ്ങൾ ശേഖരിക്കുകയും ചെയ്തു. ഇതിലൂടെ കുട്ടികളുടെ പഠനശീലങ്ങൾ, പരീക്ഷാ ഭയം, തയ്യാറെടുപ്പ്, ആരോഗ്യം, കുടുംബ പശ്ചാത്തലം, താൽപ്പര്യങ്ങൾ, പഠന സമയം, രീതി, പരിസ്ഥിതി, പഠനോപകരണങ്ങൾ എന്നിവ മനസ്സിലാക്കാൻ സാധിച്ചു.
+ജനുവരി 30 ന് ഓരോ വിഷയ അധ്യാപകരും പഠന പിന്തുണ പ്രവർത്തന റിപ്പോർട്ട് അവതരിപ്പിച്ചു. ഗണിതത്തിൽ ബുദ്ധിമുട്ടുള്ളവർക്ക് അടിസ്ഥാന ആശയങ്ങൾ പഠിപ്പിച്ചു, ഭാഷയിൽ പിന്നോക്കം നിൽക്കുന്നവർക്ക് വായന, ശ്രവണ പരിശീലനങ്ങളും ഗ്രൂപ്പ് പ്രവർത്തനങ്ങളും നൽകി, ശാസ്ത്രത്തിൽ പിന്നോക്കം നിൽക്കുന്നവർക്കായി ലാബ് അധിഷ്ഠിത പഠനം നടത്തി. ജനുവരി 31 ന് ക്ലാസ്റൂം തല വിലയിരുത്തലും ഫെബ്രുവരി 5 ന് എസ് ആർ ജി തല വിലയിരുത്തലും നടന്നു.
+പ്രത്യേക പരിഗണന അർഹിക്കുന്ന 11 കുട്ടികൾക്കായി ക്ലാസ് ടീച്ചർമാരുടെ നിർദ്ദേശപ്രകാരം അസസ്മെന്റ് നടത്തി അവരുടെ കഴിവുകളും കുറവുകളും കണ്ടെത്തി ഗ്രോസ് മോട്ടോർ, ഫൈൻ മോട്ടോർ ആക്ടിവിറ്റികളിലും വായന, എഴുത്ത്, ലിസണിംഗ് എന്നിവയിലും പിന്തുണ നൽകി. വായനാ കാർഡുകൾ, ഫ്ലാഷ് കാർഡുകൾ തുടങ്ങിയവ ഉപയോഗിച്ചു. പെയിന്റിംഗ്, കളറിംഗ്, എണ്ണ പഠിപ്പിക്കൽ, കൂട്ടൽ, കുറയ്ക്കൽ എന്നിവയ്ക്ക് പ്രത്യേക പഠനോപകരണങ്ങൾ ഉപയോഗിച്ചു. കളികളിലൂടെ ഗണിതക്രിയകൾ പഠിപ്പിച്ചു. കഥകൾ പറഞ്ഞ് ചോദ്യോത്തരങ്ങൾ നടത്തി. മലയാളം ചിഹ്നങ്ങൾ ഉറപ്പിക്കാൻ പരിശീലനം നൽകി. ഓർമ്മശക്തി കൂട്ടാൻ മൈൻഡ് ഗെയിംസുകൾ നടത്തി.
+ഹിന്ദി, ഇംഗ്ലീഷ്, കണക്ക്, ബയോളജി, ഫിസിക്സ്, സാമൂഹ്യശാസ്ത്രം, കെമിസ്ട്രി, മലയാളം എന്നീ വിഷയങ്ങളിൽ കുട്ടികൾ നേരിടുന്ന പ്രശ്നങ്ങളും അതിനുള്ള പഠന പിന്തുണ പ്രവർത്തനങ്ങളും വിശദമായി നൽകിയിട്ടുണ്ട്. ഓരോ വിഷയത്തിലും പിന്നോക്കം നിൽക്കുന്ന കുട്ടികൾക്കായി പ്രത്യേക ക്ലാസുകൾ, പഠനോപകരണങ്ങൾ, പ്രവർത്തനങ്ങൾ, രക്ഷിതാക്കളുമായുള്ള ആശയവിനിമയം എന്നിവ നടത്തി കുട്ടികളുടെ പഠന നിലവാരം ഉയർത്താൻ ശ്രമിച്ചു.
