എ.എൽ.പി.എസ് കോണോട്ട്/പ്രവർത്തനങ്ങൾ/2021-22.

ഓൺലൈൻ പ്രവേശനോത്സവം

ജ‍ൂൺ 1 ചൊവ്വാഴ്‍ച രാവിലെ പത്തുമണിക്ക് പ്രാർത്ഥനയോടെ പ്രവേശനോത്സവചടങ്ങുകൾ ആരംഭിച്ചു. ഗൂഗിൾമീറ്റിൽ തുടക്കത്തിലെ തന്നെ നാല്പതോളം രക്ഷിതാക്കൾ പങ്കാളികളായി.സ്‍ക‍ൂൾ ഹെഡ്‍മിസ്‍ട്രസ് സീന ടീച്ചർ വിശിഷ്ടാതിഥികളേയ‍ും നവാഗതരായ വിദ്യാർഥികളേയ‍ുംപരിപാടി യിലേക്ക് സ്വാഗതം ചെയ്‍ത‍ു.വാർഡ് മെമ്പർ ലിനി എംകെ അധ്യക്ഷത വഹിച്ചു.കുരുവട്ട‍ൂർ ഗ്രാമപഞ്ചായത്ത് പ്രസിഡൻറ് എ.സരിത പ്രവേശനോത്സവത്തിൻെറ ഔദ്യോഗിക ഉദ്ഘാടനം നിർവഹിച്ചു.തുടർന്ന് വിശിഷ്ടതിഥികളായ ജനപ്രതിനിധികളുടെയും ഉപജില്ലാ വിദ്യാഭ്യാസ ഓഫീസർ കെ ജെ പോൾ സാറുടെയും പ്രവേശനോത്സവ സന്ദേശങ്ങൾ പ്രദർശിപ്പിച്ചു.ത‍ുടർന്ന് നവാഗതരായ വിദ്യാർഥികളെ പ്രവേശനോത്സവ ഗാനത്തിൻറെ അകമ്പടിയോടെ പരിചയപ്പെടുത്തി.പി.ടി.എ പ്രസിഡണ്ട് റഷീദ് തൂമ്പറ്റ ,എം.പി.ടി.എ ചെയർപേഴ്‍സൺ ഫാരിദ , വിദ്യാർത്ഥി പ്രതിനിധി മെഹ്റിൻ എസ് അലി തുടങ്ങിയവർ ആശംസാസന്ദേശങ്ങൾഅവതരിപ്പിച്ചു.മോളി പി.എം ഉദ്ഘാടന ചടങ്ങിന് നന്ദി പ്രകാശിപ്പിച്ചു.തുടർന്ന് കുട്ടികളുടെ വൈവിധ്യങ്ങളായ കലാപരിപാടികൾ ഓൺലൈനിലൂടെ അവതരിപ്പിച്ചു.
ക‍ൂട‍ുതൽ ചിത്രങ്ങൾ
video-നമ്മടെ സ‍്ക‍ൂൾ ഓൺലൈൻ പ്രവേശനോത്സവം വീഡിയോ കാണാം

പരിസ്ഥിതി ദിനം

വൃക്ഷത്തൈ വിതരണം, ചിത്രരചന, ക്വിസ് മത്സരം തുടങ്ങി വിവിധ പരിപാടികളോടെ പരിസ്ഥിതി ദിനം ആചരിച്ചു. വീട‍ുകളിൽ പരിസ്ഥിതി ദിനസന്ദേശം ഓർമ്മപ്പെട‍ുത്തിക്കൊണ്ട് കുട്ടികൾ വൃക്ഷത്തൈകൾ നട്ട‍ു.പരിസ്ഥിതി ദിനാചരണത്തിൻെറ ഭാഗമായി ജ‍ൂൺ 5 ശനിയാഴ്ച ഓൺലൈൻ സാധ്യതകൾ ഉപയോഗപ്പെട‍ുത്തി വിവിധ പരിപാടികൾ നടന്ന‍ു.ഹെഡ്മിസ്ട്രസ് കുട്ടികൾക്ക് പരിസ്ഥിതി ദിന സന്ദേശം നൽകി.ജനപ്രതിനിധികൾ, പരിസ്ഥിതി പ്രവർത്തകർ എന്നിവരുടെ പരിസ്ഥിതിദിന സന്ദേശങ്ങൾ വാട്സാപ്പ് ഗ്രൂപ്പുകളിലൂടെ വിദ്യാർഥികൾക്ക് മുന്നിൽ അവതരിപ്പിച്ചു. ക്ലാസ് അധ്യാപകർ കുട്ടികൾക്ക് പ്രതിജ്ഞ ചൊല്ലി കൊടുക്കുകയും കുട്ടികൾ ഏറ്റുചൊല്ലുകയും ചെയ്തു.ചങ്ങാതിമരം,മരംതിരിച്ചറിയുക ,ചിത്ര രചന, മരം പരിചയപ്പെടുത്തൽ , പോസ്റ്റർ നിർമ്മാണം, കവിതാ ലാപനം..തുടങ്ങി മത്സരങ്ങളിലായി എല്ലാ വിദ്യാർത്ഥികളുടെയും പങ്കാളിത്തം ഉറപ്പു വരുത്തി.വീട്ടുവളപ്പിൽ മരങ്ങൾ നടുന്നതിന്റെയും പരിപാലിച്ചു വളർത്തുന്ന മരങ്ങളെ പരിചയപ്പെടുത്തുന്നതിന്റെയും ചിത്രങ്ങളും വീഡിയോകളും കുട്ടികൾ അതത്ക്ലാസ് ഗ്രൂപ്പുകളിൽ പങ്കുവെച്ചു.
ക‍ൂട‍ുതൽ ചിത്രങ്ങൾ
പരിസ്ഥിതി ദിനാചരണംവീഡിയോ കാണാം

