"അൽ ഫാറൂഖിയ്യ ഹയർ സെക്കന്ററി സ്കൂൾ ചേരാനല്ലൂർ/ഹയർസെക്കന്ററി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p align="justify">ചേരാനല്ലൂർ ഗ്രാമപഞ്ചായത്തിലെ സാമൂഹിക പ്രതിബദ്ധത ഉയർത്തിക്കാണിക്കുന്ന തലയെടുപ്പുള്ള സാമൂഹിക സ്ഥാപനമാണ് അൽ ഫാറൂഖിയ്യ  ഹയർ സെക്കണ്ടറി  സ്കൂൾ. വിദ്യാഭ്യാസ വിപ്ലവം സൃഷ്ടിച്ചുകൊണ്ട്  നീണ്ട 78 വർഷമായി ചേരനല്ലൂർ ഗ്രാമത്തിന്റെ സ്വകാര്യ അഹങ്കാരമായി വിദ്യാലയം പ്രവർത്തിച്ച് വരുന്നു. മതനിരപേക്ഷതയുടെ വിളനിലമാണ് ഈ വിദ്യാലയം. മാത്രമല്ല തിളക്കമുള്ള വ്യക്തിത്വങ്ങളെ സൃഷ്ടിച്ചെടുക്കുന്നതിൽ അൽഫാറൂഖിയ്യ ഹയർ സെക്കണ്ടറി  സ്കൂളിന് സഹജമായ ശേഷിയാണുള്ളത്. ഇന്ന് വിവിധ വിഭാഗങ്ങളിലായി 13 അധ്യാപകരും 2 ലാബ് അസിസ്റ്റന്റ്മാരും സ്ഥാപനത്തിൽ സേവനം അനുഷ്ഠിക്കുന്നു. സയൻസ്, കോമേഴ്സ് ബാച്ചുകളിലായി 200 ൽ പരം വിദ്യാർത്ഥികൾ ഈ വിദ്യാലയത്തിൽ പഠിക്കുന്നു. നാടിന്റെ സാംസ്കാരിക, പുരോഗമന, മതേതര ആശയങ്ങളുടെ സംഗമ കേന്ദ്രം കൂടിയാണീ വിദ്യാലയം. സാധാരണ ജനവിഭാഗത്തിന്റെ സാംസ്കാരികവും വിദ്യാഭ്യാസപരവുമായ ഉയർച്ചയിൽ ഈ സ്കൂളിലെ മാനേജ്‌മെന്റും അധ്യാപകരും വഹിച്ച പങ്ക് സമാനതകളില്ലാത്തതാണ്. അറിവിനായി എറണാകുളം  നഗരത്തേയും ഇതര പ്രദേശങ്ങളേയും ആശ്രയിക്കേണ്ടി വന്ന ഒരു കാലഘട്ടത്തിലാണ് സ്കൂളിന്റെ പ്രവർത്തനം തുടങ്ങിയത് എന്ന കാര്യം  ഏറെ പ്രാധാന്യമർഹിക്കുന്ന ഒന്നാണ്.</p><p align="justify">ഒരു വ്യക്‌തിയുടെ സമഗ്രമായ വികസനമാണ് വിദ്യാഭ്യാസത്തിന്റെ ലക്ഷ്യം . അജ്ഞതയും അന്ധകാരവും അകറ്റി വെളിച്ചത്തിലേക്കും നന്മയിലേക്കുമുള്ള പ്രയാണത്തിൽ കാലിടറാതെ, കരുത്തുറ്റവരായി മറ്റുള്ളവർക്ക് മാതൃകയായി , സമൂഹത്തിന്റെ വഴി വിളക്കായി മാറുവാൻ അൽഫാറൂഖിയ്യ ഹയർ സെക്കണ്ടറി സ്കൂൾ ശ്രദ്ധ പുലർത്തി വരുന്നു. ഇനിയും ഈ വിദ്യാലയത്തിന്റെ യശ്ശസ്സുയർത്താൻ  വിദ്യാർഥികളും, അധ്യാപകരും, അനധ്യാപകരും ഒത്തുചേർന്ന് കഠിനപ്രയത്നം നടത്തി മുന്നോട്ട് കുതിക്കുന്നു.</p>പ്രത്യാശയോടെ ........