+=== പഠന പിന്തുണ പ്രവർത്തനങ്ങളുടെ ഫലപ്രാപ്തി ===
+ജനുവരി മുതൽ ഫെബ്രുവരി വരെയുള്ള കാലയളവിൽ നടത്തിയ പഠന പിന്തുണ പ്രവർത്തനങ്ങൾ വിദ്യാർത്ഥികളുടെ പഠനപരമായ ബുദ്ധിമുട്ടുകൾ തിരിച്ചറിഞ്ഞ് അവയെ മറികടക്കാൻ സഹായിച്ചു. വിഷയപരമായ വിലയിരുത്തലുകൾ നടത്തി പഠന രീതികൾ ക്രമീകരിക്കുകയും വിദ്യാർത്ഥികളുടെ ആത്മവിശ്വാസം വർദ്ധിപ്പിക്കുകയും ചെയ്തു.
+വിവിധ വിഷയങ്ങളിലെ പിന്തുണ പ്രവർത്തനങ്ങളിലൂടെ വായന, എഴുത്ത്, കേൾവി, ഗണിതം, ശാസ്ത്രം എന്നിവയിലുള്ള കുട്ടികളുടെ കഴിവുകൾ മെച്ചപ്പെടുത്തി. ഗ്രൂപ്പ് പ്രവർത്തനങ്ങൾ, ഓഡിയോ-വിഷ്വൽ സാമഗ്രികൾ, അധ്യാപക-രക്ഷിതാക്കളുടെ സഹകരണം, ഐ സി ടി ഉപയോഗം എന്നിവ പഠനം കൂടുതൽ ആകർഷകമാക്കി. പ്രത്യേക പരിഗണന അർഹിക്കുന്ന കുട്ടികൾക്കുള്ള വ്യക്തിഗത പഠന പദ്ധതികൾ അവരുടെ അടിസ്ഥാന വിദ്യാഭ്യാസം മെച്ചപ്പെടുത്തുകയും പഠന ഭയം കുറയ്ക്കുകയും ചെയ്തു.
+ഇടയ്ക്കിടെ നടത്തിയ മൂല്യനിർണയങ്ങളിലൂടെ കുട്ടികളുടെ പുരോഗതി വിലയിരുത്തി ആവശ്യമായ മാറ്റങ്ങൾ വരുത്തി. ഈ പ്രവർത്തനങ്ങളുടെ ഫലമായി കുട്ടികളുടെ പഠനശേഷി മെച്ചപ്പെടുകയും പരീക്ഷാ ഭയം കുറയുകയും പഠനത്തിൽ താല്പര്യം വർദ്ധിക്കുകയും ചെയ്തു. ഇത് വിദ്യാർത്ഥികളുടെ അഭിമാനവും ആത്മവിശ്വാസവും വർദ്ധിപ്പിക്കുകയും മികച്ച ഫലങ്ങൾ നേടാൻ സഹായിക്കുകയും ചെയ്തു.
+== പഠനോത്സവം 2024 -25 ==
+ഇടയാറൻമുള എ എം എം ഹയർ സെക്കൻഡറി സ്കൂളിലെ പഠനോത്സവം 2025 ഫെബ്രുവരി 20 ന് വ്യാഴാഴ്ച വൈകുന്നേരം മൂന്ന് മണിക്ക് സ്കൂളിൽ വെച്ച് നടന്നു. ബഹുമാനപ്പെട്ട പ്രധാനാധ്യാപിക അനിലാ സാമൂവൽ അധ്യക്ഷത വഹിച്ചു. സ്റ്റാഫ് സെക്രട്ടറി  ജെബി തോമസ് സ്വാഗതം ആശംസിച്ചു. പന്തളം ബ്ലോക്ക് പഞ്ചായത്ത് വൈസ് പ്രസിഡന്റ്  അശ്വതി വിനോജ് പഠനോത്സവം ഉദ്ഘാടനം ചെയ്തു. സീനിയർ അധ്യാപിക  സുനു മേരി സാമുവേൽ, പിടിഎ വൈസ് പ്രസിഡന്റ്  അശ്വതി വിനോജ് എന്നിവർ ആശംസാ പ്രസംഗം നടത്തി. ബിന്ദു കെ ഫിലിപ്പ് നന്ദി രേഖപ്പെടുത്തി. രക്ഷിതാക്കളുടെയും ജനപ്രതിനിധികളുടെയും സാന്നിധ്യം പഠനോത്സവത്തിന് ഉണ്ടായിരുന്നു.