വായനാദിനം

• 
• 
• 

2021 22 അധ്യയനവർഷത്തെ വായന വാരാചരണം വിവിധ പരിപാടികളോടെ ആഘോഷിച്ചു.പി എൻ പണിക്കർ അനുസ്മരണ പരിപാടികൾ സ്‌കൂളിൽ വായനാദിനാചരണം നടന്നു. കുട്ടികളിലെ വായനാഭിരുചി വളർത്തുക എന്ന ലക്ഷ്യം മുൻനിർത്തി സംഘടിപ്പിച്ച വിവിധ ഓൺലൈൻ പരിപാടികൾ സ്‌കൂൾ ഹെഡ്‍മിസ‍്ട്രസ് സീന.സി ഉദ്ഘാടനം ചെയ്തു. ഓൺലൈൻ ചോദ്യാവലി കവിതാലാപനം, വീഡിയോ പ്രദർശനം, മൈ ഹോം ലൈബ്രറി ആന്റ് സ്റ്റഡി കോർണർ വീഡിയോ പ്രസന്റേഷൻ എന്നിവ നടന്നു.

വായനാദിനാചരണം വീ‍ഡിയോ കാണാം

സ്വാതന്ത്ര‍്യദിനം

• 
• 
• 
• 

കോവിഡ് ‍‍ജാഗ്രത തുടര‍ുന്ന സാഹചര്യത്തിൽ ത‍ുടർച്ചയായ രണ്ടാം തവണയ‍ും സ്വാതന്ത്ര‍്യദിനാഘോഷം വലിയ രീതിയിൽ നടത്താൻ സാധിച്ചില്ല.ഹെഡ‍്മിസ‍്ട്രസ് സീന .സി പതാക ഉയർത്തി.വെർച്വൽ അസംബ്ലിയില‍ൂടെ മ‍ുഴ‍ുവൻ വിദ്യാർത്ഥികള‍ൂം ആഘോഷത്തിൽ പങ്കാളികളായി.ക‍ുട്ടികൾ വീട‍ുകളിൽ പതാകഉയർത്തുകയ‍ും വിവിധ പരിപാടികൾ അവതരിപ്പിക്കുകയും ചെയ്‍ത‍ു.സ്വാതന്ത്ര്യ ദിനത്തിൻറെ ഭാഗമായി നടന്ന വിവിധ ഓൺലൈൻ പരിപാടികളിൽ എല്ലാ വിദ്യാർത്ഥികളും പങ്കാളികളായി.

സ്വാതന്ത്ര‍്യദിനാഘോഷംവീഡിയോ കാണാം

സക‍ുട‍ുംബം സാഹിത്യക്വിസ്

• 
• 

കുന്ദമംഗലം ഉപജില്ല വിദ്യാരംഗം കലാസാഹിത്യ വേദി യുടെ ആഭിമുഖ്യത്തിൽ സകുടുംബം സാഹിത്യ ക്വിസ് മത്സരം നടന്നു. ക്ലാസ്‍തലം ഓഗസ്ത് 3 നും സ്‍ക‍ൂൾതലം ഓഗസ്ത് 5 നും പഞ്ചായ ത്ത് തലം ഓഗസത് 9 നും നടന്നു. സ്‍ക‍ൂൾ തലത്തിൽ ഒന്നാം സ്ഥാനം ആദിത് & ഫാമിലിയും രണ്ടാം സ്ഥാനം മെഹ്റിൻ എസ് അലി & ഫാമിലിയും മൂന്നാം സ്ഥാനം ജെഹ്ഫി ൽ & ഫാമിലിയും നേടി. പഞ്ചായത്ത്തലത്തിൽ ആദിത് & ഫാമിലിയ്ക്ക് മൂന്നാം സ്ഥാനം ലഭിച്ചു. ഉപജില്ലതലത്തിൽ ആദിത്ത് & ഫാമിലി രണ്ടാം സ്ഥാനതെത്തി ജില്ലാ തലത്തിലേക്ക് തിരഞ്ഞെടുക്കപെട്ടു.

കരവിര‍ുത് ഓൺലൈൻ പ്രോഗ്രാം

• 
• 
• 
• 
• 
• 

കുട്ടികളില‍ുളള വിവിധ സർഗ്ഗവാസനകൾ പ്രോത്സാഹിപ്പിക്കുന്നതിന് വേണ്ടി തുടക്കം കുറിച്ച ഓൺലൈൻ പരിപാടിയാണ് കരവിര‍ുത്.കടലാസ് പേപ്പർ കൊണ്ടും മറ്റു പായ് വസ്തുക്കളെ കൊണ്ടും മനോഹരമായ അലങ്കാരവസ്തുക്കളും ഉപകരണങ്ങളും കുട്ടികൾ നിർമിച്ചു വരുന്നു.ബി.ആർ.സി യുടെ നേതൃത്വത്തിലാണ് ഈ പരിപാടി നടക്കുന്നത്.

