ഗവ.എച്ച്.എ.യു.പി.എസ്. വിഴിഞ്ഞം/പ്രവർത്തനങ്ങൾ/2026-27
A. ജൂൺ
1. പ്രവേശനോത്സവം
പുതിയ സ്വപ്നങ്ങൾക്ക് വർണച്ചിറകേകി പ്രവേശനോത്സവം
വിദ്യാലയമുറ്റത്ത് ജൂൺ ഒന്ന് തിങ്കളാഴ്ച വിരിഞ്ഞത് അറിവിന്റെ പുതുവസന്തമായിരുന്നു. കുഞ്ഞിക്കാലടികൾ ആദ്യമായി വിദ്യാലയത്തിന്റെ പടിവാതിൽ കടന്നെത്തിയപ്പോൾ, അവരുടെ മുഖങ്ങളിൽ തെളിഞ്ഞ കൗതുകവും സന്തോഷവും ആഘോഷത്തിന് കൂടുതൽ മിഴിവേകി.
പ്രവേശനോത്സവത്തിന്റെ ഭാഗമായി സ്കൂൾ അങ്കണം വർണാഭമായ തോരണങ്ങളും ബലൂണുകളും പൂക്കളും കൊണ്ട് അലങ്കരിക്കപ്പെട്ടു. നവാഗതരെ സ്വീകരിക്കാൻ അധ്യാപകരും രക്ഷിതാക്കളും വിദ്യാർത്ഥികളും ഒരുമിച്ച് അണിനിരന്നപ്പോൾ, വിദ്യാലയം ഒരു വലിയ കുടുംബസംഗമത്തിന്റെ പ്രതീതി സൃഷ്ടിച്ചു.അറിവിന്റെ ലോകത്തേക്കുള്ള ആദ്യ ചുവടുവെപ്പിനെ സന്തോഷകരമാക്കുക എന്ന ലക്ഷ്യത്തോടെ സംഘടിപ്പിച്ച വിവിധ പ്രവർത്തനങ്ങൾ കുട്ടികളിൽ ആത്മവിശ്വാസവും വിദ്യാലയസ്നേഹവും വളർത്തുന്നതിന് സഹായകമായി. രക്ഷിതാക്കളും അധ്യാപകരും കൈകോർത്ത ഈ പ്രവേശനോത്സവം, വിദ്യാഭ്യാസം പുസ്തകങ്ങളിലെ അറിവ് മാത്രമല്ല, സ്നേഹത്തിന്റെയും സഹവർത്തിത്വത്തിന്റെയും മൂല്യങ്ങൾ പകർന്നുനൽകുന്ന മഹത്തായ യാത്രയാണെന്ന സന്ദേശം സമൂഹത്തിന് നൽകി. പുതിയ പ്രതീക്ഷകളും സ്വപ്നങ്ങളുമായി വിദ്യാലയ ജീവിതത്തിലേക്ക് കടന്നുവന്ന കുരുന്നുകൾക്ക് ആശംസകൾ നേർന്നുകൊണ്ട് പ്രവേശനോത്സവ പരിപാടികൾ സമാപിച്ചു.
-
ഉദ്ഘാടനം -
അക്ഷര ദ്വീപം തെളിയിക്കുന്ന കുരുന്ന് -
അക്ഷര ദ്വീപം -
നൃത്തം അവതരിപ്പിക്കുന്ന വിദ്യാർത്ഥികൾ
ഹാർബർ വാർഡ് കൗൺസിലർ അഫ്സ സജീന പരിപാടി ഉദ്ഘാടനം ചെയ്തു. സ്കൂൾ വികസനത്തിനും വിദ്യാർത്ഥികളുടെ സർവതോമുഖ പുരോഗതിക്കും അധ്യാപകരും രക്ഷിതാക്കളും കൈകോർക്കേണ്ടതിന്റെ പ്രാധാന്യം ഉദ്ഘാടന പ്രസംഗത്തിൽ അഫ്സ സജീന ഊന്നിപ്പറഞ്ഞു.
ചടങ്ങിൽ എസ്.എം.സി. ചെയർമാൻ താജുദ്ദീൻ റഹ്മാനി അധ്യക്ഷത വഹിച്ചു. വിവിധ കലാപരിപാടികളും സ്വാഗതഗാനവും പ്രവേശനോത്സവത്തിന് മാറ്റുകൂട്ടി.വിദ്യാലയത്തിലെ പുതിയ വിദ്യാർത്ഥികളെ പൂക്കളും മധുരപലഹാരങ്ങളും നൽകി സ്വീകരിച്ചു.സ്കൂളിലെ മുഴുവൻ വിദ്യാർത്ഥികൾക്കും, സ്കൂളിലെ അറബിക് അധ്യാപകൻ സെക്കരിയ്യ സാറിന്റെ അനിയൻ ഗഫൂർ പൂതൻകോടൻ നൽകിയ പഠനോപകരണങ്ങൾ അടങ്ങിയ സ്കൂൾ കിറ്റ് വിതരണം ചെയ്യ്തു. പ്രധാനാധ്യാപകൻ ബൈജു. എച്ച്.ഡി.,സ്കൂളിലെ പൂർവ്വാധ്യാപകരായിരുന്ന ശ്രീകുമാർ. എസ്.പി,ശ്യാമള. ടീച്ചർ, നബീസ ടീച്ചർ, ശ്രീലേഖ ടീച്ചർ, പി.ടി.എ. പ്രസിരണ്ട് അൻവർ ഷാൻ വാഫി,മുൻ വാർഡ് കൗൺസിലർ നിസാബീവി തുടങ്ങിയവർ സംസാരിച്ചു. അധ്യാപകരായ സെന്തിൽ കുമാർ.പി.ഡി,ബീന.എൽ,ഷീജ.എ,ജോലാൽ.ടി.എസ്,സെക്കരിയ്യ. പി,കുമാരി ബിന്ദു.വൈ.ആർ,ക്രിസ്റ്റിൻ ബ്യൂല.എസ്,ഷീബ.എസ്.ഡി,സിന്ധു ലേഖ.കെ.എസ്.,രജി.ബി.എസ്.,അനു.പി.വി,ലെജി. എൽ.ആർ,അനിത.പി.എസ്,രഹ്ന ഷഫീല. എസ്, ഷീല.,റഫ്ഖാൻ, അലി ഫാത്തിമ തുടങ്ങിയവർ നേതൃത്വം നൽകി.
രക്ഷിതാക്കൾ, പി.ടി.എ.& എം.പി.ടി.എ.,എസ്.എം.സി. ഭാരവാഹികൾ, വിദ്യാർത്ഥികൾ, പ്രദേശവാസികൾ എന്നിവർ ചടങ്ങിൽ പങ്കെടുത്തു.