+തുടർന്ന് കുട്ടികളുടെ പഠന മികവുകൾ പ്രകടിപ്പിക്കുന്ന പരിപാടികൾ അരങ്ങേറി. യുപി വിഭാഗത്തിൽ നിന്ന് കാവ്യാലാപനം, നൃത്താവിഷ്കാരം, ഗണിത പസിൽ, സയൻസ് വർക്കിംഗ് മോഡൽ,  സൗരയൂഥം എന്നിവ അവതരിപ്പിച്ചു. ഹൈസ്കൂൾ വിഭാഗത്തിൽ നിന്ന് ഇംഗ്ലീഷ് സ്കിറ്റ്, ഹിന്ദി സ്കിറ്റ്, ഏകാങ്ക നാടകം, ഗണിത ക്വിസ്, ഹിന്ദി പ്രസംഗം, സയൻസ് സ്റ്റിൽ മോഡൽ തുടങ്ങിയവയും അവതരിപ്പിച്ചു.
+കൂടുതൽ വിവരങ്ങൾ അറിയുവാൻ [[എ. എം .എം. ഹയർസെക്കണ്ടറി സ്കൂൾ ഇടയാറന്മുള/പ്രവർത്തനങ്ങൾ/2024-25/പഠനോത്സവം|പഠനോത്സവം]]<nowiki/>പേജ് സന്ദർശിക്കുക
+== ജൂനിയർ ലിറ്റിൽ കൈറ്റ്സ് ക്ലബ്ബ് ഉദ്ഘാടനം ==
+ഇടയാറന്മുള എ.എം.എം. ഹയർ സെക്കന്ററി സ്കൂളിൽ ജൂനിയർ ലിറ്റിൽ കൈറ്റ്സ് ക്ലബ്ബിന്റെ ഉദ്ഘാടന ചടങ്ങ് 2025 ഫെബ്രുവരി 21-ന് സ്കൂൾ ഐ.ടി. ലാബിൽ ഉജ്ജ്വലമായി നടന്നു. വിദ്യാർത്ഥികൾക്ക് സാങ്കേതിക വിദ്യയുടെ അടിസ്ഥാനങ്ങളിലെത്താനും, പുതിയ പഠനാനുഭവങ്ങൾ കൈവരിക്കാനുമുള്ള വാതായനമായ ലിറ്റിൽ കൈറ്റ്സ് ക്ലബ്ബിന്റെ ആദ്യ സമ്മേളനം സജീവ പങ്കാളിത്തത്തോടെ നടന്നു.പരിപാടിക്ക് ആമുഖം നൽകികൊണ്ട് എബിൻ ജിയോ മാത്യു നൽകിയ ഹൃദ്യമായ സ്വാഗതത്തോടെ ചടങ്ങുകൾ ആരംഭിച്ചു. തുടർന്ന്, സ്കൂൾ ഹെഡ്മിസ്ട്രസ് അനില സാമുവൽ ക്ലബ്ബിന്റെ ഔപചാരിക ഉദ്ഘാടനം നിർവഹിച്ചു.സീനിയർ അധ്യാപിക സുനു മേരി സാമുവൽ, സുജ ജേക്കബ്, സൂസൻ ബേബി എന്നിവർ ആശംസകളർപ്പിച്ചു.