വീഡിയോ കാണാം

ലക്ഷ്യപാരൻറ്‍സ് ക്വിസ്

• 
• 

രക്ഷിതാക്കൾക്ക് വേണ്ടി 3 ഘട്ടങ്ങളിലായാണ് ലക്ഷ്യ ക്വിസ് മത്സരം നടക്ക‍ുന്നത്.ഒന്നാം ഘട്ടത്തിൽ എല്ലാ രക്ഷിതാക്കള‍ും മത്സരത്തിൽ പങ്ക‍ുചേര‍ും.രണ്ടാം ഘട്ടമത്സരം അധ്യയന വർഷ പക‍ുതിയിൽ നടക്ക‍ും തെരഞ്ഞെട‍ുത്ത രക്ഷിതാക്കളാണ് ഈ മത്സരത്തിൽ പങ്കെട‍ുക്കുക.കോവിഡ് സാഹചര്യത്തിൽ ഓൺലൈൻ വഴിയാണ് ഇത്തവണ മത്സരങ്ങൾ നടന്നത്.ആഗസ്റ്റ് 15ന് നടന്ന ഒന്നാം ഘട്ട മത്സരത്തിൽ സ്കൂളിലെ മുഴുവൻ രക്ഷിതാക്കളും പങ്കെടുത്തു .തെരഞ്ഞെടുത്ത 20 രക്ഷിതാക്കളെ ഉൾപ്പെടുത്തി എത്തി ഫെബ്രുവരി ആദ്യവാരം മത്സരങ്ങൾ നടക്കും.

ഓണനിലാവ്

• 
• 
• 
• 

വിവിധ ഓൺലൈൻ പരിപാടികളോടെ 2022 വർഷത്തെ ഓണാഘോഷം വിപുലമായി ആഘോഷിച്ചു.അത്തം നാൾ മുതൽ ആരംഭിച്ച വിവിധ പരിപാടികളിൽ സ്കൂളിലെ മുഴുവൻ വിദ്യാർത്ഥികളും രക്ഷിതാക്കളും പങ്കുചേർന്നു .ഓണം മാവോലിക്കൊരു കത്തെഴ‍ുതാം,ഓണപ്പൂക്കളം,ഓണച്ചൊല്ലുക ൾ,വീഡിയോ നിർമ്മാണം,കടംകഥ ക്വിസ് ,തുടങ്ങി പരിപാടികൾ കുട്ടികൾക്ക് ഏറെ ആവേശവും സന്തോഷവും പകർന്നു.അധ്യാപകരുടെ നേതൃത്വത്തിൽ നടന്ന ഓൺലൈൻ സംഗീതവിരുന്നും കുട്ടികൾക്ക് ഏറെ ആഹ്ലാദം പകർന്നു .

ഓണാഘോഷം വീഡിയോ കാണാം

ബഷീർ ദിനം

• 
• 
• 
• 
• 
• 

മലയാള നോവലിസ്റ്റും കഥാകൃത്തും സ്വാതന്ത്ര്യസമര പോരാളിയുമായിരുന്ന ബേപ്പൂർ സുൽത്താൻ വൈക്കം മുഹമ്മദ് ബഷീറിൻര മരിക്കാത്ത ഓർമകളുമായി കൊണാട്ട് സ്കൂളിൽ ബഷീർ ദിനം ആചരിച്ചു.ബഷീറിന്റെ പ്രിയ പുത്രൻ അനീസ് ബഷീർ പരിപാടി ഉൽഘടനം ചെയ്തു.ബഷീർ കഥാപാത്രങ്ങളുടെ രംഗാവിഷ്കാരം,ചിത്രരചന,അഭിനയം തുടങ്ങി വിവിധ പരിപാടികൾ നടന്നു.

ബഷീർ ദിനാചരണം വീഡിയോ കാണാം

ഹോം ലൈബ്രറി

• 
• 
• 
• 

കുട്ടികളിൽ വായനാശീലം പരിപോഷിപ്പിക്കുന്നതിനു വേണ്ടി രക്ഷിതാക്കളുടെയും നാട്ടുകാരുടെയും വിവിധ പുസ്തകപ്രസാധകരുടെയും സഹകരണത്തോടെ കുട്ടികളുടെ വീടുകളിൽ പ്രത്യേകം ലൈബ്രറി കോർണറുകൾ നിര്മിച്ചുവരുന്നു.പ്രത്യേക ഷെൽഫ് സംഘടിപ്പിച്ചും തട്ടുകൾ സ്ഥാപിച്ചും പൂർണ പിന്തുണയുമായി രക്ഷിതാക്കളും ഓരോ കുട്ടിക്കും വേണ്ട സപ്പോർട്ടുകൾ നൽകുന്നു.ഹോം ലൈബ്രറിയുടെ യുടെ ഔദ്യോഗിക ഉദ്ഘാടനം നാലാം ക്ലാസ് വിദ്യാർഥി മെഹറിൻ എസ് അലിയുടെ വീട്ടിൽ നടന്ന ചടങ്ങിൽ ഹെഡ്മിസ്ട്രസ് സീന ടീച്ചർ നിർവ്വഹിച്ചു.മാതൃഭൂമി ബുക്സ് നൽകുന്ന പുസ്തകങ്ങൾ ടീച്ചർ മെഹറിന് സമ്മാനിച്ചു.

