"ജി എൽ പി എസ് കരുവാറ്റ നോർത്ത്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആലപ്പുഴ ജില്ലയിലെ കാർത്തികപ്പള്ളി താലൂക്കിലെ കരുവാറ്റ ഗ്രാമപ‍ഞ്ചായത്തിൽ വടക്കുഭാഗത്തായി ഒഴുകുന്ന പുത്തനാറിനാലും ഹരിതാഭനിറഞ്ഞ പാടശേഖരങ്ങളാലും ചുറ്റപ്പെട്ട വിദ്യാലയമാണ് ജി.എൽ.പി.എസ് കരുവാറ്റ നോർത്ത് എന്ന ഈ സർക്കാർവിദ്യാലയം. 1917 ൽ ഈ വിദ്യാലയം സ്ഥാപിതമായി ഈ സ്കൂൾ പടവല്യം സ്കൂൾ എന്ന  പേരിലും അറിയപ്പെടുന്നു.

കരുവാറ്റ പ‍ഞ്ചായത്തിലെ നൂറ് വർഷത്തിലധികം പഴക്കമുള്ള ഞങ്ങളുടെ സ്കൂൾ മികച്ച ഭൗതീകസൗകര്യങ്ങൾക്കൊണ്ട് മുൻനിരയിൽ നിൽക്കുന്നു.നൂറാംവാർഷികത്തോടനുബന്ധിച്ച് നവീകരിച്ച കെട്ടിടത്തിൽ നാല് ക്ലാസ് മുറികൾ,ഓഫീസ് റൂം ,ബാത്ത്റൂം,ലൈബ്രറി സൗകര്യങ്ങൾ എന്നിവ ഉണ്ട്.നാലാം ക്ലാസ് പ്രവർത്തിക്കുന്ന ക്ലാസ്റൂം ഹൈടെക് സൗകര്യത്തോട് കൂടിയതാണ്.ക്ലാസ് മുറികൾ പൂർണമായും വൈദ്യുതീകരിച്ചതാണ്.ഓരോ ക്ലാസ്മുറികളും ആവശ്യത്തിന് ഫാനുകൾ,ട്യൂബ് ലൈറ്റുകൾ,ടൈലുകൾപാകിയ തറകൾ എന്നിവയാൽ മികച്ചതാണ്.എൽ.കെ.ജി,യു.കെ.ജി ക്ലാസുകൾ പ്രത്യേകം സജ്ജീകരിച്ചിട്ടുണ്ട്.നവീകരിച്ച ക‍ഞ്ഞിപ്പുര,ശുദ്ധജലത്തിനായി കിണർ നവീകരിച്ച ടോയ്ലറ്റ് കോംപ്ലക്സ്,കുട്ടികൾക്ക് കൈകഴുകുന്നതിനായി നവീകരിച്ച വാഷ്ഏരിയ തുടങ്ങിയവയും ഉണ്ട്.ചിൽഡ്രൻസ് പാർക്ക്,ധാരാളം തണൽമരങ്ങൾ,മനോഹരമായ താമരക്കുളം,ഔഷധത്തോട്ടം തുടങ്ങിയവയാൽ ശിശുസൗഹൃദ അന്തരീക്ഷമാണ് സ്കൂളിനുള്ളത്