+ക്ലബ്ബിന്റെ ലക്ഷ്യങ്ങൾ, പ്രവർത്തനരീതികൾ, വിദ്യാർത്ഥികൾക്ക് ലഭ്യമായ പ്രയോജനങ്ങൾ എന്നിവയെക്കുറിച്ച് കൈറ്റ്സ് മിസ്ട്രസ് ലക്ഷ്മി പ്രകാശ് വിശദീകരിച്ചു. ലിറ്റിൽ കൈറ്റ്സ് ക്ലബ്ബിന്റെ ഭാഗമാകുന്നതിലൂടെ ലഭിച്ച അനുഭവങ്ങൾ വിശദീകരിച്ച് അഖിൽ പി. സന്തോഷ് തന്റെ അനുഭവങ്ങൾ പങ്കുവച്ചു. ഈ ക്ലബ്ബിൽ അംഗത്വം നേടുന്നതിലൂടെ ലഭിക്കുന്ന ഗുണങ്ങളും സാധ്യതകളും വിശദമായി പ്രതിപാദിച്ച അഖിൽ, കുട്ടികളിൽ താല്പര്യം വർദ്ധിപ്പിക്കുകയും കൂടുതൽ വിദ്യാർത്ഥികളെ ലിറ്റിൽ കൈറ്റ്സിന്റെ ഭാഗമാകാൻ പ്രചോദിപ്പിക്കുകയും ചെയ്തു. 5, 6, 7 ക്ലാസുകളിലെ ജൂനിയർ ലിറ്റിൽ കൈറ്റ്സ് അംഗങ്ങളായ വിദ്യാർത്ഥികൾ ഈ ചടങ്ങിൽ പങ്കെടുത്തു. വിദ്യാർത്ഥികൾക്ക് പുതിയ അറിവുകളും അനുഭവങ്ങളും കൈമാറാൻ ഈ സമ്മേളനം വലിയൊരു അവസരമായി മാറി. ചടങ്ങിന്റെ അന്തിമഘട്ടത്തിൽ റോഷിൻ ആനി ജോയി നന്ദിപ്രഖ്യാപനം നടത്തി. സാങ്കേതികവിദ്യയിലൂടെ വിദ്യാർത്ഥികളുടെ കഴിവുകൾ വികസിപ്പിക്കാനുള്ള ഒരു വലിയ സംരംഭമാണ് ജൂനിയർ ലിറ്റിൽ കൈറ്റ്സ്.
+== സമഗ്ര ഗുണമേന്മ വിദ്യാഭ്യാസ പദ്ധതി   ==
+പൊതുവിദ്യാഭ്യാസ മേഖലയുടെ ഗുണമേന്മ വർധിപ്പിക്കുന്നതിന്റെ ഭാഗമായി സമഗ്ര ഗുണമേന്മ വിദ്യാഭ്യാസ പദ്ധതി 2024-25 അക്കാദമിക് വർഷത്തിൽ നടപ്പിലാക്കുവാൻ തീരുമാനിക്കപ്പെട്ടു. ഇതിന്റെ ഭാഗമായി എട്ടാം ക്ലാസ്സിലെ വാർഷിക പരീക്ഷയിൽ സബ്ജക്ട് മിനിമം എന്ന മാനദണ്ഡം ഈ വർഷം മുതൽ പ്രാബല്യത്തിൽ കൊണ്ടുവന്നു. ഒരു അധ്യയന വർഷത്തിനുള്ളിൽ ആവശ്യമായ പഠനലക്ഷ്യങ്ങൾ നേടാനാവാത്തതും, പരീക്ഷയിൽ 30 ശതമാനത്തിലധികം മാർക്ക് നേടാനാവാത്തതു കാരണം, അത്തരത്തിൽ ഗ്രേഡ് D (30-39 മാർക്ക്) നേടാത്ത വിദ്യാർത്ഥികളെ അടുത്ത ക്ലാസിലേക്ക് മുൻകൂട്ടിയുള്ള പ്രവേശനം അനുവദിക്കരുതെന്ന് നിർദേശിച്ചിരുന്നു.
+ഇതിന് അനുബന്ധമായി, ഇടയാറന്മുള എ എം എം ഹയർ സെക്കന്ററി സ്കൂളിൽ 2025 ഏപ്രിൽ 7 മുതൽ എല്ലാ പ്രവൃത്തി ദിവസങ്ങളിലും രാവിലെ 9:30 മുതൽ 12:00 വരെ കൃത്യമായ ടൈംടേബിൾ പ്രകാരം അധ്യാപകർ ക്ലാസുകൾ കൈകാര്യം ചെയ്യുന്നു. പഠന പിന്തുണയ്ക്കായി ആവശ്യമായ വിഷയങ്ങളിൽ പ്രത്യേക ക്ലാസുകൾ എടുക്കുന്നതിനായി വിദ്യാർത്ഥികളുടെ രക്ഷിതാക്കളെ പങ്കെടുപ്പിച്ചുള്ള പി.ടി.എ മീറ്റിംഗ് സ്കൂളിൽ വിളിച്ചു ചേർന്നു. ഈ മീറ്റിംഗിൽ ക്ലാസുകളിലെ കുട്ടികളുടെ മാർക്ക് വിവരങ്ങൾ രക്ഷിതാക്കളെ ബോധ്യപ്പെടുത്തി, കൂടുതൽ പഠന പിന്തുണ ആവശ്യമായ കുട്ടികളെ തിരഞ്ഞെടുത്തു.