പോഷൺ മാസാചരണം

• 
• 
• 
• 

കോണോട്ട് എ.എൽ.പി സ്‌കൂളിൽ പോഷൺ അഭിയാൻ മാസാചരണത്തിന്റെ ഭാഗമായി വിവിധ പ്രവർത്തനങ്ങൾ സംഘടിപ്പിച്ചു. ബാല്യകാലം മുതൽക്കെ നല്ല ആരോഗ്യ ശീലങ്ങൾ വളർത്തിയെടുക്കുവാനും ജീവിത ശൈലി രോഗങ്ങൾ വരാതെ സൂക്ഷിക്കുന്നതിനുമുള്ള ബോധവൽക്കരണ പ്രവർത്തനങ്ങളാണ് നടന്നു വരുന്നത്. ഓൺലൈൻ അസംബ്ലി, ഓൺലൈൻ ക്വിസ്സ്, പ്രഗത്ഭരെ പങ്കെടുപ്പിച്ചു കൊണ്ടുള്ള ബോധവൽക്കരണ ക്ലാസ്സുകൾ എന്നിവ നടത്തി. നാടൻ ര‍ുചി വിഭവങ്ങള‍ും കൂട്ടു‍കള‍ും പരിചയപ്പെട‍ുത്തിക്കൊണ്ടുള്ള ഡിജിറ്റൽ മാഗസിൻ ര‍ുചിദിനാചരണത്തിന്ഡറ ഭാഗമായി തയ്യാറാക്കി.

'നല്ല ഭക്ഷണം നല്ല ആരോഗ്യം'കു ട്ടികൾ ശേഖരിച്ച നാടൻ രുചിക്കൂട്ടുകൾ
-ര‍ുചി ഡിജിറ്റൽ മാഗസിൻ click here

ഗാന്ധിജയന്തി

• 
• 
• 
• 
• 

ഗാന്ധിജയന്തി ദിനാചരണത്തിന്റെ ഭാഗമായി ക്വിസ് മത്സരം ,വിദ്യാലയ ശുചീകരണം,ഗാന്ധിവേഷം ധരിക്കൽ തുടങ്ങി വിവിധ പരിപാടികൾ നടന്നു.ഒന്നാം ക്ലാസ് മുതൽ നാലാം ക്ലാസ് വരെയുള്ള എല്ലാ വിദ്യാർഥികളും വിവിധ മത്സരങ്ങളിലായി പങ്കാളിത്തം ഉറപ്പു വരുത്തി.വിവിധ മത്സര വിജയികൾക്ക് സ്കൂളിൽ നടന്ന ചടങ്ങിൽ സമ്മാനങ്ങൾ നൽകി.

ഭക്ഷ്യഭദ്രതാകിറ്റ്

• 
• 

സ്കൂൾ അവധിയായ സാഹചര്യത്തിൽ കുട്ടികൾക്ക് ഏർപ്പെടുത്തിയ ഭക്ഷ്യധാന്യങ്ങളും സ്കൂൾ pta യും അദ്ധ്യാപകരും ഏർപ്പെടുത്തിയ പഠനകിറ്റുകളും വിതരണം ചെയ്‍ത‍ു.അരി പഞ്ചസാര മറ്റ് പയർവർഗ്ഗങ്ങൾ ഞങ്ങൾ തുടങ്ങി ഉച്ചഭക്ഷണവുമായി ബന്ധപ്പെട്ട പലവ്യജ്ഞനങ്ങൾ ആണ് കിറ്റിലൂടെ വിതരണം ചെയ്തത്.പിടിഎ പ്രസിഡണ്ട് ടി റഷീദിൻറ നേതൃത്വത്തിലുള്ള പിടിഎ അംഗങ്ങൾ കിറ്റ് വിതരണത്തിന് നേതൃത്വം നൽകി.

ഡിജിറ്റൽ ലൈബ്രറി

• 
• 
• 
• 

ഓൺലൈൻ പഠനം വി‍ജയിക്കണമെങ്കിൽ എല്ലാ കുട്ടികൾക്കും സ്‍മാർട്ട് ഫോൺ അത്യാവശ്യമാണ്. ഈ സാഹചര്യത്തിൽ നമ്മുടെ സ്‍ക‍ൂളിലെ വളരെ പാവപ്പെട്ട, പഠിക്കാൻ സൗകര്യം ഇല്ലാത്ത കുട്ടികൾക്ക് താൽക്കാ ലികമായി ഇത്തരം സൗകര്യം ലഭ്യ മാക്കുന്നതിന് വേണ്ടി സ്‍ക‍ൂൾ അധ്യാപകരും പി.ടി.എ യ‍ും മ‍ുൻകൈയെട‍ുത്ത് സംഘടിപ്പിക്ക‍ുന്ന ഫോണ‍ുകളാണ് സ്‍ക‍ൂൾ ഡിജിറ്റൽലൈബ്രറിയില‍ൂടെ കുട്ടികൾക്ക് അനുവദിക്കുന്നത്.ഓൺലൈൻ പഠന സാധ്യതകൾ പ്രയാസമാവുന്ന കുട്ടികൾക്ക് വിവിധ ഏജൻസി കളുടെയും സംഘടനകളുടെയും സഹകരണത്തോടെ ഡിജിറ്റൽ ഫോണുകൾ സംഘടിപ്പിച്ചു നൽകി.കുരുവട്ടൂർ സർവീസ് സഹകരണ ബാങ്ക് , വിവിധ രാഷ്ട്രീയ സംഘടനകൾ,വ്യക്തികൾ എന്നിവർ ഈ പദ്ധതിയിൽ പങ്കുചേർന്നു.