<p align="justify">ഹയർസെക്കണ്ടറി വിഭാഗത്തിൽ പഠിക്കുന്ന എല്ലാ വിദ്യാർത്ഥികൾക്കും  ജീവിതത്തിൽ  ഏറ്റവും നിർണ്ണായകവും  അനുയോജ്യവുമായ കരിയർ തെരഞ്ഞെടുക്കാൻ  സഹായിക്കുക എന്നുള്ളതാണ് കരിയർ ഗൈഡൻസ് യൂണിറ്റിന്റെ ഏറ്റവും പ്രധാനപ്പെട്ട ലക്ഷ്യം. അൽ ഫറൂഖിയ  ഹയർസെക്കണ്ടറി സ്കൂളിലെ കരിയർ ഗൈഡൻസ് യൂണിറ്റ് പ്രവർത്തനം ആരംഭിച്ചത് 2018 ലാണ് . 2018ൽ സയൻസ്, കൊമേഴ്സ് പ്ലസ് വൺ ബാച്ചുകളിലെ  വിദ്യാർത്ഥികൾക്ക് ആ വർഷം ജില്ലാ കരിയർ ഗൈഡൻസ് പരിശീലകനായ  ശ്രീ ഗോഡ്വൻ ജോസഫിൻറെ കരിയർ ഗൈഡൻസ് ക്ലാസ് സംഘടിപ്പിച്ചു. ഹയർസെക്കണ്ടറി  വിഭാഗത്തിൽ കരിയർ ഗൈഡ് ആയി തെരഞ്ഞെടുക്കപ്പെട്ടത് ശ്രീമതി അനു ക്ലീറ്റസ് ആണ്.</p>

<p align="justify">തുടർന്നുള്ള  വർഷത്തിൽ  കരിയർ ഗൈഡ് മാർക്ക് വേണ്ടിയുള്ള ഇൻഡ്രൊഡക്ടറി ട്രെയിനിങ്ങും, TOT ഉം കഴിഞ്ഞ് 2 വർഷത്തെ സേവനങ്ങളും പരിഗണിച്ച് ശ്രീമതി അനു ക്ലീറ്റസ് സംസ്ഥാനതല കരിയർ ഗൈഡൻസ് യൂണിറ്റ്  കരിയർ ഫാക്കൽറ്റി ആയി ഉയർത്തപ്പെട്ടു. എറണാകുളം ജില്ലയിലെ  ഫോക്കസ് പോയിന്റ് മാസ്റ്റർ ട്രെയിനർ ആയും, പ്രോജക്ട് കോഡിനേറ്റർ ആയും സേവനം തുടരുന്നതോടൊപ്പം അൽ ഫറുഖിയ ഹയർസെക്കണ്ടറി സ്കൂളിൽ എല്ലാ വിദ്യാർഥികൾക്കും വേണ്ടിയുള്ള നിരന്തരമായ കരിയർ ഗൈഡൻസ് ക്ലാസുകളും, കരിയർ കൗൺസിലിങ്ങും, അഭിരുചി പരീക്ഷയും, സിവിൽ സർവീസ് പരീക്ഷ സഹായക ട്രെയിനിങ്ങും, KEAM, NEET ഒറിയന്റേഷൻ ക്ലാസുകളും, പത്താം ക്ലാസ് വിദ്യാർത്ഥികൾക്ക് വേണ്ടി   പ്ലസ് വൺ അഡ്മിഷനെ  കുറിച്ചുള്ള ഉള്ള ഒറിയന്റേഷൻക്ലാസ്സുകളും  നടത്തിവരുന്നു . അൽ ഫറൂഖിയ ഹയർ സെക്കണ്ടറി  സ്കൂൾ സംസ്ഥാന ഗവൺമെന്റിന്റെ KDAT നോഡൽ സെന്റർ  ആയും പ്രവർത്തിക്കുന്നു.</p>

 

 

 

 

 