+ക്ലാസുകൾക്കായി ഓരോ ദിവസവും വിധേയമായ ടൈംടേബിൾ തയ്യാറാക്കി, വിവിധ വിഷയങ്ങളിലായി അധ്യാപകരെ ചുമതലപ്പെടുത്തി. കുട്ടികളുടെ ഹാജർ കൃത്യമായി രേഖപ്പെടുത്തി. ക്ലാസുകളെക്കുറിച്ചുള്ള എല്ലാ വിവരങ്ങളും രക്ഷിതാക്കളെ വാട്സ്ആപ്പ് ഗ്രൂപ്പുകൾ മുഖേന അറിയിച്ചു. ഓരോ ദിവസവും ഹെഡ്മിസ്ട്രസ്സ് അനില സാമൂവലിന്റെ നേതൃത്വത്തിൽ ക്ലാസുകളുടെ ഫലപ്രാപ്തി വിലയിരുത്തുകയും ആവശ്യമായ നിർദേശങ്ങൾ നൽകുകയും ചെയ്തു.അധ്യാപികയായ സയന വർഗീസ്  പഠന പിന്തുണ പ്രവർത്തനങൾക്ക്  നേതൃത്വം നൽകി.
+ഈ സംരംഭത്തിലൂടെ വിദ്യാർത്ഥികൾക്ക് ലളിതമായ രീതിയിൽ അവരുടെ ഒഴിവായ പഠനക്ഷമതകൾ കണ്ടെത്താനും മെച്ചപ്പെടുത്താനുമുള്ള അവസരമൊരുക്കി. ഇതുവഴി അവരുടെ പഠനമെന്നതിന്റെ ഗുണമേന്മയും ആത്മവിശ്വാസവും വർധിപ്പിക്കാനായി ഇടയാന്മുള എ.എം.എം. ഹയർ സെക്കണ്ടറി സ്കൂളിലെ അധ്യാപകരുടെയും രക്ഷിതാക്കളുടെയും കൂട്ടായ പരിശ്രമത്തിലൂടെ ഈ പദ്ധതി വിജയകരമായി നടപ്പാക്കി.
+=== സംസ്ഥാന, ഉപജില്ലാതല പരിശോധനകൾ ===
+സ്കൂളിലെ പ്രവർത്തനങ്ങൾ പരിശോധിക്കുന്നതിനായി സംസ്ഥാന സമഗ്ര ഗുണമേന്മ പദ്ധതിയുടെ ചുമതലയുള്ള ജോയിന്റ് ഡയറക്ടർ ശ്രീകല ടീച്ചർ ഏപ്രിൽ എട്ടാം തീയതി സ്കൂളിൽ എത്തി. കുട്ടികളുടെ ഉത്തരക്കടലാസുകൾ, മാർക്ക് ലിസ്റ്റ്, സമയപട്ടിക, ആക്ഷൻ പ്ലാൻ, എസ്.ആർ.ജി. രജിസ്റ്റർ, മിനിറ്റ്സ് ബുക്ക്, അധ്യാപകരുടെയും കുട്ടികളുടെയും ഹാജർ ബുക്ക് എന്നിവ അവർ പരിശോധിച്ചു. ഏപ്രിൽ പതിനാറാം തീയതി ആറന്മുള ഉപജില്ലാ വിദ്യാഭ്യാസ ഓഫീസർ മല്ലിക. ആർ. സ്കൂളിൽ പരിശോധന നടത്തുകയും ക്ലാസുകളും മറ്റ് അനുബന്ധ രേഖകളും വിലയിരുത്തുകയും ചെയ്തു.