അധ്യാപകദിനം

• 
• 
• 
• 
• 
• 

അദ്ധ്യാപക ദിനം വിവിധ പരിപാടികളോടെ നടന്നു.ആശംസ കാർഡ് നിർമാണം,ക്വിസ് മത്സരം,ഞാൻ അദ്ധ്യാപകനായാൽ ...തുടങ്ങി മത്സരങ്ങളിലായി വിവിധ വിദ്യാർഥികൾ പങ്കെടുത്തുഅധ്യാപക ദിനത്തിൻറെ ഭാഗമായി നടന്ന ഓൺലൈൻ പരിപാടി സ്കൂൾ ഹെഡ്മിസ്ട്രസ് സീന.ടീച്ചർ ഉദ്ഘാടനം ചെയ്തു.പിടിഎ പ്രസിഡണ്ട് മുഹമ്മദ് ടി,മോളി ടീച്ചർ,ഷിജി പി എന്നിവർ സംബന്ധിച്ചു.തുടർന്ന് കുട്ടികളുടെ വിവിധ കലാപരിപാടികളും നടന്നു.

അദ്ധ്യാപക ദിനം വീഡ‍ിയോ കാണാം

സജ്ജം-രക്ഷാകർതൃസംഗമം

• 
• 
• 
• 

നീണ്ട അവധി കാലത്തിനുശേഷം വിദ്യാലയങ്ങൾ തുടക്കം തുറക്കുന്നതിനു മുന്നോടിയായി സ്കൂളിൽ നടന്ന രക്ഷാകർത്തൃ സംഗമം വാർഡ് മെമ്പർ ലിനി.എംകെ ഉദ്ഘാടനം ചെയ്തു.രക്ഷിതാക്കൾ ഏറെയും പങ്കെടുത്തു.ആരോഗ്യം വിദ്യാഭ്യാസം സം മേഖലകളിലായി പ്രമുഖർ ക്ലാസുകളെടുത്തു.രക്ഷിതാക്കളുടെ സംശയങ്ങൾക്കും ആശങ്കകൾക്കും പരിഹാരങ്ങൾ നിർദേശിച്ചു.

ജനകീയശുചീകരണയജ്ഞം

• 
• 
• 
• 
• 

ദീർഘകാല അവധിക്ക് ശേഷം വിദ്യാർത്ഥികളെ സ്വീകരിക്കാൻ വിദ്യാലയ മുറ്റം ഒരുങ്ങിക്കഴിഞ്ഞു.പി.ടി.എ യുടെയും അധ്യാപകരുടെയും വിളിയാളം കേട്ട് ശുചീകരണ പ്രവർത്തനങ്ങൾക്കായി സർവ്വ സന്നാഹങ്ങളുമായി ഓടിയെത്തിയ രക്ഷിതാക്കൾ, കുടുംബശ്രീ പ്രവർത്തകർ, പൂർവ്വ വിദ്യാർത്ഥികൾ,നാട്ടുകാർ, വിദ്യാലയ വികസന സമിതി അംഗങ്ങൾ, രാഷ്ടീയ സംഘടന ഭാരവാഹികൾ.. തുടങ്ങിയവർ അക്ഷരാർത്ഥത്തിൽ വിദ്യാലയ മുത്തശ്ശിയെ അണിയിച്ചൊരുക്കുകയായിരുന്നു.വാർഡ് മെമ്പർ ലിനി. എം.കെ, പി.ടി.എ പ്രസിഡന്റ് ടി.മുഹമ്മദ്, ഹെഡ്മിസ്ട്രസ് സീന ടീച്ചർ എന്നിവർ നേരത്തെ തന്നെ എത്തിച്ചേർന്ന് ഈ സംരംഭത്തിന് ഊർജ്ജവും ആവേശവും പകർന്നുകൊണ്ടിരിന്നു.

നവം 1 തിരികെ സ്‍ക‍ൂളിലേക്ക്

• 
• 
• 
• 
• 
• 

കോവിഡ് കാലം നഷ്ടപ്പെടുത്തിയ നീണ്ട അവധിക്കാലത്തിന്‌ ശേഷം ആഹ്ലാദത്തോടെയാണ് വിദ്യാർഥികൾ സ്കൂൾ അങ്കണത്തിലെത്തിയത്.അതീവ ജാഗ്രതയോടെ എല്ലാ വിധ കോവിഡ്സുരക്ഷാസംവിദാനങ്ങളും ഒരുക്കിയാണ് വിദ്യാലയം കുട്ടികളെ വരവേറ്റത്.മൊത്തം കുട്ടികളെ 2 ഗ്രൂപ്പുകളാക്കി പകുതി കുട്ടികൾ മാത്രമാണ് ഓരോ ദിവസവും സ്കൂളിലെത്തുന്നത്.pta അംഗങ്ങളുടെയും അദ്ധ്യാപകരുടെയും നേതൃത്വത്തിൽ കുട്ടികളെ ക്ലാസ്റൂമുകളിലേക് ആനയിച്ചു.ഒന്നാം ദിവസം വീട്ടിലേക്ക് മടങ്ങുമ്പോൾ കുട്ടികൾക്കു മധുരസമ്മാനങ്ങളും വിതരണം ചെയ്തു.
തിരികെ സ്‍ക‍ൂളിലേക്ക് വീഡിയോ കാണാം

ശിശ‍ുദിനം

• 
• 

ശിശുദിനാഘോഷത്തിൻറെ ഭാഗമായി നെഹ്റു തൊപ്പി നിർമ്മാണം,നെഹ്റു ക്വിസ്സ്,കലാപരിപാടികൾ ത‍ുടങ്ങി വിവിധ കലാപരിപാടികൾ നടന്ന‍ു.ഗൂഗിൾ മീറ്റ് വഴി ക്ലാസ് തലത്തിൽ ബാലസഭകൾ നടന്ന‍ു.സ്കൂൾ ഹെഡ്മിസ്ട്രസ് സീന.ടീച്ചർ ഉദ്ഘാടനം ചെയ്തു.പിടിഎ പ്രസിഡണ്ട് മുഹമ്മദ് ടി,മോളി ടീച്ചർ,ഷിജി പി എന്നിവർ സംബന്ധിച്ചു.തുടർന്ന് കുട്ടികളുടെ വിവിധ കലാപരിപാടികളും നടന്നു.

