"എസ്.എൻ.ഡി.പി.എച്ച്.എസ്.എസ്. നീലീശ്വരം/നാടോടി വിജ്ഞാനകോശം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== ചില ഔഷധ അറിവുകൾ ==

=== അരൂത ===

നമ്മുടെ  പറമ്പുകളിൽ. പല തരത്തിലുള്ള ഔഷധ ച്ചെടികൾ കാണാൻ സാധിക്കും അത്തരത്തിലുളള  ഒരു ചെടിയാണ് അരൂത . അരൂത നമ്മുടെ  മുറ്റത്ത് ഉണ്ടെങ്കിൽ അവിടെ പാമ്പ് വരില്ല എന്നാണ് വിശ്വാസം .കൂടാതെ അരൂത ഉളള വീട്ടിൽ ആർക്കും അപസ്മാരം  ഉണ്ടാവുകയില്ല .അപസ്മാരം മൂലം തലചുറ്റി വീഴാൻ തുടങ്ങുന്ന  രോഗിയോട് അരുത് വീഴരുത്  എന്ന് പറയാൻ ഉളള ഔഷധമൂല്യം ഉളള ചെടിയാണ് അരൂത.അങ്ങനെ അരുത്  എന്ന വാക്കിൽ നിന്നുമാണ്  അരൂത എന്ന വാക്കുണ്ടായത് .  

=== തൊട്ടാവാടി ===

ഒന്ന് തൊട്ടാൽ  വാടിപോകുന്ന ചെടിയാണ്  തൊട്ടാവാടി .ഈ ചെടിയും നമ്മുടെ പറമ്പുകളിൽ ധാരാളമായി വളരാറുണ്ട് .

=== മഞ്ഞൾ ===

മഞ്ഞൾ ഇല്ലാത്ത അടുക്കള നമുക്ക്  ചിന്തിക്കാനേ സാധിക്കില്ല .പാചകത്തിന് മാത്രമല്ല  സൗന്ദര്യവർദ്ധക വസ്തുവായും  ഔഷധമായും നമ്മൾ മഞ്ഞൾ ഉപയോഗിക്കുന്നു .മഞ്ഞളിനെ സംസ്കൃതത്തിൽ 'നിശാ 'എന്നും ഇംഗ്ലീഷിൽ ടർമെറിക് എന്നും  പറയുന്നു .സിഞ്ചിബറേസി കുലത്തിൽ പെടുന്നു.പ്രമേഹം , കുഴിനഖം, ത്വക് രോഗങ്ങൾ,അലർജിസംബന്ധമായ  അസുഖങ്ങൾ , അനാവശ്യ രോമവളർച്ച , വിഷബാധ നേത്രരോഗങ്ങൾ , എന്നിവക്കെല്ലാം  മഞ്ഞൾ ഒരു സിദ്ധൗഷധം  തന്നെയാണ്.

=== നോനി ===

ഇരുപത്തി ഒന്നാം നൂറ്റാണ്ടിലെ  സർവരോഗ സംഹാരിയായ ഒറ്റമൂലി എന്ന  നിലയിൽ അറിയപ്പെടുന്ന. ഫലമാണ്  നോനി .നോനു , നോനോ , ഇന്ത്യൻ   മൾബെറി  എന്നീ പേരുകളിൽ ഇത് അറിയപ്പെടുന്നു . നോനി പഴമാണെങ്കിലും   രൂക്ഷമായ ഗന്ധം കാരണം നമുക്കിത് നേരിട്ട് ഉപയോഗിക്കാൻ  സാധിക്കില്ല .

വർധിപ്പിക്കാനും വേദന സംഹാരിയായി  പ്രവർത്തിക്കാനും നോനിക്കു  കഴിയും.

=== മുത്തിൾ ===

കരിന്തക്കാളി , കരിമുത്തിൾ ,കുടകൻ , കുടങ്ങൽ. എന്നെല്ലാം ഇതിനെ  പറയാറുണ്ട് .മണ്ഡൂകപർണി  എന്ന് സംസ്കൃതത്തിലും  പെന്നിവർട്ട്  ഏഷ്യാറ്റിക്  എന്ന്  ഇംഗ്ലീഷിലും  പറയും .സെൻറല്ലാ  ഏഷ്യാറ്റിക്  എന്നാണ്  ശാസ്ത്രീയനാമം  .ഹൈഡ്രോ  കോട്ടിലേസി  എന്ന കുലത്തിൽ  പെടുന്നു .ഈ ചെടി നനവുളള  സ്ഥലങ്ങളിൽ  നിലംപറ്റി വളരുന്നു .സമൂലം ഔഷധമായി  ഉപയോഗിക്കുന്നു . ത്വക് രോഗം ,നാഡീവ്യൂഹരോഗം ,ആമവാതം ,കരൾരോഗം  , വിക്കൽ എന്നിവക്കെല്ലാം ഔഷധമായി മുത്തിൾ ഉപയോഗിക്കുന്നു .

