ജി എം യു പി എസ് മാവൂർ/എന്റെ ഗ്രാമം

= മാവൂർ =

മാവൂർ

       കോഴിക്കോട് ജില്ലയുടെ കിഴക്കേ അറ്റത്ത് നഗരത്തിൽ നിന്നും 19  km അകലത്തിൽ മലപ്പുറം ജില്ലയുടെ സമീപത്തായാണ് മാവൂർ .ചാലിയാർ പുഴ കോഴിക്കോടിനും മലപ്പുറത്തിനും അതിർ വരയിടുമ്പോൾ ചാലിയാറിനു മുകളിലൂടെ എളമരം പാലം ഇവരെ കൂട്ടിച്ചേർക്കുന്നു .

     മാവൂരിന്റെ ഹൃദയഭാഗത്തായി പഞ്ചായത്ത് ഓഫീസ് ,പഞ്ചായത്ത് ഷോപ്പിംഗ് കോംപ്ലക്സ് ,പബ്ലിക് ലൈബ്രറി ,പോലീസ് സ്റ്റേഷൻ ,എന്നിവയെല്ലാം സ്ഥിതി ചെയ്യുന്നു .ഗവണ്മെന്റ് ഹയർ സെക്കന്ററി സ്കൂൾ ,ഗവണ്മെന്റ് ഹൈസ്കൂൾ ,ഗവണ്മെന്റ് യു പി സ്കൂൾ ,കൂടാതെ നിരവധി എയ്ഡഡ് -അൺ എയ്ഡഡ്  സ്കൂളുകളും ഇവിടെയുണ്ട് .

     1960വരെ ഒരു സാധാരണ ഗ്രാമമായിരുന്നു മാവൂർ 1964ൽ ബിർള സ്ഥാപിച്ച ഗ്വാളിയോർ റയോൺസ് കമ്പനി യുടെ വരവോടെ ഒരു വികസന കുതിപ്പാണ് കാണിച്ചത് .പൾപ്പ് ,ഫൈബർ എന്നിവയുടെ നിർമാണം വിശാലമായ 316ഏക്കർ ഭൂമിയിൽ പുരോഗമിച്ചു .എന്നാൽ പരിസര മലിനീകരണവും ചാലിയാറിലെ ജലമലിനീകരണവും പരിസരവാസികളുടെ എതിർപ്പുകൾക്കു വഴിവെച്ചു .ഇതേ തുടർന്ന് 1985  ഗ്രാസിം ഭാഗികമായും പിന്നീട് 2001ൽ പൂർണമായും അടച്ചു .ഒരു കാലത്ത് ഇന്ത്യ മുഴുവനും അറിയപ്പെട്ടിരുന്ന ഗ്രാസിം ,സ്വദേശികൾക്കും അന്യസംസ്ഥാനക്കാരാക്കും ഒട്ടനവധി തൊഴില്സാധ്യതകൾ നൽകിയിരുന്ന ഗ്രാസിം ,അതിന്റെ കെട്ടിടങ്ങളും 316ഏക്കർ ഭൂമിയും  നഷ്ടപ്രതാപത്തിന്റെ ഓർമകളും പേറി ഇന്നും മാവൂരിലുണ്ട് .

     കൃഷി വളരെ സമൃദമായി നടക്കുന്ന ഒരു പ്രദേശം കൂടിയാണ് മാവൂർ .നെല്ല് ,വാഴ ,മറ്റു പച്ചക്കറികൾ എന്നിവയെല്ലാം ഇവിടെ കൃഷി ചെയ്യുന്നു .

    വ‍‌‌ർഷങ്ങക്ക് മുൻപ് ഇഷ്ടിക നിർമാണം വ്യാപകമായ സമയത്ത് മാവൂരിനു സമീപപ്രദേശമായ തെങ്ങിലക്കടവിൽ നിന്നും കളിമണ്ണ് ധാരാളമായി കടത്തിയിരുന്നു . അതിനു ശേഷം ഊർക്കടവ് റെഗുലേറ്റർ കം ബ്രിഡ്ജ് വരുകയും ഇഷ്ടിക കളങ്ങളായിരുന്ന സ്ഥലങ്ങളെല്ലാം  അതുകാരണം വെള്ളക്കെട്ടായി മാരുകയും ചെയ്തു .  ഈ പ്രദേശം ഇന്ന് വിവിധയിനം ദേശാടന പക്ഷികളുടെ വിഹാര കേന്ദ്രമാണ് .

പദോൽപ്പത്തി

മാവൂരിൻ്റെ പഴയ പേര് പുൽപ്പറമ്പ് അല്ലെങ്കിൽ മലയാളത്തിൽ "ഹേഫീൽഡ്സ്" എന്നായിരുന്നു , കാരണം ഈ പട്ടണത്തിൽ ഓട് മേഞ്ഞ വീടുകൾക്കുള്ള പുല്ല് സൂക്ഷിച്ചിരുന്നു. (മലയാളത്തിൽ പുൽ എന്നാൽ "പുല്ല്/വൈക്കോൽ", പറമ്പ് എന്നാൽ "വയൽ".)

ഭൂമിശാസ്ത്രം

കോഴിക്കോട് നഗരത്തിൽ നിന്ന് 21 കിലോമീറ്റർ കിഴക്കായി ചാലിയാർ നദിയുടെ തീരത്താണ് മാവൂർ .