നാട്ട‍ുര‍ുചി

• 
• 
• 

കുട്ടികൾക്കു പോഷകവും രുചികരവുമായ നടൻ ഭക്ഷണവിഭവങ്ങൾ ലഭ്യമാക്കുക എന്ന ലക്ഷ്യമാണ് നാട്ടുരുചി പദ്ധതിക്കുള്ളത്.ക‍ുട്ടികളുടെ വീടുകളിൽ വിളവെടുക്കുന്ന നാടൻ പച്ചക്കറികളും കിഴങ്ങുകളും ഇത്തരത്തിൽ സ്കൂൾ പാചകപ്പുരയിലെത്തുന്നു.ഉച്ചഭക്ഷണത്തോടൊപ്പം കുട്ടികൾക്കു സ്വാദിഷ്ടമായ വിഭവങ്ങളായി വിതരണം ചെയ്യുന്നു.ഉച്ചഭക്ഷണത്തോടൊപ്പം നാടൻ ഭക്ഷണവിഭവങ്ങൾ കൂടെ ഉൾപ്പെടുത്തുന്ന പദ്ധതിയാണ് നാട്ടുരുചി.2013 -14 ൽതുടക്കം കുറിച്ച ഈ പദ്ധതി പൊതുജനപൊതുജന പങ്കാളിത്തത്തോടെ ഇന്നും വിജയകരമായി നടന്നുകൊണ്ടിരിക്കുന്നു.എല്ലാ ബുധനാഴ്ചകളിലുമാണ് നാട്ടുരുചി പാചകപ്പുരയിലെത്തുന്നത്.കിഴങ്ങുകൾ,കപ്പ,ഉപ്പേരി ഇലകൾ,പച്ചക്കറികൾ ,പച്ചക്കായ ..തുടങ്ങി വിഭവങ്ങൾ കൊണ്ടുള്ള നാടൻഭക്ഷണങ്ങൾ എല്ലാ ബുധനാഴ്ചകളിലും കുട്ടികളുടെ ഭക്ഷണമെനുവിലെത്തുന്നു.

റേഡിയോ പ്രോഗ്രാം

• 
• 

വിനോദത്തിലൂടെ വിജ്ഞാനം പകർന്ന് കുട്ടികളുടെ മാനസികാരോഗ്യം വർധിപ്പിക്കുകയാണ് സ്‍കൂൾ റേഡിയോ ഉദ്ദേശിക്കുന്നത്.കോവിഡ് കാരണംസ്കൂളുകൾ പൂർണമായി തുറക്കാത്ത കാരണം ഈ വർഷത്തെ റേഡിയോ പരിപാടി പൂർണമായും ആരംഭിക്കാത്ത അവസ്ഥയാണുള്ളത്.പഠനസമയം ഒട്ടും നഷ്ടപ്പെടുത്താതെ എല്ലാ കുട്ടികൾക്കും പങ്കാളിത്തം ലഭിക്കുന്ന രീതിയിലാണ് റേഡിയോയുടെ പ്രവർത്തനം.ക്ലാസ്‍മ‍ുറികളിൽ സംവിധാനിച്ച ഓഡിയോ സിസ്റ്റത്തിലെ വാർത്താ വായനയും പ്രഭാതഭേരിയും ശ്രവിച്ചുകൊണ്ടാണ് കോണോട്ട് എ .എൽ .പി സ്കൂളിലെ ഓരോ ദിനവും കടന്നു പോവുന്നത്റേഡിയോ സ്റ്റുഡിയോയുടെ സർവ്വ സംവിധാനങ്ങളും ഒരുക്കി കുട്ടികൾക്ക് പുതിയ അനുഭവം സൃഷ്ടിക്കുകയാണിവിടെ.തിങ്കൾ മുതൽ വെള്ളി വരെ 3 സമയങ്ങളിലായി സംപ്രേഷണം ചെയ്യുന്ന റേഡിയോ പൂർണമായും കുട്ടികളുടെ നിയന്ത്രണത്തിൽ മുന്നോട്ട് പോകുന്നു

ഒപ്പത്തിനൊപ്പം

• 
• 

കോവിഡ് കാരണം വിദ്യാലങ്ങളിലെത്താതെ ഓൺലൈൻ പഠനം പൂർണ രീതിയിൽ സാധിക്കാതെ വിദ്യാലയങ്ങളിലെത്തിപ്പെട്ട കുട്ടികൾക്കു പാഠനശേഷികൾ മറ്റുള്ള കുട്ടികളോടൊപ്പമെത്തിക്കുന്നതിനു വേണ്ടിയാണു ഒപ്പം എന്ന ഈ പദ്ധതി ആവിഷ്കരിച്ചത്.ഓരോ ദിവസവും ഓരോ മണിക്കൂർ വീതം ഓരോ അധ്യാപകർ ഈ പദ്ധതിക്കായി സമയം മാറ്റി വെക്കുന്നു.അതിനാവശ്യമായ അധിക പുസ്തകങ്ങളും സംവിധാനങ്ങളും സ്കൂൾ പിടിഎയും അധ്യാപകരും ഒരുക്കുന്നു.രക്ഷിതാക്കളുടെ സജീവ ശ്രദ്ധയും കൂടെയുണ്ട്.