== നൈതിക ക്ലബ്ബ്‌  ==

വിദ്യാർഥികൾക്ക് ഇന്ത്യൻ ഭരണ ഘടനയെക്കുറിച്ചുള്ള അറിവ് ഉറപ്പുവരുത്തുക എന്ന ലക്ഷ്യത്തോടെ ആരംഭിച്ചതാണ് നൈതിക ക്ലബ് . 2019 നവംബർ 1 ന് 10 മണിക്ക് ഹയർ സെക്കൻണ്ടറി  പ്രിൻസിപ്പൽ ശ്രീ. ഫസലുൽ ഹഖ് കെ. സി. ഉദ്ഘാടനം നടത്തി പ്രവർത്തനം ആരംഭിച്ചു . ഇന്ത്യൻ ഭരണഘടനയെ ആസ്പദമാക്കിയുള്ള ക്വിസ് കോമ്പറ്റീഷൻ, വിദ്യാർഥികളുടെ നേതൃത്വത്തിൽ ഉള്ള ബോധവൽക്കരണ ക്ലാസ്, ചിത്രപ്രദർശനങ്ങൾ തുടങ്ങിയവയാണ് വർഷംതോറും നടത്തിവരുന്ന പ്രവർത്തനങ്ങൾ .

ഹയർസെക്കൻഡറി വിഭാഗത്തിലെ പ്രിൻസിപ്പൽ ശ്രീ ഫസലുൽ ഹഖ് കെ.സി., വൈസ് പ്രിൻസിപ്പൽ ശ്രീ. മുഹമ്മദ് ബഷീർ എന്നിവരുടെ  നേതൃത്വത്തിൽ   കോവിഡ് പശ്ചാത്തലത്തിൽ സ്കൂളിലെ വിദ്യാർത്ഥികളുടെ ആരോഗ്യ സുരക്ഷ ഉറപ്പു വരുത്തുന്നതിനു വേണ്ടി 2021 ഒക്ടോബർ 26ാം തിയ്യതി ഈ വർഷത്തെ പി ടി എ പ്രസിഡണ്ട് ശ്രീ. ഷാലു  കെ. എസിന്റെയും, വാർഡ് മെമ്പർ ശ്രീമതി ആരിഫ മുഹമ്മദിന്റെയും , സ്കൂൾ മോണിറ്ററിംഗ് കമ്മിറ്റി ചെയർമാൻ ശ്രീ. ജബ്ബാർ സഖാഫിയുടെയും, ആശാവർക്കർ ഐഷുമ്മയുടെയും, നോഡൽ ഓഫീസർ ശ്രീമതി പ്രതിഭാരാജ്ന്റെയും, ശ്രീമതി. സുമ ജയിംസ്, ഹൈ സ്ക്കൂൾ സ്റ്റാഫ് സെക്രട്ടറി ശ്രീ. നവാസ്, സീനിയർ ക്ലർക്ക് ശ്രീ. സുനിൽന്റെയും, ബയോളജി ടീച്ചർമാർ ആയ സുനിത N. M., ശ്രീമതി. അനു ക്ലീറ്റസ് എന്നിവരുടെയും പൊതുവായ നേതൃത്വത്തിൽ സ്കൂളിൻറെ എസ്. എച്ച്. എം. സി. പ്രവർത്തിച്ചുവരുന്നു. വിദ്യാർത്ഥികളിൽ മാസ്ക്ക് ഉപയോഗം ഉറപ്പുവരുത്തുക, ദൈനംദിന താപനില പരിശോധിക്കൽ, കോവിഡ് ലക്ഷണങ്ങൾ പരിശോധിച്ച് വിദ്യാർഥികൾക്ക് വേണ്ട പരിരക്ഷ നൽകുക എന്നിവയാണ് പ്രവർത്തനങ്ങൾ .

