സെന്റ് മേരീസ് എച്ച്.എസ്സ്. കൂടത്തായ്/പ്രവർത്തനങ്ങൾ/2024-25/വായനാ ദിനം
ജൂൺ 19 - വായനാദിനം
ഭാഷാകേളിയും മലയാളം പ്രശ്നോത്തരിയും സ്പെഷ്യൽ അസംബ്ലിയുമായി കൂടത്തായ് സെന്റ് മേരീസ് ഹൈസ്കൂൾ ഈ വർഷത്തെ വായന ദിനം വിപുലമായി ആചരിച്ചു...
ജൂൺ 19 ന് രാവിലെ നടന്ന വായന ദിന പ്രത്യേക അസംബ്ലിയിൽ വായന ദിന പ്രതിജ്ഞ, പുസ്തകാസ്വാദനം, കവിതാലാപനം, എഴുത്തുകാരെ പരിചയപ്പെടൽ തുടങ്ങിയ പരിപാടികൾ കുട്ടികൾ അവതരിപ്പിച്ചു..
പ്രശസ്ത കവി യും അധ്യാപകനുമായ സോമൻ കടലൂർ വായനദിനത്തിൽ മുഖ്യാതിഥിയായിരുന്നു. അദ്ദേഹവുമായുള്ള കൂടിക്കാഴ്ചയും കവി സദസ്സും കുട്ടികൾക്കും അധ്യാപകർക്കും നവാനുഭവമായിമാറി..
വായന ദിനാചരണത്തിന്റെ ഭാഗമായി ഭാഷാകേളി, പുസ്തകാസ്വാദനം, കഥാ രചന, കവിതാ രചന, ചാർട്ടു നിർമ്മാണം, എഴുത്തുകാരുടെ ഭവന സന്ദർശനം തുടങ്ങിയ വിവിധ പരിപാടികൾ നടക്കുന്നു. വിദ്യാരംഗം കബ്ബ്, ബഡിംഗ് റൈറ്റേഴ്സ്, ഝരിക സ്കൂൾ ലൈബ്രറി കൗൺസിൽ എന്നിവയുടെ ആഭിമുഖ്യത്തിൽ നടക്കുന്ന പരിപാടികൾക്ക്
സുമേഷ് സി. ജി, ലിൻസി എം.സി, ഡാന്റി ജോർജ്, രേവതി, അഞ്ജു, നിഷ ആന്റണി തുടങ്ങിയ അധ്യാപകർ നേതൃത്വം നൽകുന്നു
കല ജാതിയുടെയും മതത്തിന്റെയും അതിർത്തികൾ ഇല്ലാതാക്കുമെന്ന് കാരശ്ശേരി മാഷ്
സാഹിത്യസല്ലാപം
കൂടത്തായി : സെന്റ്. മേരീസ് ഹയർ സെക്കന്ററി സ്കൂളിൽ വിദ്യാരംഗം, വിവിധ ക്ലബ്ബുകളുടെ പ്രവർത്തന ഉദ്ഘാടനം എം. എൻ. കാരശ്ശേരി നിർവ്വഹിച്ചു. പി. ടി. എ. പ്രസിഡന്റ്‌ മുജീബ്. കെ. കെ അധ്യക്ഷത വഹിച്ചു. ഹെഡ്മാസ്റ്റർ തോമസ് അഗസ്റ്റിൻ സ്വാഗതവും, വിദ്യാരംഗം കൺവീനർ സി. ജി. സുമേഷ് നന്ദിയും പറഞ്ഞു. നിഷ ആന്റണി അതിഥിപരിചയം നടത്തി. പ്രിൻസിപ്പൽ ഫാ. സിബി പൊൻപാറ സംബന്ധിച്ചു.
തുടർന്ന് സ്കൂളിലെ ബഡ്‌ഡിങ് റൈറ്റേഴ്സ് ക്ലബ്ബിന്റെ ആഭിമുഖ്യത്തിൽ അതിഥിയുമായി ചോദ്യോത്തരവേള സംഘടിപ്പിച്ചു. സ്കൂൾ വിദ്യാർത്ഥി ദീക്ഷിത് മോഡറേറ്റർ ആയി . കൺവീനർ ലിൻസി. എം. സി നേതൃത്വം നൽകി. കുട്ടികളും, അധ്യാപകരും പങ്കെടുത്തു.
വായനാവാര സമാപന ദിനത്തോടനുബന്ധിച്ച് 9E മലയാള വിഭാഗം തയ്യാറാക്കിയ " മയിൽപ്പീലി" കയ്യെഴുത്ത് മാസിക എച്ച് എം തോമസ് അഗസ്റ്റിൻ സാർ പ്രകാശനം ചെയ്തു. മലയാളഭാഷയുടെ പ്രാധാന്യത്തെക്കുറിച്ച് ദിയന എഴുതിയ എഡിറ്റോറിയൽ പ്രശംസ അർഹമാണ്. കുട്ടികളുടെ സർഗ്ഗവാസനകളും, മാതൃഭാഷയോടുള്ള മാധുര്യം തുളുമ്പുന്ന ഇഷ്ടവും ഈ രചനകളിൽ കാണാം. പ്രകാശന ചടങ്ങിൽ മലയാളം അധ്യാപിക സിസ്റ്റർ വിനീതയും, വിദ്യാരംഗം കൺവീനർ ശ്രീ സുധേഷ് വിയും സന്നിഹിതരായിരുന്നു.
ഇതളുകളിലൂടെ.......
" സദ്ഗമയ " 9B കയ്യെഴുത്തു മാസിക HM തോമസ് അഗസ്റ്റിൻ സാർ പ്രകാശനം ചെയ്യുന്നു.