വിദ്യാഭ്യാസ സ്ഥാപനങ്ങൾ

• ജി.എം.യു.പി സ്കൂൾ, മാവൂർ ജി.എച്ച്.എസ്.എസ് ,മാവൂർ മഹ്‌ളറ പബ്ലിക് സ്കൂൾ (സിബിഎസ്ഇ) മഹ്ളാറ ആർട്സ് & സയൻസ് കോളജ് ക്രസൻ്റ് ഇംഗ്ലീഷ് സ്കൂൾ സെൻ്റ് മേരീസ് ഇംഗ്ലീഷ് മീഡിയം സ്കൂൾ അടുവാട് എ.യു.പി ,സ്കൂൾ, ജി.യു.പി സ്കൂൾ, അരയങ്കോട് എഎൽപി സ്കൂൾ എഎൽപി സ്കൂൾ കണ്ണിപ്പറമ്പ് ഗവ യുപി സ്കൂൾ മണക്കാട്, ചെറൂപ്പ, ഗവ എൽപി സ്കൂൾ നെച്ചിക്കാട്, ചെറൂപ്പ.

സംസ്കാരം

നിരവധി ക്ഷേത്രങ്ങളും മസ്ജിദുകളും പള്ളികളും സമീപ സ്ഥലങ്ങളിൽ സ്ഥിതി ചെയ്യുന്നു . കൽച്ചിറ ശ്രീ നരസിംഹമൂർത്തി ക്ഷേത്രം, കണ്ണിപ്പറമ്പ് ശിവക്ഷേത്രം, മാവൂർ ജുമാമസ്ജിദ്, വലിയ ജുമാമസ്ജിദ്, കൽപ്പള്ളി ജുമാമസ്ജിദ്, ക്രൈസ്റ്റ് ദി കിംഗ് ചർച്ച്, ലിറ്റിൽ ഫ്ലവർ ചർച്ച് എന്നിവയാണ് മാവൂരിലെ പ്രധാന മതകേന്ദ്രങ്ങൾ.

ആർട്സ് ആൻഡ് സ്പോർട്സ് ക്ലബ്ബുകൾ ജനങ്ങളുടെ സാംസ്കാരിക അഭിലാഷങ്ങളെ നയിക്കുന്നു.

ഗ്രാമപഞ്ചായത്ത് ഓഫീസിൻ്റെ താഴത്തെ നിലയിലാണ് മാവൂർ പബ്ലിക് ലൈബ്രറി.

ഒരുകാലത്ത് ദേശാടനക്കിളികളുടെ പറുദീസയായിരുന്ന മാവൂർ നീർത്തടം, ഇന്ന് നാശത്തിൻറെ വക്കിൽ കോഴിക്കോട് : ആയിരക്കണക്കിന് പക്ഷികളാണ് ഓരോ ദിനവും മാവൂരിലെ നീർത്തടങ്ങളിൽ വിരുന്നെത്തിയിരുന്നത് (Mavoor wetland migratory birds). വിദേശികളും സ്വദേശികളുമായ എണ്ണിയാൽ ഒടുങ്ങാത്ത നീർത്തട പക്ഷികൾ. പക്ഷി സ്നേഹികളുടെയും സഞ്ചാരികളുടെയും പറുദീസ ആയിരുന്നു മാവൂരിലെ തെങ്ങിലക്കടവ് മുതൽ പള്ളിയോൾ വരെയുള്ള നീർത്തട പ്രദേശങ്ങൾ. ഇതൊക്കെ ഏതാനും വർഷങ്ങൾ മുമ്പു വരെയുള്ള പഴയ കഥയാണ്. ഇന്ന് മഷിയിട്ടു നോക്കിയാൽ ഒറ്റ പക്ഷികളെ പോലും കാണാനാകില്ല. വിരുന്നെത്തിയ പക്ഷികളെല്ലാം മാവൂരിലെ നീർത്തടങ്ങളെ ഉപേക്ഷിച്ചു കഴിഞ്ഞു. പുല്ലും പായലും നിറഞ്ഞ് നീർത്തടം കാണാനാകാതെ നശിച്ചു പോയതാണ് പക്ഷികൾ മാവൂരിനെ വിട്ടകലാൻ കാരണം. നേരത്തെ 156 ഇനത്തോളം പക്ഷികൾ മാവൂരിലെ നീർത്തടങ്ങളിൽ വിരുന്നെത്തിയിരുന്നു. ഇതിൽ തന്നെ 53 ഇനം വിദേശ പക്ഷികളുമായിരുന്നു. ഏതുപക്ഷികളെയും അടുത്തു കാണാം എന്നതായിരുന്നു മറ്റ് പക്ഷി സങ്കേതങ്ങളിൽ നിന്നും മാവൂരിനെ വ്യത്യസ്‌തമാക്കിയിരുന്നത്. അതുകൊണ്ടുതന്നെ പക്ഷി സ്നേഹികൾക്ക് പുറമെ സ്‌കൂളുകളിൽ നിന്നും കോളജുകളിൽ നിന്നും പക്ഷികളെക്കുറിച്ച് അടുത്ത് അറിയുന്നതിനും പഠിക്കുന്നതിനും വേണ്ടി നിരവധി വിദ്യാർഥികളും എത്തിയിരുന്നു. ഒരു ദേശീയ പക്ഷി നിരീക്ഷണ ദിനം കൂടി കടന്നു പോകുമ്പോൾ അധികൃതരുടെ അനാസ്ഥ കാരണം മനോഹരമായ മാവൂരിലെ പക്ഷി സങ്കേതം (Mavoor bird sanctuary) തിരിച്ചു പിടിക്കാനാവാത്ത വിധം നശിച്ചു കൊണ്ടിരിക്കുകയാണ്.