== നേച്ചർ ക്ലബ്ബ്‌ ==

2015 ലെ പരിസ്ഥിതി ദിനമായ ജൂൺ 5 നാണ് നേച്ചർക്ലബ്ബ്‌  ഉദ്ഘാടനം ചെയ്തത്. പ്രിൻസിപ്പൽ ഇൻ ചാർജ് ശ്രീമതി അനിത കുമാരിയാണ് ക്ലബ്ബ് ഉദ്ഘാടനം ചെയ്തത്. ശ്രീമതി സുനിത ടീച്ചർ, ശ്രീമതി അനു ക്ലീറ്റസ് ടീച്ചർ എന്നിവരെ ക്ലബ്ബിന്റെ കോഡിനേറ്റർമാർ ആയി തെരഞ്ഞെടുത്തത്. സയൻസ് ബാച്ചിലെ വിദ്യാർത്ഥികളാണ് ക്ലബ്ബിലെ അംഗങ്ങളായി തെരഞ്ഞെടുക്കാറുള്ളത്. സ്വച്ഛ് ഭാരത്,  വെജിറ്റബിൾ ഗാർഡൻ, മെഡിസിനൽ പ്ലാന്റ്, ഗാർഡൻ ഹെർബേറിയം എക്സിബിഷൻ, ക്വിസ് കോമ്പറ്റീഷൻ, പ്ലാസ്റ്റിക് വേസ്റ്റ്കളുടെ ദൂരീകരണം, മലിനീകരണ നിയന്ത്രണം എന്നിവയാണ് പ്രധാന പ്രവർത്തനങ്ങൾ. പ്രസിഡണ്ട്, സെക്രട്ടറി, ട്രഷറർ, കൺവീനർ, എക്സിക്യൂട്ടീവ് അംഗങ്ങൾ അടങ്ങുന്ന വിദ്യാർഥികളുടെ കമ്മിറ്റി ആണ് തീരുമാനങ്ങളെടുക്കുന്നത്.

വിദ്യാർത്ഥി  കേന്ദ്രീകൃതമായ സൗഹൃദ ക്ലബ് 2019 ൽ അൽ ഫാറൂഖിയ്യ ഹയർസെക്കൻഡറി സ്കൂളിൽ രൂപീകൃതമായത്. ശ്രീമതി സുമ ജെയിംസ് ടീച്ചർ ആണ് സൗഹൃദ ക്ലബ്ബിന്റെ കോർഡിനേറ്റർ. പ്രധാനമായും '''മക്കളെ അറിയാൻ, മെന്റൽ ഹെൽത്ത്, റീപ്രൊഡക്ടീവ് ഹെൽത്ത്, സേഫ്റ്റി പ്ലസ്''' എന്നീ വിഷയങ്ങളെ ആസ്പദമാക്കിയുള്ള orientation ക്ലാസുകളാണ് പ്ലസ് വൺ വിദ്യാർത്ഥികൾക്കായി സൗഹൃദ ക്ലബ്ബിന്റെ മേൽനോട്ടത്തിൽ നടക്കുന്നത്. പ്രത്യേക പരിശീലനം നേടിയ ഹയർസെക്കണ്ടറി അധ്യാപകർ , പ്രശസ്ത ഗൈനക്കോളജിസ്റ്റുമാർ എന്നിവരുടെ മേൽനോട്ടത്തിലാണ് ക്ലാസ്സുകൾ നടക്കുന്നത്.

 

 

 

 