=== മുത്തങ്ങ ===

മുത്തങ്ങയെപ്പറ്റി കേട്ടിട്ടില്ലാത്ത  മലയാളികൾ ഉണ്ടാകില്ല .ആയുർവേദ വൈദ്യ ശാലയിൽ നിന്നു കിട്ടുന്ന മുസ്താരിഷ്ടം  കുട്ടികൾക്കു കൃമിശല്യത്തിനു കൊടുക്കുന്ന  മുത്തങ്ങ ചേർത്ത സിദ്ധൗഷധമാണ് .മുത്തങ്ങക്ക് കോര എന്ന് പേരുണ്ട് .ഇതിൽ ചെറുകോര  പെരുംകോര  എന്നീ രണ്ടു തരമുണ്ട് .കിഴങ്ങുവർഗമാണ്  ചെറുകോര  പെരുംകോരക്ക്  കിഴങ്ങ്  ഉണ്ടായിരിക്കില്ല .പെരും കോരകൊണ്ട്  പായ നെയ്യുന്നു .ഇതാണ് കോരപ്പായ്  അഥവാ പുൽപ്പായ് .മുസ്താ  എന്ന് സംസ്കൃതത്തിലും നട്ട് ഗ്രാസ് എന്ന് ഇംഗ്ലീഷിലുംഇത് അറിയപ്പെടുന്നു .സൈപ്പറേസി കുലത്തിൽപ്പെടുന്നു  .കുട്ടികൾക്കുണ്ടാകുന്ന രോഗങ്ങൾക്കാണ് അധികവും മുത്തങ്ങ ഉപയോഗിക്കുന്നത് .വയറിളക്കം , കരപ്പൻ ,  വിയർപ്പുനാറ്റം , കൃമിശല്യം , ഛർദി , വയറിലെ പ്രശ്നങ്ങൾ , പനി  എന്നിവക്കെല്ലാം ഔഷധമായി  മുത്തങ്ങ ഉപയോഗിക്കുന്നു .

=== വഴുതിനങ്ങ ===

ഭാരതത്തിൽ എല്ലായിടത്തും ഇത് കാണപ്പെടുന്നു .സംസ്കൃതത്തിൽ പീതഫല എന്നും ഇംഗ്ലീഷിൽ  ഭ്രിംജോൾ എന്നും  വഴുതിനങ്ങ അറിയപ്പെടുന്നു .സോളനേസി കുലത്തിൽ പെടുന്നു ഹൃദ്രോഗം  , രക്തസമ്മർദ്ദം  ,കൃമിശല്യം,രോഗപ്രതിരോധശക്തി, ചുമ, അലർജിസംബന്ധമായ തുമ്മൽ,രക്തക്കുറവ്,അമിതവിയർപ്പ്, കരൾസംബന്ധമായ രോഗങ്ങൾ, എന്നിവക്കെല്ലാം നല്ലൊരു പ്രതിവിധിയാണ് വഴുതിനങ്ങ ഉപയോഗിച്ചുളള ഔഷധകൂട്ടുകൾ  .

=== അത്തി ===

അത്യാർത്തവം ,  രക്തം ചുമച്ചു തുപ്പൽ , വായ്പ്പുണ്ണ് , അഞ്ചൈന പെക്ടോറിസ്  എന്നിവ മാറുവാൻ അത്തിപ്പഴം തിന്നുന്നത് നല്ലതാണ് . അത്തിമരത്തിൽ നിന്നെടുക്കുന്ന  വെള്ളവും അത്തിപ്പഴവും പ്രമേഹത്തിന്  അത്യുത്തമമാണ് .

മലബന്ധം , അത്യാർത്തവം  ,മോണപ്പഴുപ്പ് ,രക്തപിത്തം ,അർബുദം  അമിതവിശപ്പ് എന്നിവക്കെല്ലാം  ശമനം നൽകാൻ അത്തി  ഉപയോഗിച്ചുളള. വിവിധ ഔഷധക്കൂട്ടുകൾക്ക്  സാധിക്കും .

=== ആര്യവേപ്പ് ===

ആര്യവേപ്പിന്റെ  ഇലകൾ വായു മലിനീകരണത്തെ  തടയുന്നു . സംസ്കൃതത്തിൽ നിംബ:  എന്നും ഇംഗ്ലീഷിൽ. നീം ട്രീ  എന്നും അറിയപ്പെടുന്നു .അസഡിറാക്  ഇൻഡിക എന്നാണ്  ശാസ്ത്രീയനാമം. മിലിയേസീ കുടുംബത്തിൽ പെടുന്നു . പ്രമേഹം , ഛർദ്ദി , കുഷ്ഠം , വ്രണം , അർശസ് , മുടി നര , തിമിരം , മഞ്ഞപ്പിത്തം ,പാമ്പ് വിഷം ,  തേൾ വിഷം , ത്വക് രോഗങ്ങൾ ,താരൻ , സോറിയാസിസ്  എന്നിവയിലെല്ലാം വേപ്പിന്റെ വിവിധ ഭാഗങ്ങൾ ഉപയോഗിച്ചുണ്ടാക്കുന്ന  ഔഷധങ്ങൾ അനിതരസാധാരണമായ ഫലമാണ്  ചെയ്യുന്നത് .