ആരോഗ്യപരിശോധന

• 
• 

കുരുവട്ടൂർ ഹെൽത്ത്സെൻററിനെ്റ സഹകരണത്തോടെ മുഴുവൻ കുട്ടികൾക്കും കോവിഡ് കാല ആരോഗ്യ പരിശോധന നടത്തി.പകർച്ചവ്യാധികളും വൈറൽ പനിയും വ്യാപകമാകുന്ന സാഹചര്യത്തിലാണ് കുട്ടികൾക്ക് ഇത്തരത്തിൽ പരിശോധനയും പ്രാഥമിക ചികിത്സയും നിർദ്ദേശങ്ങള‍ും നൽകുന്നത്.ജ‍ൂനിയർ ഹെൽത്ത് ഇൻസ്‍പെൿടർ ജീജ സിസ്റ്റർ നേത‍ൃത്വം നൽകി

അതിജീവനം

• 
• 
• 
• 
• 

കോവിഡ് ഭീതിയിൽ പഠനവും വിദ്യാലയവും വീട്ടകങ്ങളും അലോസരമായി അനുഭവപ്പെടുന്ന കുട്ടികൾക്ക് ആവേശവും മാനസിക പിന്തുണയും നലകിയ പരിപാടിയായിരുന്നു അതിജീവനം ക്യാമ്പ് .ഗ്രാമപഞ്ചായത് മെമ്പർ ലിനി എം കെ പരിപാടി ഉൽഘടനം ചെയ്തു.വിവിധ സെഷനുകൾ സീന.സി മോളി പിഎം ഷിജി പി സൽ‍മ മുഹമ്മദലി എന്നിവർ കൈകാര്യം ചെയ്തു.രസകരമായ കളികളും പാട്ടുകളുമായി അതിജീവന ദിവസം കുട്ടികൾ ആസ്വദിക്കുകയായിരുന്നു.കോവിഡ് ഇണ്ടേ വ്യാപനത്തിൽ ഒറ്റപ്പെട്ടുപോയ വേദനയിൽ നിന്ന് കരകയറാൻ അതിജീവനം കുട്ടികൾക്കേറെ ഉപകാരപ്രദമായി.

അറബിക് ദിനം

• 
• 
• 
• 
• 
• 

ഡിസംബർ 18 അന്താരാഷ്ട്ര അറബിക് ദിനത്തിന്റെ ഭാഗമായി വിവിധ പരിപാടികൾ ഓൺലൈൻ ആയും അല്ലാതെയും സംഘടിപ്പിച്ചു.അറബിക് കാലിഗ്രാഫി ,കയ്യെഴുത്,വായന മത്സരം,പട നിർമാണം തുടങ്ങി വിവിധ പരിപാടികളിലായി എല്ലാ വിദ്യാർത്ഥികളും പങ്കു ചേർന്നു .

ക്രിസ്‍തുമസ്

• 
• 
• 
• 

ക്രിസ്‍തുമസ് അവധി കഴിഞ്ഞ് പ‍ുതുവർഷത്തിൽ സ്കൂളിലെത്തിയ കൂട്ടുകാരെ ആഹ്ലാദ പൂർവ്വം വരവേറ്റ‍ു.ക്രിസ്തുമസ് ആഘോഷത്തിന് ഭാഗമായി ആയി star making,colouring എന്നീ മത്സരങ്ങളും നടന്നു.

ഹിരോഷിമ ദിനം

• 
• 
• 
• 
• 

സ്‌കൂളിൽ സീഡ് ക്ലബ്ബ് ഹിരോഷിമാ ദിനാചരണം നടത്തി. കുട്ടികൾ ബോധവത്കരണവും സുഡോക്കു നിർമ്മാണപരിശീലനവും നടന്നു. പോസ്റ്റർ പ്രദർശനം, നാടകാവതരണം എന്നിവയും സംഘടിപ്പിച്ചു.

റിപ്പബ്ലിക്ക് ദിനം

• 
• 
• 
• 

ജന‍ുവരി 26 - കുരുന്നുകളുടെ ആരവങ്ങളില്ലാതെ വീണ്ടു ഒരു റിപ്പബ്ലിക്ക് ദിനം കൂടി.അദ്ധ്യാപകരും ചുരുക്കം രക്ഷിതാക്കളും മാത്രം പങ്കെടുത്ത ലളിതമായ റിപ്പബ്ലിക്ക് ദിനാഘോഷമായിര‍ുന്നു ഇത്തവണ.റിപ്പബ്ലിക്കിനെ്‍റ ഭാഗമായി ഓൺലൈൻ പരിപാടികൾ സംഘടിപ്പിച്ചു.ദേശഭക്തി ഗാന മത്സരം പതാക നിർമാണ മത്സരം മരം റിപ്പബ്ലിക് ദിന ക്വിസ് മത്സരം എന്നീ മത്സരങ്ങളിലായി നിരവധി വിദ്യാർഥികൾ പങ്കെടുത്തു.
റിപ്പബ്ലിക്ക് ദിനാഘോഷകാഴ്‍ചകൾ കാണാം click here