അൽഫാറൂഖിയ  ഹയർസെക്കൻഡറി സ്കൂളിന്റെ ദുരന്തനിവാരണ സമിതി 2019 ഡിസംബർ ആറാം തീയതി പ്രിൻസിപ്പൽ കെ. സി. ഫസലുൽ ഹഖ് സാറിന്റെ അധ്യക്ഷതയിൽ സീനിയർ ഫയർ സ്റ്റേഷൻ ഓഫീസർ സുധീർ ലാൽസാർ ഉദ്ഘാടനം ചെയ്തു. വൈസ് പ്രിൻസിപ്പൽ മുഹമ്മദ് ബഷീർ സാർ, പിടിഎ ഭാരവാഹികൾ, വാർഡ് മെമ്പർ അൻസാർ വി. ബി., ചേരാനല്ലൂർ പോലീസ് സ്റ്റേഷൻ എസ് ഐ രൂപേഷ് കെ. ആർ., അസിസ്റ്റന്റ് ഫയർ സ്റ്റേഷൻ ഓഫീസർ വിനോദ് കെ, ജൂനിയർ ഹെൽത്ത് ഇൻസ്പെക്ടർ ജോസഫ് ബിനു  എന്നിവർ പങ്കെടുത്തു. ശ്രീമതി രഹ്‌ന പി മുഹമ്മദിനെ ക്ലബ്ബ് കോർഡിനേറ്ററായി ചുമതലപ്പെടുത്തി. അടിയന്തിര രക്ഷാമാർഗ്ഗങ്ങൾ ആയി ഫയർ എക്സ്റ്റിംഗ്യൂഷർ ട്രെയിനിങ്, സിപിആർ ട്രെയിനിങ്, ഫസ്റ്റ് എയ്ഡ് ട്രെയിനിങ്, എന്നിവ വിദഗ്ധരുടെ ക്ലാസ്സുകളുടെ സഹായത്തോടെ വിദ്യാർഥികൾക്ക് നൽകി. സ്കൂൾ ക്യാമ്പസ് വൃത്തിയാക്കൽ, അപകടകരമാം വിധത്തിൽ ഉള്ള സാഹചര്യങ്ങളിൽ വേണ്ട നടപടികൾ എടുക്കൽ എന്നിവ ക്ലബ്ബിന്റെ പ്രവർത്തനങ്ങളിൽ പെടുന്നു. 2021 നവംബർ ഒന്നിന് ലോക് ഡൗണിന് ശേഷം സ്കൂൾ തുറക്കുന്നതിനു മുന്നോടിയായി കോവിഡ് cell  രൂപീകരിക്കുകയും, എല്ലാ മുന്നൊരുക്കങ്ങളിലും ഭാഗഭാഗിത്വം വഹിക്കുകയും ചെയ്തു.

<p align="justify">സംസ്ഥാനത്തെ ഹയർ സെക്കൻഡറി, ബിരുദ വിദ്യാർത്ഥികൾക്ക് നൈപുണ്യ പരിശീലനം നൽകുന്നതിനുള്ള കേരള സർക്കാരിന്റെ ഒരു സംരംഭമാണ് അഡീഷണൽ സ്കിൽ അക്വിസിഷൺ പ്രോഗ്രാം. നൈപുണ്യ പരിശീലനത്തിലൂടെ സംസ്ഥാനത്തെ യുവ സമൂഹത്തെ ശാക്തീകരിക്കുക എന്നതാണ് പരിപാടിയുടെ പ്രധാന ലക്ഷ്യം.

കേരളത്തിലെ ഉന്നത വിദ്യാഭ്യാസം, പൊതുവിദ്യാഭ്യാസം, തൊഴിൽ, തദ്ദേശ സ്വയംഭരണ വകുപ്പുകൾ സംയുക്തമായാണ് ഈ സംരംഭം നടപ്പിലാക്കുന്നത്. 2011-ലാണ് ഈ സംരംഭം ആരംഭിച്ചത്. അൽ-ഫാറൂഖിയ എച്ച്എസ്എസ് 2017-ൽ അസാപ് പ്രോഗ്രാം ആരംഭിച്ചു. ഓരോ ബാച്ചിലും സയൻസ്, കൊമേഴ്‌സ് ബാച്ചുകളിൽ നിന്നുള്ള 30 ഓളം വിദ്യാർത്ഥികൾ ഉൾപ്പെടുന്നു. 2017 മുതൽ മൂന്ന് ബാച്ചുകൾ കമ്മ്യൂണിക്കേറ്റീവ് ഇംഗ്ലീഷിലെ അടിസ്ഥാന അറിവ്, അടിസ്ഥാന കമ്പ്യൂട്ടർ പരിജ്ഞാനം എന്നിവ വിജയകരമായി പൂർത്തിയാക്കി. അവർ ആനിമേഷൻ കോഴ്സുകളിലും റീട്ടെയിൽ മാർക്കറ്റിംഗിലും അധിക വൈദഗ്ധ്യം നേടി. ശ്രീമതി പ്രതിഭ രാജ് ആണ് അൽ ഫറൂഖിയ ഹയർ സെക്കൻഡറി സ്കൂളിലെ ASAP coordinator</p>