പ്രീ പ്രൈമറി പ്രവേശനോത്സവം

• 
• 
• 
• 

ലോകമാതൃഭാഷാദിനം

• 
• 
• 

മാതൃഭാഷയുടെ മഹത്വവും സന്ദേശവും അറിയിച്ച് സ്കൂൾ വിദ്യാർത്ഥികൾ ജനപ്രതിനിധികൾക്കും പൊതുപ്രവർത്തകർക്കും കത്തുകളയച്ചു.സ്നേഹപൂർവ്വം ജനപ്രതിനിധികൾക്ക് ..പരിപാടിയുടെ ഭാഗമായാണ് കുരുവട്ടൂർ ഗ്രാമപഞ്ചായത്ത് അംഗങ്ങൾക്കും പൊതുപ്രവർത്തകർക്കും കുരുന്നുകൾ കത്തുകളെഴുതിയത്.ഭാഷാദിന സന്ദേശങ്ങൾ അറിയിക്കുന്നതോടൊപ്പം പൊതു പ്രവർത്തന മേഖലയിൽ മലയാളഭാഷയ്ക്ക് ഊന്നൽ നൽകണമെന്നും കുട്ടികൾ കത്തിലൂടെ ആവശ്യപ്പെട്ടു.സ്കൂളിലെ 3, 4 ക്ലാസ് വിദ്യാർത്ഥികളാണ് തപാലിലൂടെ കത്തുകളയച്ചത്.മാതൃഭാഷാ ദിനത്തിന്റെ ഭാഗമായി അക്ഷരമരം,അക്ഷര ചിത്രങ്ങൾ, പദപ്പയറ്റ്,പോസ്‍റ്റർ പ്രദർശനം തുടങ്ങിയ പരിപാടികളും നടന്നു.ഹെഡ്മിസ്ട്രസ് സീന.സി,അധ്യാപകരായ മുഹമ്മദലി,സൽമ എൻ.എസ്,മുബഷിറ,ദീപ കെ , ഹസ്ന സി.കെ എന്നിവർ പരിപാടികൾക്ക് നേതൃത്വം നൽകി.

ബാലസഭ ഉദ്ഘാടനം

• 

കുട്ടികളുടെ കലാവാസനകൾ പ്രകടിപ്പിക്കുന്നതിന് വേണ്ടി സ്കൂളിൽ നടപ്പിലാക്കികൊണ്ടിരിക്കുന്ന ബാലസഭ പരിപാടിയുടെ ഈ വർഷത്തെ പരിപാടികൾക്ക് കഴിഞ്ഞ ദിവസം തുടക്കമായി.സ്കൂൾ ഓഡിറ്റോറിയത്തിൽ നടന്ന പരിപാടിയിൽ ഹെഡ്മിസ്ട്രസ് സീന ടീച്ചർ ഉദ്ഘാടനം നിർവഹിച്ചു. കഥ പാട്ടുകൾ, കവിത കഥ, ഡാൻസ് , ഒപ്പന വിവിധ പരിപാടികൾ നടന്നു.

രക്ഷാകർതൃസംഗമം

• 
• 
• 

കോവിഡ്കാല വിദ്യാഭ്യാസത്തിനു ശേഷമുള്ള മാറിയ പഠനരീതികളും ആശങ്കകളും പങ്കുവയ്ക്കുന്നതിനും പരിഹരിക്കുന്നതിനുമായി സ്കൂളിൽ രക്ഷാകർതൃ സംഗമം സംഘടിപ്പിച്ചു. രക്ഷിതാക്കളുടെ ആശങ്കകൾക്കും സംശയങ്ങൾക്കും പരിഹാരങ്ങൾ നിർദ്ദേശിച്ചു കൊണ്ട് കൂമ്പാറ HSS അധ്യാപിക റജുല ടീച്ചർ രക്ഷിതാക്കളോട് സംവദിച്ചു. രക്ഷിതാക്കൾക്കായി വിവിധ മത്സരങ്ങളും സംഘടിപ്പിച്ചു. സ്കൂൾ / നഴ്സറി ക്ലാസുകളിലെ 90% രക്ഷിതാക്കളും പങ്കാളികളായി.

ശാസ‍്ത്രദിനം

• 
• 

അധ്യയന വർഷത്തെ ശാസ്ത്ര ദിനം ഫെബ്രുവരി 28 നു സയൻസ് ക്ലബ്ബിന്റെ നേതൃത്വത്തിൽ സമുചിതമായി ആഘോഷിച്ചു.ക്ലബ്ബിന്റെ നേതൃത്വത്തിൽ വിവിധ മത്സരങ്ങൾ സംഘടിപ്പിച്ചു.കുട്ടികൾ ശാസ്ത്രദിന സന്ദേശം നൽകുന്ന വിവിധ പ്ലക്കാർഡുകളും പോസ്റ്ററുകളും നിർമിച്ചു ക്ലാസ് തലത്തിൽ ശാസ്ത്രപരീക്ഷണങ്ങൾ നടത്തി,സ‍്ക‍ൂൾ പരിസരത്ത് വൃക്ഷതൈകൾ നട്ടു.ശാസ്ത്ര ദിനത്തിന്റെ ഭാഗമായി ക്വിസ്മത്സരം, ശാസ്ത്ര മൂല, റോക്കറ്റ് നിർമ്മാണം തുടങ്ങി വിവിധ പരിപാടികളും സംഘടിപ്പിച്ചു